JINGPYNPAW 7:3 - KA BAIBL

³ u da ong, “To wat pynsniew ïa ka khyndew, lymne ïa ka duriaw, lymne ïa ki dieng, ha ban da ngi la ïoh shon ïa ki shakri U Blei jong ngi halor ki shyllangmat jong ki.”

Khasi CL Bible (BSI)

³ U angel u la ong, “Wat pynsniew ïa ka khyndew, ka duriaw ne ïa ki dieng, katba ym pat buh dak ïa ki shakri jong U Blei jong ngi da ka shab ha ki shyllangmat jong ki.”

JINGPYNPAW 7:3 ပူးပေါင်းရင်းမြစ်များ

EKSODOS 12:13

Kata ka snam te kan sa long ka dak ïa phi ha ki ïing ha kiba phi don: bad haba nga ïohi ïa kata ka snam, ngan ïaid palat ïa phi, bad kata ka jingpynïap kan ym long ïa ka ban pynjot ïa phi, haba nga shoh ïap ïa ka ri Ijipt.

EKSODOS 12:23

Naba U Trai un sa ïaid lyngba ïa ka ban shoh ïap ïa ki Ijipt; te haba u ïohi ïa kata ka snam ha khlieh jingkhang, bad ha baroh ar liang ki shawkad, U Trai un ïaid palat ïa kata ka jingkhang, bad un ym shah ïa uta u nongpynjot ban wan hapoh ki ïing jong phi ïa ka ban pynjot.

ISAÏAH 27:8

Da kaba thew, haba me phah noh ïa ka, me ïaleh bad ka; u la pynkynriah ïa ka da la ka jingbeh lyer bajur ha ka sngi ka 'er mihngi.

ISAÏAH 54:17

Ka tiar baroh ba la thaw pyrshah ïa pha kan ym myntoi; bad ïa u thylliej baroh uba ïeng pyrshah ïa pha ha ka jingbishar phan pynrem. Kane ka long ka bynta ki shakri U Trai, bad ka hok jong ki kaba na nga,” ong U Trai.

ISAÏAH 6:13

Te lada dang sah kaba shiphew ha ka, yn bam duh pat ïa ka: kum u dieng Elah, bad kum u dieng Sning, uba u dyngkhong jong u, u sah haba la khet ïa ki; kumta uta u symbai bakhuid un long u dyngkhong jong ka.”

ISAÏAH 65:8

Kumne u ong U Trai, “Kumba ïa ka Waiñ thymmai la shem ha ka shi rynjup, bad ba uwei u ong, ‘Wat pynduh ïa ka, naba don ka jingkyrkhu ha ka:’ kumta ngan leh na ka bynta ki shakri jong nga, ba ngan ym pynduh ïa ki baroh.

ESEKIEL 9:4

Bad U Trai u la ong ha u, “To ïaid lyngba kata ka nongbah, lyngba ka Jerusalem, bad to buh ka dak halor ki shyllangmat jong kita ki briew kiba ud bad kiba lynñiar namar ki jingijli baroh kiba la leh hapdeng jong ka.”

ESEKIEL 9:6

to pynïap khoit ïa u tymmen, ïa u samla bad ïa ka samla, bad ïa ki khynnah rit bad ïa ki kynthei: hynrei, wat wan sha jan uno uno u briew ha uba don kata ka dak; bad to sdang ha ka jaka kyntang jong nga.” Te ki la sdang na ki tymmen kiba ha khmat kata ka ïing.

DANIEL 3:17

Lada ka long kumta, U Blei jong ngi ïa uba ngi shakri u lah ban pyllait ïa ngi na ka lawar ding ba la thang rhem; bad un pyllait ïa ngi ruh na ka kti jong me, ko syiem.

DANIEL 3:26

Ynda kumta, u Nebukhadnessar u la wan hajan ka jingkhang jong kata ka lawar ding ba la thang rhem: u la kren bad u la ong, “Ko Shadrak, Meshak, bad Abednego, phi ki shakri jong U Blei U Bahakhlieh Tam Eh, to ïamih noh, to ale shane.” Ynda kumta, u Shadrak, u Meshak, bad u Abednego, ki la ïamih noh napdeng ka ding.

DANIEL 6:16

Ynda kumta, u syiem u la hukum, bad ki la wallam ïa u Daniel, bad ki la bred noh ïa u hapoh ka krem ki sing. Te u syiem u la kren bad u la ong ha u Daniel, “U Blei jong me ïa uba me shakri khlem da pud, un pynim ïa me.”

