JINGPYNPAW 7:1 - KA BAIBL

¹ Te hadien kane, nga la ïohi ïa ki saw ki angel kiba ïeng halor ki sawdong ka khyndew, ba ki ïabat ïa ki saw lyer ka khyndew, khnang ba ka lyer kan ym ïoh beh ha ka khyndew, lymne ha ka duriaw, lymne ha kano kano ka dieng.

Khasi CL Bible (BSI)

¹ Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.

JINGPYNPAW 7:1 ပူးပေါင်းရင်းမြစ်များ

ISAÏAH 11:12

Te un sieh la ka lama ïa ki jaid bynriew, bad un ïalum ïa kiba la kyntait jong u Israel, un ïalum lang ruh ïa kiba la pynwir jong u Judah na ki sawdong ka pyrthei.

ISAÏAH 27:3

Nga U Trai nga sumar ïa ka; nga ai um ïa ka man ka khyllipmat: ïoh uno uno u pynsniew ïa ka, ngan sumar ïa ka mynmiet bad mynsngi.

ISAÏAH 27:8

Da kaba thew, haba me phah noh ïa ka, me ïaleh bad ka; u la pynkynriah ïa ka da la ka jingbeh lyer bajur ha ka sngi ka 'er mihngi.

JEREMAÏAH 49:36

Bad halor ka Elam nga wallam ïa ki saw lyer na ki sawdong ka bneng, bad ngan pynsakma ïa ki sha kita ki lyer baroh; bad kan ym don ka jaid bynriew kaba kita ïa kiba la pynwir jong ka Elam kin ym wan sha ka.

ESEKIEL 37:9

Ynda kumta, u la ong ha nga, “To ïathuhlypa ha ka lyer, to ïathuhlypa, ko khun u briew, bad to ong ruh ha ka lyer, ‘Kumne u ong U Trai U Blei: Ko mynsiem, to wan mih noh na ki saw lyer, bad to pyrsad ha kine ki baïap, ba kin dup im.’ ”

ESEKIEL 7:2

“Bad ma me, ko khun u briew, kumne u ong U Trai U Blei ha ka ri ki Israel: ‘Ka bakut, ka bakut ka la wan ha ki sawdong jong ka ri.

DANIEL 11:4

Bad ynda u la mih, yn pynkheiñ ïa ka hima jong u, bad yn sam ïa ka sha ki saw lyer bneng; hynrei, ym sha ki khun ki ksiew jong u, lymne katba kum ka jingsynshar jong u da kaba u la synshar; namar yn rat noh ïa ka hima jong u, hynrei, sha kiwei pat nalor kita.

DANIEL 7:2

U Daniel u la kren bad u la ong, “Nga la ïohi ha ka jingithuhpaw jong nga mynmiet, bad ha khmih, kita ki saw lyer ka bneng ki la pyrsad halor ka duriaw bah.

DANIEL 8:8

Bad uta u 'lang sohmoh u la pynkhraw ïa lade shikatdei eh: te haba u la khlaiñ, ïa kata ka reng bakhraw la pynkheiñ noh; bad ha ka jaka jong ka, ki la mih saw tylli ki reng kiba phylla sha ki saw lyer bneng.

JONAH 1:4

Hynrei, U Trai u la pynmih noh ïa ka lyer kaba jur sha ka duriaw, bad la don ka 'erïong kaba khraw ha ka duriaw, ba kumta ka lieng ka la imat kum ban sa pait.

SEKHARAÏAH 6:1

Te nga la khmied ïa la ki khmat pat, bad nga la ïohi, te ha khmih, ki la wan mih saw tylli ki kali ïapom napdeng ar tylli ki lum; te kita ki lum ki la long ki lum rnong.

SEKHARAÏAH 6:5

Uta u angel u la ïathuh te bad u la ong, “Kine ki long kita ki saw tylli ki lyer jong ka bneng, kiba leit mih na kaba ki ïeng ha khmat U Trai jong ka khyndew baroh.

MATHAÏOS 24:31

Un phah noh ruh ïa ki angel jong u da ka jingsawa bakhraw ka turoi, bad kin ïalum lang ïa kiba la jied jong u na ki saw lyer, naduh ki bakut ki bneng haduh ki bakut jong ki.

MARKOS 13:27

Ynda kumta ruh, un phah ïa ki angel, bad un ïalum lang ïa kiba la jied jong u na ki saw lyer, naduh ka bakut ka pyrthei haduh ka bakut ka bneng.

JINGPYNPAW 20:8

bad un leit mih noh ban shukor ïa kita ki kynja bynriew kiba ha kita ki sawdong ka pyrthei, ïa u Gog bad ïa u Magog, ban pynïaseng lang ïa ki sha kata ka thma; ka jingkheiñ jong kita ka long kum u shyiap ka duriaw.

JINGPYNPAW 6:6

Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”

JINGPYNPAW 7:3

u da ong, “To wat pynsniew ïa ka khyndew, lymne ïa ka duriaw, lymne ïa ki dieng, ha ban da ngi la ïoh shon ïa ki shakri U Blei jong ngi halor ki shyllangmat jong ki.”

JINGPYNPAW 8:7

Te uta u banyngkong u la pynsawa; bad la jia long u phria bad ka ding ïa kiba la khleh da ka snam, bad la bred ïa ki shalor ka khyndew; te ïa ka balai ka bynta na ka jong ka khyndew bad ïa ka balai ka bynta na ka jong ki dieng la thang noh, bad ïa u phlang bajyrngam baroh la thang noh.

JINGPYNPAW 9:14

ka da ong ha uta u angel u bahynriew uba la don kata ka turoi, “To pyllait noh ïa kita ki saw angel ïa kiba la khum hajan kata ka wah ka bakhraw ‘ka Ïuphratis’.”

JINGPYNPAW 9:4

Bad la ong ha ki ba kin ym pynsniew ïa u phlang ka khyndew, lymne ïa kaei kaei ruh ka bajyrngam, lymne ïa uno uno ruh u dieng, hynrei, tang ïa kita ki briew ki bymdon kata ka jingshon shab jong U Blei halor ki shyllangmat jong ki.