JINGPYNPAW 7:2 - KA BAIBL

² Bad nga la ïohi ïa uwei pat u angel ba u wan kiew na sha ba-mih ka sngi, u da bat ïa ka shab jong U Blei U Ba-im; bad u la pyrta da ka ktien bajam ha kita ki saw angel, ha kiba la ai bor ban pynsniew ïa ka khyndew bad ïa ka duriaw,

Khasi CL Bible (BSI)

² Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.

JINGPYNPAW 7:2 ပူးပေါင်းရင်းမြစ်များ

2 SYIEM 19:4

Lehse U Trai U Blei jong me un sngew ïa ki ktien u Rabshakeh baroh, uba u syiem ka Assyria u kynrad jong u, u la phah ban krenbeiñ ïa U Blei u ba-im, bad un sneng ïa kita ki ktien kiba U Trai U Blei jong me u la ïohsngew: namar kata, to pynkyntiew noh ïa la ka jingduwai na ka bynta kita kiba dang sah ïa kiba la iehnoh.’ ”

JINGRWAI SOLOMON 8:6

To buh ïa nga kum ka shab halor ka dohnud jong me, kum ka shab halor ka ksang'ti jong me: namar ka jingieit ka long ka bakhlaiñ kat ka jingïap; ka jingbishni ka long ka barunar kum ka jingtep: ki jingba jong ka ki long ki jingba ka ding, ka thylliej ding hi ka jong U Trai keiñ.

ISAÏAH 41:2

Uei ba la pynmih ïa uwei na mihngi, ïa uba u la khot ha ka hok kat sha kaba u ïaid? U aiti noh ïa ki jaid bynriew ha khmat jong u, bad u pynlong ïa u ban synshar halor ki syiem; u aiti ïa ki kum u pum pum ïa ka waitlam jong u, kum ka skum ïa kaba la kynting ïa ka ryntieh jong u.

ESEKIEL 9:4

Bad U Trai u la ong ha u, “To ïaid lyngba kata ka nongbah, lyngba ka Jerusalem, bad to buh ka dak halor ki shyllangmat jong kita ki briew kiba ud bad kiba lynñiar namar ki jingijli baroh kiba la leh hapdeng jong ka.”

MALAKHI 3:1

“Ha khmih, nga phah ïa la u nonglam-ktien, bad un khreh ïa ka lynti ha shuwa jong nga: bad U Trai, uba phi ïawad, un wan kyndit sha la ka ïing: bad uta u angel ka jutang, ha uba phi ïasngewbha, ha khmih, u wan,” ong U Trai ki paid.

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

MATHAÏOS 16:16

U Simon Petros u la ïathuh bad u la ong, “Me long U Khrist, U Khun U Blei ba-im.”

MATHAÏOS 26:63

Hynrei, U Jisu u la shu sngap. Te u rangbah lyngdoh u da ïathuh u la ong ha U, “Nga pynsmai ïa me ha U Blei U Ba-im, ba men ïathuh ha ngi, la me long uba U Khrist, U Khun U Blei!”

ÏOANNIS 6:27

Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”

2 KORINTH 1:22

uba la shon shab ruh ïa ngi, bad uba la ai ïa ka synjat jong U Mynsiem ha ki dohnud jong ngi.

EPHESOS 1:13

ha u, ma phi ruh, haba phi la ïohsngew ïa ka ktien ka jingshisha, ka gospel ka jingpynim jong phi; ha uba, haba phi la ngeit ruh, la shon shab ïa phi da U Mynsiem Bakhuid ka jingkular,

EPHESOS 4:30

To wat pynsngewsih phi ïa U Mynsiem Bakhuid U Blei, da uba la shon shab ïa phi haduh kata ka sngi ka jingsiewspah.

DEUTERONOMI 5:26

Naba uno na ka doh baroh, ba la ïohsngew ïa ka jingsawa ktien U Blei u ba-im, ba U da kren napdeng kata ka ding, kum ma ngi, bad uba la im keiñ?

