JINGPYNPAW 5:9 - KA BAIBL

⁹ Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;

Khasi CL Bible (BSI)

⁹ Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.

JINGPYNPAW 5:9 ပူးပေါင်းရင်းမြစ်များ

SALM 144:9

Ngan rwai ka jingrwai ka bathymmai ïa me, A U Blei: ha ka nebel kaba shiphew ksai ngan rwai ki jingïaroh ïa me.

SALM 149:1

To ïaroh ïa U Trai. To rwai ha U Trai ïa ka jingrwai ka bathymmai, bad ïa ka jingïaroh jong u ha ka jingïaseng ki riewkhuid.

SALM 33:3

To rwai ha u ïa ka jingrwai ka bathymmai; to tem bha da ka jingsawa bajam.

SALM 40:3

Bad u la buh ïa ka jingrwai bathymmai ha ka shyntur jong nga, ka jingïaroh keiñ ïa U Blei jong ngi: shibun kin ïohi ïa ka, bad kin sheptieng bad kin shaniah ha U Trai.

SALM 96:1

To rwai ïa U Trai ka jingrwai bathymmai: to rwai ïa U Trai, ko ka khyndew baroh.

SALM 98:1

To rwai ha U Trai ïa ka jingrwai bathymmai; naba u la leh ïa kiei kiei ki baphylla: ka kti kamon jong u, bad ka ksang'ti bakhuid jong u, ka la pynlong ka jingpynim ïa u.

ISAÏAH 42:10

To rwai ha U Trai ïa ka jingrwai bathymmai, bad ïa ka jingïaroh jong u na ka bakut ka khyndew; phi kiba ju hiar ha ka duriaw, bad baroh kiba don ha ka, ki 'dewlynnong, bad kiba shong ha ki.

DANIEL 3:4

Ynda kumta, u nongpyrta u la pyrta jam, “La hukum ïa phi, ko ki kynja bynriew, ki jaid bynriew, bad ki ktien,

DANIEL 4:1

U Nebukhadnessar syiem, sha ki kynja bynriew baroh, ki jaid bynriew, bad ki ktien, kiba shong ha ka pyrthei baroh: “To ka jingsuk kan nang roi ha phi.

DANIEL 5:19

bad na ka bynta kata ka jingkhraw ba u la ai ha u, baroh ki briew, ki jaid bynriew, bad ki ktien ki la khynñiuh bad ki la sheptieng ha khmat jong u: ïa uba u mon u pynïap, bad ïa uba u mon u pynim; bad ïa uba u mon u kyntiew, bad ïa uba u mon u pynpoh.

DANIEL 6:25

Ynda kumta, u Daraïos syiem u la thoh sha kita ki briew, ki jaid bynriew, bad ki ktien baroh, kiba shong ha ka khyndew baroh; “To ka jingsuk kan nang roi ha phi.

MATHAÏOS 20:28

kumba U Khun u briew um shym la wan ba yn shakri ïa u, hynrei, ba u un shakri, bad ba un ai ïa la ka jingim ban long ka jingsiewspah ïa kiba bun.”

MATHAÏOS 26:28

naba kane ka long ka snam jong nga, kaba ka jong ka jutang bathymmai, ïa kaba yn sa pynmih noh na ka bynta kiba bun, ïa ka ban map ki pop.

KI KAM 20:28

To sumar shaphang ïa lade bad shaphang kata ka kynhun baroh, ha kaba U Mynsiem Bakhuid u la pynlong ïa phi ki nongsharai, ban bsa ïa ka balang U Blei, ïa kaba u la thied da ka snam jong u hi.

1 KORINTH 6:20

Namar la thied noh ïa phi da ka dor bah; te namar kata, to pyndonburom ïa U Blei ha ka met, bad ha ka mynsiem jong phi, kiba long ki jong U Blei.

1 KORINTH 7:23

La siewspah keiñ ïa phi da ka dor; te wat long phi ki mraw ki briew.

