JINGPYNPAW 4:9 - KA BAIBL

⁹ Bad haba kita ki jingthaw ba-im ki ïa-ai ka burom bad ka jingpyndonburom bad ka jingnguh ha uta uba shong halor kata ka khet, ha uta u ba-im sha ki bymjukut ki bymjukut,

Khasi CL Bible (BSI)

⁹ Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.

JINGPYNPAW 4:9 ပူးပေါင်းရင်းမြစ်များ

SALM 47:8

U Blei u synshar halor ki jaid bynriew: U Blei u shong halor la ka khet ka bakhuid.

SALM 48:14

“Naba une U Blei u long U Blei jong ngi junom la junom: un long u nongïalam jong ngi jin haduh ka jingïap.”

EKSODOS 15:18

U Trai un synshar ha la ka rta.”

ISAÏAH 6:1

Ha ka snem ba u syiem Ussiah u la ïap, nga la ïohi ïa U Trai ba u da shong halor ka khet bajrong, bad ba la pynkyntiew, bad ka jaiñ shympyiar jong u ka la pyndap ïa ka templ.

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

DEUTERONOMI 32:40

Naba nga rah ïa la ka kti sha bneng, bad nga ong, “Nga im ha la ka rta.”

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

HEBRU 7:8

Bad hangne ki briew ki baïap ki ïoh ïa kiba shiphew, hynrei, hangta uta, uba shaphang jong u, la phla ba u im.

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

JINGPYNPAW 10:6

bad u la smai ha uta uba ïai-im sha ki bymjukut ki bymjukut, uba la thaw ïa ka bneng bad kiei kiei ruh kiba ha ka, bad ïa ka khyndew bad kiei kiei ruh kiba ha ka, bad ïa ka duriaw bad kiei kiei ruh kiba ha ka, ba kan ym long ka jingpyntud shuh:

JINGPYNPAW 15:7

Bad uwei na kita ki jingthaw ba-im u la ai ha kita ki hynñiew angel, hynñiew ki pliang ksiar ba-dap da ka jingbitar U Blei u ba-im sha ki bymjukut ki bymjukut.

JINGPYNPAW 21:5

Te uta u bashong halor kata ka khet u la ong, “Ha khmih, nga thaw thymmai ïa kiei kiei baroh.” Bad u ong, “To thoh: naba kine ki ktien ki long kiba ïaineh bad bashisha.”

JINGPYNPAW 4:2

Te kumne kumne ruh, nga la long ha U Mynsiem; bad ha khmih, ka khet ba la buh ha bneng, bad halor kata ka khet don uwei uba shong.

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”

JINGPYNPAW 5:1

Bad nga la ïohi ha ka kti kamon jong uta uba shong halor kata ka khet ïa ka kitab, ïa kaba la thoh shapoh bad shalor, ïa kaba la pyndait laha da ki hynñiew ki jingpyndait.

JINGPYNPAW 6:16

bad ki ïa-ong ha kita ki lum bah bad ha kita ki mawsiang, “To hap ha ngi, bad to buhrieh noh ïa ngi na ka khmat uta u bashong halor kata ka khet, bad na ka jingbitar jong uta U Khun langbrot;

JINGPYNPAW 7:15

“Namar kata, ki long ha khmat kata ka khet U Blei, bad ki ïashakri ïa u mynsngi bad mynmiet ha ka jaka kyntang jong u; bad uta uba shong halor kata ka khet un shongkah halor jong ki.