JINGPYNPAW 7:10 - KA BAIBL

¹⁰ bad ki da ïapyrta da ka ktien bajam, ki da ïa-ong, “Ka jingpynim ha U Blei jong ngi uba shong halor kata ka khet, bad ha uta U Khun langbrot!”

Khasi CL Bible (BSI)

¹⁰ Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”

JINGPYNPAW 7:10 ပူးပေါင်းရင်းမြစ်များ

SALM 115:1

Ym ha ngi, A Trai, ym ha ngi, hynrei, ha la ka jong ka kyrteng to ai burom, na ka bynta ka jingisynei, bad na ka bynta ka jingshisha jong me.

SALM 3:8

Ka jingpynim ka jong U Trai: ka jingkyrkhu jong me to kan long ha ki briew jong me. Selah

SALM 37:39

Hynrei, ka jingpynim ka jong ki bahok ka long na U Trai: u long ka kut baskhem jong ki ha ka por ka jingjynjar.

ISAÏAH 43:11

Nga, ma nga hi, nga long U Trai; bad nalor jong nga ym don u nongpynim.

ISAÏAH 45:15

Shisha me, me long U Blei uba buhrieh ïa lade, A Blei ki Israel, U Nongpynim.

ISAÏAH 45:21

To pynbna, bad to sei noh ïa ka; ho-oid, to kin ïasylla lang: uei ba la pyni ïa kane naduh mynhyndai? Uei ba la pynbna ïa ka naduh mynbarim? Ym ma nga U Trai? Te ym don shuh U Blei nalor jong nga; U Blei bahok bad u nongpynim; ym don nalor jong nga.

JEREMAÏAH 3:23

Shisha, kaba lehnohei kata ka jingïarap ïa kaba la khmih lynti na ki lum rit, ka jingkhihwin halor ki lum bah: shisha, ka jingpynim u Israel ka long ha U Trai U Blei jong ngi.

HOSIA 13:4

“Pynban, nga, nga long U Trai U Blei jong me na ka ri Ijipt: te men ym ithuh ïa uwei pat u blei lait na nga, nalor jong nga ruh ym don nongpynim shuh.

JONAH 2:9

Hynrei, ma nga, ngan kñia ha me da ka jingsawa ka jingainguh; ngan siew ïa kata kaba nga la kular. Ka jingpynim ka long na U Trai.”

SEKHARAÏAH 4:7

“Me, me long uei, ko lum bakhraw? ha khmat u Serubbabel men kylla madan: bad un pynmih ïa u maw ba ha khlieh da kaba risa, ‘Ka jingaiei, ka jingaiei, to kan long ha u.’ ”

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

LOUKAS 3:6

bad ka doh baroh kan ïohi ïa ka jingpynim jong U Blei.’ ”

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 1:36

te haba u la khmih shaiñ ha U Jisu katba U ïaid, u ong, “Ha khmih, U Khun langbrot jong U Blei!”

ÏOANNIS 4:22

Phi ïamane Blei kat kum ïa kaba phim tip; ngi ïamane Blei kat kum ïa kaba ngi tip; naba ka jingpynim ka long na ki Jiw.

EPHESOS 2:8

Namar da ka jingaiei la pynim ïa phi, da ka jingngeit keiñ; kata ruh, ym na phi hi; ka long ka jingai U Blei:

JINGPYNPAW 12:10

Bad nga la ïohsngew ïa ka ktien bajam ha bneng, kaba ong, “Mynta la wan jia kata ka jingpynim bad kata ka bor, bad kata ka hima U Blei jong ngi bad kata ka bor synshar uta U Khrist jong u: naba la shop noh arsut ïa uta u nongmudui ïa ki parabangeit jong ngi, uba shait mudui ïa ki ha khmat U Blei jong ngi mynsngi bad mynmiet.

JINGPYNPAW 19:1

Te hadien kine kiei kiei ruh, nga la ïohsngew kum ka ktien bajam u paidbah byllien ha bneng, ka da ong, “Halleluïa! Ka Jingpynim, bad ka burom, bad ka bor, ki long ki jong U Blei jong ngi!

JINGPYNPAW 21:5

Te uta u bashong halor kata ka khet u la ong, “Ha khmih, nga thaw thymmai ïa kiei kiei baroh.” Bad u ong, “To thoh: naba kine ki ktien ki long kiba ïaineh bad bashisha.”

JINGPYNPAW 22:3

Te ka jingtim baroh kan ym long shuh: bad kata ka khet jong U Blei bad jong uta U Khun langbrot kan long ha ka: bad ki shakri jong u kin ïashakri ïa u;

JINGPYNPAW 4:6

Bad ha khmat kata ka khet ruh, don ka duriaw ïit kum u mawleiñ: Bad hapdeng kata ka khet, bad baroh sawdong kata ka khet saw ki jingthaw ba-im kiba dap da ki khmat sha khmat bad shadien.

JINGPYNPAW 5:7

Bad u la leit, bad u la shim ïa kata ka kitab na ka kti kamon jong uta uba shong halor kata ka khet.