JINGPYNPAW 5:8 - KA BAIBL

⁸ Te mynba u la shim ïa kata ka kitab, kita ki saw ki jingthaw ba-im bad kita ki arphew saw ngut ki tymmen basan ki la ïahap dem ha khmat uta U Khun langbrot, ki da don uwei pa uwei la ka duitara, bad ki pliang ksiar ba dap da ki jingainguh thang baiwbih, kiba long ki jingduwai jong ki riewkhuid.

Khasi CL Bible (BSI)

⁸ Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

JINGPYNPAW 5:8 ပူးပေါင်းရင်းမြစ်များ

SALM 141:2

Ai ban pynïeng ïa ka jingduwai jong nga kum ka jingiwbih thang ha khmat jong me; ïa kaba kyntiew ki kti jong nga kum ka jingainguh la janmiet.

SALM 150:3

To ïaroh ïa u da ka jingriew ka turoi: to ïaroh ïa u ha ka nebel bad ka duitara.

SALM 33:2

To ainguh ha U Trai ha ka duitara: to rwai ïa ki jingïaroh ha u ha ka nebel kaba shiphew ksai.

SALM 43:4

Ynda kumta, ngan leit sha ka duwan U Blei, sha U Blei uba ka jingkmen kaba tam jong nga: bad ha ka duitara ngan ïaroh ïa me, A U Blei, U Blei jong nga.

SALM 81:2

To shim ïa ka salm, to wallam shane ïa ka kanjari, ïa ka duitara basngewtynnad lem bad ka nebel.

JINGKHEIÑ 7:62

kawei ka siang ksiar kaba shiphew shekel, kaba dap da ka jingiwbih thang;

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 5:23

ba baroh kin burom ïa U Khun, kumjuh kumba ki burom ïa U Kpa. Uta u bymburom ïa U Khun, um burom ïa U Kpa uba la phah ïa u.

HEBRU 1:6

Bad mynba u wallam ïa uba la kha nyngkong sha ka pyrthei, u ong: “Bad to ai ba ki angel U Blei baroh kin ïamane ïa u.”

JINGPYNPAW 13:8

Te kita baroh kiba shong halor ka khyndew kin ïamane dem ïa u, kiba ki kyrteng jong ki ym shym la thoh ha kata ka kitab ka jingim jong uta U Khun langbrot, ïa uba la pynïap la myndanglong ka pyrthei.

JINGPYNPAW 15:2

Bad nga la ïohi kum ïa ka duriaw ïit ïa kaba la khleh da ka ding; bad ïa kita kiba la ïoh ïa ka jingjopthiaw halor uta u mrad khlaw, bad halor kata ka dur jong u, bad halor kata ka dak jong u, bad halor kata ka jingkheiñ ka kyrteng jong u, ba ki da ïeng keiñ halor kata ka duriaw ïit, ki da don ruh ki duitara jong U Blei.

JINGPYNPAW 15:7

Bad uwei na kita ki jingthaw ba-im u la ai ha kita ki hynñiew angel, hynñiew ki pliang ksiar ba-dap da ka jingbitar U Blei u ba-im sha ki bymjukut ki bymjukut.

JINGPYNPAW 19:4

Bad kita ki arphew saw ngut ki tymmen basan bad kita ki saw ki jingthaw ba-im ki la ïahap dem bad ki la ïamane ïa U Blei u bashong halor kata ka khet, ki da ïa-ong, “Amen; Halleluïa!”

JINGPYNPAW 4:10

kita ki arphew saw ngut ki tymmen basan ki ïahap dem ha khmat uta uba shong halor kata ka khet, bad ki ïamane ïa uta u ba-im sha ki bymjukut ki bymjukut, bad ki ïabred ïa kita ki pansngiat jong ki ha khmat kata ka khet, ki da ong,

JINGPYNPAW 4:4

Bad baroh sawdong kata ka khet ki la don arphew saw tylli ki khet; bad halor ki khet nga la ïohi arphew saw ngut ki tymmen basan kiba shong, kiba la kup ha ki jaiñkup balieh; bad halor ki khlieh jong ki, ki pansngiat ksiar.

JINGPYNPAW 4:6

Bad ha khmat kata ka khet ruh, don ka duriaw ïit kum u mawleiñ: Bad hapdeng kata ka khet, bad baroh sawdong kata ka khet saw ki jingthaw ba-im kiba dap da ki khmat sha khmat bad shadien.

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”

JINGPYNPAW 5:11

Te nga la ïohi, bad nga la ïohsngew ïa ka ktien sawa shibun ki angel baroh sawdong kata ka khet bad kita ki jingthaw ba-im bad kita ki tymmen basan ruh; bad ka jingkheiñ ïa ki, ka la long ki shiphew hajar sien ki shiphew hajar, bad ki hajar sien ki hajar,

JINGPYNPAW 5:12

ki da ong da ka ktien bajam, “U long uba dei uta U Khun langbrot, ïa uba la pynïap, ban ïoh pdiang ïa kata ka bor, bad ïa ka jingkynrei spah, bad ïa ka jingstad, bad ïa ka jinglah, bad ïa ka jingpyndonburom bad ïa ka burom, bad ïa ka jingkyrkhu.”

JINGPYNPAW 5:14

Bad kita ki saw ki jingthaw ba-im ki la ïa-ong, “Amen”. Bad kita ki arphew saw ngut ki tymmen basan ki la ïahap dem, bad ki la ïamane.

JINGPYNPAW 5:6

Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh.

JINGPYNPAW 6:1

Bad nga la khmih mynba uta U Khun langbrot u la plie ïa kawei na kita ki hynñiew ki jingpyndait, bad nga la ïohsngew ïa uwei na kita ki saw tylli ki jingthaw ba-im ba u da kren kum ka jingriew u pyrthat, “To ale, bad to khmih.”