JINGPYNPAW 8:1 - KA BAIBL

¹ Bad mynba u la plie ïa ka jingpyndait ka bahynñiew, ka la long ka jingsngap jar ha bneng kumba shiteng kynta.

Khasi CL Bible (BSI)

¹ Haba U Khunlangbrot u la pynpait noh ïa ka jingpyndait kaba hynñiew, ka la don ka jingsngap jar ha bneng kumba shiteng kynta.

JINGPYNPAW 8:1 ပူးပေါင်းရင်းမြစ်များ

Ka Kitab U Job 4:16

Ka la ïeng thik, hynrei, ngam shym lah ban ithuh ïa ka rukom jong ka; la don ka dur ha shuwa ki khmat jong nga: la don ka jingjar jar, nga la ïohsngew ïa ka ktien, kaba ong,

SALM 37:7

To shongthait ha U Trai, bad ap shah slem ïa u: wat pynkhuslai ïa lade namar uta uba man bha ha la ka lynti, bad namar uta u briew uba pyndep ïa ki jingpyrkhat bymman.

SALM 62:1

Ka mynsiem jong nga ka ap kyrmen tang ha U Blei: na u ka wan ka jingpynim jong nga.

HABAKKUK 2:20

Hynrei, U Trai u don ha la ka templ ka bakhuid: ka pyrthei baroh to kan sngap jar noh ha khmat jong u.

SEKHARAÏAH 2:13

To sngap jar, ka doh baroh, ha khmat U Trai: naba u la khie na la ka jaka shong ka bakhuid.

MATHAÏOS 27:66

Ki la leit te, ki la pynskhem ïa ka jingtep, ki da shon shab ïa u maw, ki nongap ruh ki da don lem.

JINGPYNPAW 5:1

Bad nga la ïohi ha ka kti kamon jong uta uba shong halor kata ka khet ïa ka kitab, ïa kaba la thoh shapoh bad shalor, ïa kaba la pyndait laha da ki hynñiew ki jingpyndait.

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;

JINGPYNPAW 6:1

Bad nga la khmih mynba uta U Khun langbrot u la plie ïa kawei na kita ki hynñiew ki jingpyndait, bad nga la ïohsngew ïa uwei na kita ki saw tylli ki jingthaw ba-im ba u da kren kum ka jingriew u pyrthat, “To ale, bad to khmih.”

JINGPYNPAW 6:12

Bad nga la ïohi mynba u la plie ïa ka jingpyndait ka bahynriew, bad la long ka jingkhynñiuh jumai bakhraw; bad ka sngi ka la kylla ïong kum ka jaiñ shñiuh bakhain, bad u bnai pyllun u la kylla kum ka snam;

JINGPYNPAW 6:3

Bad mynba u la plie ïa ka jingpyndait ka ba-ar, nga la ïohsngew ïa uta u jingthaw ba-im u ba-ar ba u ong, “To ale, bad to khmih.”

JINGPYNPAW 6:5

Bad mynba u la plie ïa ka jingpyndait ka balai, nga la ïohsngew ïa uta u jingthaw ba-im u balai ba u ong, “To ale, bad to khmih.” Te nga la khmih, bad ha khmih, ka kulai baïong; bad uta uba shong halor jong ka u da bat ïa ka tarajur ha ka kti jong u.

JINGPYNPAW 6:7

Bad mynba u la plie ïa ka jingpyndait ka basaw, nga la ïohsngew ïa ka ktien jong uta u jingthaw ba-im u basaw, ka da ong, “To ale, bad to khmih.”

JINGPYNPAW 6:9

Bad mynba u la plie ïa ka jingpyndait ka basan, nga la ïohi hapoh ka duwan ïa ki mynsiem ki jong kita ïa kiba la pynïap noh na ka bynta ka ktien U Blei, bad na ka bynta kata ka jingphla ïa kaba ki la ju ïabat skhem.