JINGPYNPAW 6:9 - KA BAIBL

⁹ Bad mynba u la plie ïa ka jingpyndait ka basan, nga la ïohi hapoh ka duwan ïa ki mynsiem ki jong kita ïa kiba la pynïap noh na ka bynta ka ktien U Blei, bad na ka bynta kata ka jingphla ïa kaba ki la ju ïabat skhem.

Khasi CL Bible (BSI)

⁹ Nangta U Khunlangbrot u la pynpait ïa ka jingpyndait kaba san. Nga la ïohi ha khrum ka duwan ïa ki mynsiem jong kito kiba la shah pynïap namar ba ki la pynbna ïa ka ktien U Blei bad ba ki la ïaineh ha ki jingphla jong ki.

JINGPYNPAW 6:9 ပူးပေါင်းရင်းမြစ်များ

JENESIS 4:10

U Trai u la ong te, “Me la leh aïu? Ka jingud ka snam u para jong me ka kyang ha nga na ka khyndew.

EKSODOS 29:12

To men shim de na ka snam uta u masi lyngraw, bad to buh ïa ka ha ki reng jong ka duwan da ka shynriah'ti jong me; bad to theh ïa kata ka snam baroh ha syndah ka trai kata ka duwan.

LEBITIKOS 4:7

Bad uta u lyngdoh un buh khyndiat na kata ka snam ha khmat U Trai halor ki reng ka duwan ka jingiwbih thang baiwbih, kaba ha Ka Tabernakl ka jingïaseng; bad un theh noh ïa ka snam baroh jong uta u masi lyngraw ha trai ka duwan jong ka jingkñia ainguh thang, kaba don ha ka jingkhang jong Ka Tabernakl ka jingïaseng.

ÏOANNIS 16:2

Kin kyntait noh ïa phi na ki synagog; shisha ka por ka jia, ba uno uno ruh uba pynïap noh ïa phi, un mut ba u ainguh ha U Blei.

2 KORINTH 5:8

te ngi sngewshlur keiñ, bad ngi kham sngewbha ban leit noh na kane ka met, bad ban ïoh shongneh bad U Trai.

PHILIPPI 1:23

Hynrei, nga sngewlyngngoh ha kine baroh ar, haba nga don ka jingkwah ïa ka ban ïoh leit noh bad ban long lem bad U Khrist; naba ka long kham bha shikatdei eh:

PHILIPPI 2:17

Ho-oid, wat lada la theh noh ïa nga kum ka jingainguh dih ha ka jingkñia bad ka jingshakri ka jingngeit jong phi, nga sngewkmen, bad nga leh kmen lem bad phi baroh.

2 TIMOTHI 1:8

Namar kata, wat sngewlehrain ïa kata ka jingphla ïa U Trai jong ngi, lymne ïa nga u nongsah byndi jong u; hynrei, to ïashah shitom bad ka gospel katba kum ka bor U Blei;

2 TIMOTHI 4:6

Namar ïa nga la theh noh lypa kum ka jingainguh dih, bad kata ka por ka jingleit noh jong nga ka la jan.

HEBRU 12:23

ha ka jingïaseng bah bad ka balang jong kiba la kha nyngkong, ïa kiba la thoh kyrteng ha bneng; bad ha U Blei U Nongbishar ki bynriew baroh, bad ha ki mynsiem ki bahok ba la pynjanai,

JINGPYNPAW 1:2

uba la phla ïa ka ktien U Blei, bad ïa ka jingphla U Jisu Khrist, ïa kita kiei kiei baroh keiñ kiba u la ïohi.

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 14:18

Bad uwei pat u angel u la wan mih noh na ka duwan, uba don ka bor halor ka ding; bad u la pyrta da ka jingpyrta bajam ha uta uba don kata ka rashi ka banep, u da ong, “To phah noh ïa kata ka rashi ka banep jong me, bad to lum ïa ki rynjup na u dieng soh Waiñ kata ka khyndew; naba ki soh Waiñ jong ka ki la ih bha.”

JINGPYNPAW 16:7

Bad nga la ïohsngew na kata ka duwan kaba ong, “Shisha, ko Trai uba U Blei Badonbor Baroh, kiba shisha bad ki bahok long kita ki jingkut bishar jong me.”

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.

JINGPYNPAW 8:3

Te uwei pat u angel u la wan bad u la ïeng hajan ka duwan, u da don ka pliang ksiar bathang iwbih; bad la ai ha u shibun ka jingainguh thang baiwbih, ba un ïoh pynlang ïa ka ha ki jingduwai ki riewkhuid baroh halor kata ka duwan ksiar kaba ha khmat kata ka khet.

JINGPYNPAW 9:13

Bad u angel u bahynriew u la pynsawa; te nga la ïohsngew ïa kawei ka ktien sawa na kita ki reng jong kata ka duwan ksiar kaba ha khmat U Blei,