SEPHANAÏAH 2:3

To wad ïa U Trai, phi baroh kiba lui lui jong ka khyndew, kiba la leh ïa ka jingbishar jong u; to wad ïa ka hok, wad ïa ka jinglui lui: lehse yn buhrieh ïa phi ha kata ka sngi ka jingbitar U Trai.

MALAKHI 3:18

Hangta te phin phai bad phin sngewthuh ïa u bahok na u bymman, bad ïa uba shakri ïa U Blei na uta u bym shakri ïa u.”

MATHAÏOS 24:22

Te lymda pyndkut noh ïa kita ki sngi, kan ym lait im kawei ka doh: hynrei, na ka bynta kiba la jied, yn pyndkut noh ïa kita ki sngi.

MATHAÏOS 24:31

Un phah noh ruh ïa ki angel jong u da ka jingsawa bakhraw ka turoi, bad kin ïalum lang ïa kiba la jied jong u na ki saw lyer, naduh ki bakut ki bneng haduh ki bakut jong ki.

ÏOANNIS 12:26

Lada uno uno ruh un shakri ïa nga, to ai ba un bud ïa nga; bad sha kaba nga don ma nga, hangta ruh u shakri jong nga un long: lada uno uno ruh u shakri te ïa nga, U Kpa jong nga un pyndonnam ïa u.

ÏOANNIS 3:33

Uta uba la pdiang ïa ka jingphla jong u, u la pynskhem ba U Blei u long uba shisha.

Ka Shithi U Paul Sha Ki Nong Rom 6:22

Hynrei, mynta, ba la pyllait noh ïa phi na ka pop, bad ba la pynlong shakri ïa phi ha U Blei, phi ïoh kheit ïa u soh jong phi sha ka jingpynkhuid, bad ka bakut kan long ka jingim bymjukut keiñ.

JINGPYNPAW 13:16

Bad u pynlong ïa ki baroh, ïa ki barit baraiñ ruh bad ki bakhraw batri, ïa ki bariewspah ruh bad ki baduk, ïa kiba laitluid ruh bad ki mraw, ba yn buh ha ki, ïa ka dak halor ka kti kamon jong ki, lane halor ki shyllangmat jong ki;

JINGPYNPAW 13:17

bad ba uno uno ruh un ym lah ban thied lane ban die, hynrei, tang uta uba don kata ka dak, kata ka kyrteng hi uta u mrad khlaw keiñ, lane kata ka jingkheiñ ka kyrteng jong u.

JINGPYNPAW 14:1

Te nga la ïohi, bad ha khmih, U Khun langbrot u ïeng halor u lum Seïon, bad lem bad u ruh shispah sawphew saw hajar ngut, kiba don kata ka kyrteng jong u, bad ka kyrteng U Kpa jong u, ïa kaba la thoh halor ki shyllangmat jong ki.

JINGPYNPAW 14:9

Bad u angel u balai u la bud ïa ki, u da ong da ka ktien bajam, “Lada uno uno ruh u mane dem ïa uta u mrad khlaw bad ïa ka dur jong u, bad u pdiang ïa kata ka dak halor ka shyllangmat jong u, lane halor ka kti jong u,

JINGPYNPAW 19:2

Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.

JINGPYNPAW 22:4

bad kin ïohi ïa ka khmat jong u; bad ka kyrteng jong u kan long halor ki shyllangmat jong ki.

JINGPYNPAW 6:6

Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”

JINGPYNPAW 7:1

Te hadien kane, nga la ïohi ïa ki saw ki angel kiba ïeng halor ki sawdong ka khyndew, ba ki ïabat ïa ki saw lyer ka khyndew, khnang ba ka lyer kan ym ïoh beh ha ka khyndew, lymne ha ka duriaw, lymne ha kano kano ka dieng.

JINGPYNPAW 7:2

Bad nga la ïohi ïa uwei pat u angel ba u wan kiew na sha ba-mih ka sngi, u da bat ïa ka shab jong U Blei U Ba-im; bad u la pyrta da ka ktien bajam ha kita ki saw angel, ha kiba la ai bor ban pynsniew ïa ka khyndew bad ïa ka duriaw,

JINGPYNPAW 9:4

Bad la ong ha ki ba kin ym pynsniew ïa u phlang ka khyndew, lymne ïa kaei kaei ruh ka bajyrngam, lymne ïa uno uno ruh u dieng, hynrei, tang ïa kita ki briew ki bymdon kata ka jingshon shab jong U Blei halor ki shyllangmat jong ki.