JINGPYNPAW 6:4 - KA BAIBL

⁴ Te ka la leit mih noh kawei pat ka kulai basaw: bad ha uta uba shong halor jong ka, la ai bor ban shim noh ïa ka jingsuk na kata ka khyndew, khnang ba kin da ïoh ïa-pynïap noh paralok hi; te la ai ha u ka waitlam bakhraw.

Khasi CL Bible (BSI)

⁴ Sa uwei pat u kulai u la wan mih, uba saw ka rong. Ha u nongshong kulai la ai ïa ka bor ban wanrah ïa ka thma ha ka pyrthei, ba ki briew kin ïa-pynïap para ma ki hi. La ai ha u ïa ka waitlam kaba heh.

JINGPYNPAW 6:4 ပူးပေါင်းရင်းမြစ်များ

SALM 17:13

To ïeng, A Trai, to ïeng markhmat bad u, to pynkyllon ïa u: to pyllait ïa ka mynsiem jong nga na ki bymman da la ka waitlam;

DANIEL 5:19

bad na ka bynta kata ka jingkhraw ba u la ai ha u, baroh ki briew, ki jaid bynriew, bad ki ktien ki la khynñiuh bad ki la sheptieng ha khmat jong u: ïa uba u mon u pynïap, bad ïa uba u mon u pynim; bad ïa uba u mon u kyntiew, bad ïa uba u mon u pynpoh.

SEKHARAÏAH 1:8

“Nga la ïohi mynmiet, te ha khmih u briew uba shong halor u kulai basaw, bad u la ïeng hapdeng ki dieng Myrtl kiba ha ka them; bad hadien jong u, ki la don ki kulai, ki basaw, ki babyrsaw, bad ki balieh.

SEKHARAÏAH 6:2

Ha ka kali ka banyngkong ki la don ki kulai ki basaw; bad ha ka kali ka ba-ar ki kulai ki baïong;

MATHAÏOS 10:34

“Wat mut ba nga la wan ban buh ka jingsuk ha ka pyrthei: ngam shym la wan ban buh ka jingsuk, hynrei, ka wait.

MATHAÏOS 24:6

Bad phin sa ïohsngew shaphang ki thma bad ki jingbna ïa ki thma: to sumar phi wat sngewkhuslai: naba ka dei ba kine kiei kiei baroh kin long: hynrei, ka bakut kam pat la jia.

ÏOANNIS 19:11

U Jisu u la ïathuh, “Mem shym don ka bor satia halor jong nga, lymda la long ba la ai ha me na jrong; namar kata, uta uba la aiti noh ïa nga ha me, u don ka pop kaba kham khraw.”

JINGPYNPAW 12:3

Bad la ïohi ïa kawei pat ka dak khyllah ha bneng; bad ha khmih, u ïakjakor basaw uba khraw, uba don hynñiew ki khlieh bad shiphew ki reng, bad halor kita ki khlieh jong u, hynñiew ki pansngiat.

JINGPYNPAW 13:10

“Lada uno uno ruh u ïalam mraw, u leit noh hi keiñ sha ka jinglongmraw: lada uno uno ruh u pynïap noh da ka waitlam, ka dei ban pynïap noh ïa u da ka waitlam. “Hangne don ka jingïaishah bad ka jingngeit jong kita ki riewkhuid.”

JINGPYNPAW 17:3

Te u la rah noh ïa nga ha U Mynsiem sha ka ri khlaw: bad nga la ïohi ïa ka briew kaba shong halor u mrad khlaw basaw hain, ba dap da ki kyrteng ka jingkrenbeiñ Blei, uba don hynñiew ki khlieh bad shiphew ki reng.

JINGPYNPAW 17:6

Bad nga la ïohi ïa kata ka briew ba ka buaid da ka snam jong kita ki riewkhuid, bad da ka snam kita ki nongphla ba shahïap jong U Jisu: Te haba nga la ïohi ïa ka, nga la sngewphylla da ka jingsngewphylla bakhraw.