1 THESSALONI 1:9

Namar ma ki hi, ki ïa-pynbna shaphang jong ngi kaba kumno ka jingpdiang jong phi ïa ngi, bad kumno phi la phai sha U Blei na ki bleithaw, ban shakri ïa U Blei ba-im bad bashisha,

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”

HEBRU 12:22

hynrei, phi la wan ha u lum Seïon, bad ha ka nongbah U Blei ba-im, ha ka Jerusalem bakynja bneng, bad ha ki bun paidbah ki angel ki bym lah ñiew shuh,

JINGPYNPAW 1:3

Suk uta uba pule, bad kita kiba ïohsngew ïa ki ktien jong kane ka jingïathuhlypa, bad kiba sumar ïa kita kiei kiei ruh ïa kiba la thoh ha ka; namar kata ka Ïa ka la jan.

JINGPYNPAW 10:1

Bad nga la ïohi ïa uwei pat u angel bakhrawbor ba u wan hiar na bneng, uba la kup da u lyoh; bad u simpyllieng halor ka khlieh jong u, bad ka khmat jong u ka la kum ka sngi, bad ki kjat jong u, kum ki rijied ding;

JINGPYNPAW 10:4

Te mynba kita ki hynñiew ki pyrthat ki la ïalap, nga la sa ba ngan sa thoh; hynrei, nga la ïohsngew ïa ka ktien na bneng kaba ong ha nga, “To pyndait laha ïa kita kiei kiei ruh ïa kiba kita ki hynñiew ki pyrthat ki la ïalap, bad to wat thoh ïa kita kiei kiei ruh.”

JINGPYNPAW 16:12

Bad uta u bahynriew u la theh noh ïa ka pliang jong u halor kata ka wah bakhraw, ka Ïuphratis; te ka um jong ka, ka la rngad noh, ba yn ïoh khreh ïa ka lynti bah ïa ki syiem kiba na mihngi.

JINGPYNPAW 5:2

Bad nga la ïohi ïa u angel u bakhlaiñ, u da pyrta da ka ktien bajam, “Uei uba bit ban plied ïa kata ka kitab, bad ban loit ïa ki jingpyndait jong ka?”

JINGPYNPAW 8:3

Te uwei pat u angel u la wan bad u la ïeng hajan ka duwan, u da don ka pliang ksiar bathang iwbih; bad la ai ha u shibun ka jingainguh thang baiwbih, ba un ïoh pynlang ïa ka ha ki jingduwai ki riewkhuid baroh halor kata ka duwan ksiar kaba ha khmat kata ka khet.

JINGPYNPAW 9:14

ka da ong ha uta u angel u bahynriew uba la don kata ka turoi, “To pyllait noh ïa kita ki saw angel ïa kiba la khum hajan kata ka wah ka bakhraw ‘ka Ïuphratis’.”

JINGPYNPAW 9:4

Bad la ong ha ki ba kin ym pynsniew ïa u phlang ka khyndew, lymne ïa kaei kaei ruh ka bajyrngam, lymne ïa uno uno ruh u dieng, hynrei, tang ïa kita ki briew ki bymdon kata ka jingshon shab jong U Blei halor ki shyllangmat jong ki.

1 SAMUEL 17:26

Te u Dabid u la kren ha kita ki briew kiba ïeng hajan jong u, u da ong, “Yn leh aïu ïa uta u briew u ban pynïap ïa une u Philistia, bad u ban pynduh noh ïa kane kaba jahburom na Israel? naba uei une u Philistia uba khlem otsher, ba u beiñ ïa ki paidïapom jong U Blei u ba-im?”

1 SAMUEL 17:36

Kumta u shakri jong me u la pynïap ïa uta u sing bad ïa kata ka dngiem: te une u Philistia uba khlem otsher un long kum uwei na kita, namar ba u la beiñ ïa ki paidïapom jong U Blei u ba-im.”