JINGPYNPAW 7:12 - KA BAIBL

¹² ki da ïa-ong: “Amen! Ka jingkyrkhu bad ka burom bad ka jingstad bad ka jingainguh bad ka jingpyndonburom bad ka bor bad ka jinglah ha U Blei jong ngi sha ki bymjukut ki bymjukut: Amen.”

Khasi CL Bible (BSI)

¹² Te ki la dem ngon ha khmat kata ka khet bad ki la mane ïa U Blei, ki da ong, “Amen! Ka jingïaroh, ka burom, ka jingstad, ka jingainguh, ka jingpyndonburom, ka bor, bad ka jingkhlaiñ ki long jong U Blei jong ngi junom la junom! Amen!”

JINGPYNPAW 7:12 ပူးပေါင်းရင်းမြစ်များ

NEHEMAÏAH 12:46

Namar ha ki sngi u Dabid bad u Asaph, na mynbarim don u rangbah ki nongrwai, bad ki jingrwai ïaroh bad jingainguh ha U Blei.

NEHEMAÏAH 12:8

Ba ki Lebi ruh: u Jeshua, u Binnui, u Kadmiel, u Sherebiah, u Judah, bad u Mattaniah, uba la long halor ka jingïaroh, ma u bad ki para jong u.

SALM 100:4

To rung sha khyrdop jong u bad ka jingainguh, bad sha ka phyllaw jong u da ka jingïaroh: to ainguh ïa u, bad to kyrkhu ïa ka kyrteng jong u.

SALM 106:48

Long ba la kyrkhu ïa U Trai, U Blei ki Israel, naduh bymjukut haduh bymjukut. Bad to u paidbah baroh un ong, “Amen.” To ïaroh ïa U Trai.

SALM 107:22

To kin ai ruh ki jingkñia ka jingainguh, bad kin pynbna ïa ki kam jong u da ka jingrwai.

SALM 116:17

Ngan kñia ha me da ki jingkñia ka jingainguh, bad ngan khot kyrpad ïa ka kyrteng U Trai.

SALM 147:7

To rwai ha U Trai da ka jingainguh; to rwai ki jingïaroh da ka duitara ha U Blei jong ngi:

SALM 41:13

Long ba la kyrkhu ïa U Trai, U Blei ki Israel, naduh bymjukut haduh bymjukut, Amen, bad Amen.

SALM 50:14

To ai ha U Blei ïa ka jingkñia ka jingainguh; bad to siew ïa ki kular jong me ha U Bahakhlieh Tam:

SALM 72:19

bad to long ba la kyrkhu ïa ka kyrteng ba-donburom jong u junom; bad to ai ban pyndap ïa ka khyndew baroh da ka burom jong u. Amen, bad Amen.

SALM 89:52

To long ba la kyrkhu ïa U Trai junom. Amen, bad Amen.

SALM 95:2

To ngin ïawan ha khmat jong u da ka jingainguh, to ngin ïakynud sngewtynnad ïa u da ki salm.

ISAÏAH 51:3

Namar U Trai u la pyntngen ïa ka Seïon: u la pyntngen ïa ki jaka kynjah jong ka baroh, bad u la pynlong ïa ka ri khlaw jong ka kum ka Eden, bad ka ri kynjah jong ka kum ka kper U Trai; yn shem hangta ka jingkmen bad ka jingsngewbha, ka jingainguh, bad ka jingsawa ka jingrwai.

JEREMAÏAH 33:11

ïa ka 'tien sawa jong ka jingkmen bad ka 'tien sawa jong ka jingsngewbha, ka 'tien sawa u nongleit-kurim bad ka 'tien sawa ka nongleit-kurim, ka 'tien sawa jong kita kiba ong, “ ‘ “To ainguh ïa U Trai ki paid, naba U Trai u long u babha, naba ka jingisynei jong u ka neh junom:” “ ‘Bad ka jong kita kiba wallam ïa ki jingkñia ainguh sha ka ïing U Trai. Naba ngan pynphai noh pat ïa ka jinglongmraw jong ka ri kum ha kaba mynnyngkong,’ ong U Trai.

JEREMAÏAH 33:9

Bad kane ka nongbah kan long ha nga ka kyrteng ka jingkmen, ka jingïaroh bad ka burom, ha khmat ki jaid bynriew ka pyrthei baroh, ki ban ïohsngew ïa ka jingbha baroh kaba nga leh ha ki, kin sheptieng ruh bad kin khynñiuh namar ka jingbha bad ka jingsuk baroh kiba nga pynïoh ïa ka.’

JONAH 2:9

Hynrei, ma nga, ngan kñia ha me da ka jingsawa ka jingainguh; ngan siew ïa kata kaba nga la kular. Ka jingpynim ka long na U Trai.”

MATHAÏOS 6:13

To wat ïalam ïa ngi sha ka jingpynshoi ruh, hynrei, sumar ïa ngi na ka basniew. Naba ka jong me long ka hima, bad ka bor, bad ka burom ruh, ha la ka rta: Amen.

Ka Shithi U Paul Sha Ki Nong Rom 11:36

Naba na u, bad da u, bad sha u, long kiei kiei baroh; ha uba to long ka burom sha ki bymjukut! Amen.

1 KORINTH 14:16

Lym kumta, haba men nguh da ka mynsiem, hato kumno uta uba ïeng ha ka jaka u bymnang un ong “Amen” ha kata ka jingainguh jong me, haba um tip ïa kaei ba me ong?

2 KORINTH 4:15

Namar kiei kiei baroh ki long na ka bynta jong phi khnang ba kata ka jingaiei ïa kaba la pynroi byllien, kan da roi kyrhai eh da ka jingainguh jong kiba bun ïa ka burom U Blei.

KOLOSSAI 2:7

ba la pynsuh thied ïa phi bad ba la ïaitei ïa phi ha u, bad ba la pynneh skhem ïa phi ha ka jingngeit, kumba la hikai ïa phi keiñ, phi da roi kyrhai ha ka, da ka jingainguh.

KOLOSSAI 3:17

Te kaei kaei baroh kaba phi leh, ha ka ktien lane ha ka jingleh, to leh ïa baroh ha ka kyrteng U Jisu uba U Trai, da kaba ainguh ïa U Blei uba U Kpa da u.

JUDAH 1:25

ha U Blei U Bastad tang ma u hi uba U Nongpynim jong ngi, da U Jisu Khrist uba U Trai jong ngi, to long ka burom, bad ka jingkhraw tam, ka jingsynshar bad ka bor, mynta ruh, bad sha ki bymjukut baroh: Amen.

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

JINGPYNPAW 19:4

Bad kita ki arphew saw ngut ki tymmen basan bad kita ki saw ki jingthaw ba-im ki la ïahap dem bad ki la ïamane ïa U Blei u bashong halor kata ka khet, ki da ïa-ong, “Amen; Halleluïa!”