EPHESOS 1:7

ha uba ngi ïoh ka jingsiewspah da ka snam jong u, ka jingmap ïa ki jingpalat jong ngi, katba kum ka jingkynrei ka jingaiei jong u;

EPHESOS 5:19

da kaba ïakren paralok ha ki salm bad ha ki jingrwai bad ha ki jingrwai bakynja mynsiem, da kaba rwai bad kaba kynud da ka dohnud jong phi ha U Trai;

KOLOSSAI 1:14

ha uba ngi ïoh ïa ka jingsiewspah jong ngi, ka jingmap keiñ ïa ki pop jong ngi.

KOLOSSAI 1:23

lada shisha phi ïaisah ha ka jingngeit, ïa kiba la pynshong nongrim bad kiba neh skhem, bad ki bymkhih noh na kata ka jingkyrmen ka gospel ïa kaba phi la ïohsngew, ïa kaba la ïalap ha u bynriew baroh uba hapoh ka bneng; ïa kaba la pynlong nongïalap ïa nga u Paul.

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

HEBRU 11:14

Namar kita kiba ong ïa kiei kiei ruh kat kita, ki ïa-pyni shynna ba ki ïawad ïa ka ri la ka jong hi.

2 PETROS 2:1

Hynrei, ki la don ki nongïathuhlypa balamler ruh hapdeng uta u paidlang, kumba hapdeng jong phi ruh kin long ki nonghikai balamler, ki ban wallam tuh hapoh ïa ki jinghikai bakla bapynjot noh, bad haba ki len noh ïa uta U Kynrad uba la siewspah ïa ki, ki da pynwan kumta ha lade hi ïa ka jingpynjot kaba stet thir thir.

1 ÏOANNIS 1:7

hynrei, lada ngi ïaid ha kata ka jingshai kumba u long ma u ha kata ka jingshai, ngi don ka jingïasyllok lem paralok hi, bad ka snam U Jisu U Khun jong u ka pynkhuid ïa ngi na ka pop baroh.

1 ÏOANNIS 2:2

bad ma u hi ruh, u long ka kuna na ka bynta ki pop jong ngi, bad ym tang na ka bynta kita ki jong ngi hi, hynrei, na ka bynta ki jong ka pyrthei baroh ruh.

JINGPYNPAW 10:11

Bad u la ong ha nga, “Ka dei ïa me ban ïathuhlypa pat shaphang shibun ki paidlang, bad ki kynja bynriew, bad ki thylliej, bad ki syiem.”

JINGPYNPAW 11:9

Te kiba na kita ki paidlang bad ki jaid bad ki thylliej bad ki kynja bynriew kin ïakhmih ïa kita ki metïap jong ki, lai sngi shiteng, bad kin ym shah ban buh ïa kita ki metïap jong ki ha ki jingtep.

JINGPYNPAW 13:7

Bad la ai bor ha u ban ïaleh thma bad kita ki riewkhuid, bad ban jop noh ïa ki: bad la ai ha u ïa ka bor synshar halor ka jaid, bad u paidlang, bad ka thylliej, bad ka kynja bynriew baroh.

JINGPYNPAW 13:8

Te kita baroh kiba shong halor ka khyndew kin ïamane dem ïa u, kiba ki kyrteng jong ki ym shym la thoh ha kata ka kitab ka jingim jong uta U Khun langbrot, ïa uba la pynïap la myndanglong ka pyrthei.

JINGPYNPAW 14:6

Bad nga la ïohi ïa uwei pat u angel uba her hapdeng ka bneng, uba don ka gospel bymjukut ban ïathuhkhana ha kita kiba shong halor kata ka khyndew, bad ha ka kynja bynriew bad ka jaid bad ka thylliej bad u paidlang baroh;

JINGPYNPAW 15:3

Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

JINGPYNPAW 17:15

Te u la ong ha nga, “Kita ki um ïa kiba me la ïohi, ha kaba kata ka nuti ka shong, ki long ki paidlang, bad ki paidbah, bad ki kynja bynriew, bad ki thylliej.

JINGPYNPAW 4:11

“Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”

JINGPYNPAW 5:12

ki da ong da ka ktien bajam, “U long uba dei uta U Khun langbrot, ïa uba la pynïap, ban ïoh pdiang ïa kata ka bor, bad ïa ka jingkynrei spah, bad ïa ka jingstad, bad ïa ka jinglah, bad ïa ka jingpyndonburom bad ïa ka burom, bad ïa ka jingkyrkhu.”

JINGPYNPAW 5:6

Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh.