JINGPYNPAW 4:8 - KA BAIBL

⁸ Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”

Khasi CL Bible (BSI)

⁸ Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”

JINGPYNPAW 4:8 ပူးပေါင်းရင်းမြစ်များ

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

SALM 91:1

Uta uba shong ha ka jaka barieh jong U Bahakhlieh Tam Eh, un ïoh ïaineh hapoh ka jingkah jong U Badonbor Baroh.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 3:14

Bad U Blei u la ïathuh ha u Moses, “NGA long ba NGA long”: u la ong ruh, “Kumne men ong ha ki khun Israel, NGA long u la phah ïa nga ha phi.”

ISAÏAH 13:6

To lynñiar phi; namar ka sngi U Trai ka hajan; kum ka jingpynjot na U Badonbor Baroh kan wan.

ISAÏAH 62:1

Na ka bynta ka Seïon ngan ym sngap jar noh, bad na ka bynta ka Jerusalem ngan ym shongthait, haduh ba ka hok jong ka kan mih kum ka jingphyrnai, bad ka jingpynim jong ka kum ka sharak ba-meh.

ESEKIEL 1:18

Shaphang ki lyng-ur jong ki, ki la long kiba jrong bad kiba shyrkhei; bad ki lyng-ur jong ki baroh saw ki la dap da ki khmat baroh sawdong.

ESEKIEL 1:5

Napdeng jong ka ruh la mih ka dur jong ki saw ki jingthaw ba-im. Bad kane ka la long ka jing-i jong ki; ki la don ka dur ka jong u briew.

ESEKIEL 1:6

Bad uwei pa uwei u la don saw ki khmat, bad uwei pa uwei na ki u la don saw ki thapniang.

ESEKIEL 10:12

Bad ka met jong ki baroh kawei, bad ki ingdong jong ki, bad ki kti jong ki, bad ki thapniang jong ki, bad kita ki shalyntem, ki la dap da ki khmat baroh sawdong, kita ki shalyntem keiñ kiba ki baroh saw ki la don.

JOEL 1:15

Dur ka sngi! naba ka sngi U Trai ka la jan, bad kum ka jingpynjot na U Balah Baroh kan wan.

KI KAM 20:31

Naba kumta, to ïasharai, da kynmaw ruh ba jin lai snem, mynmiet bad mynsngi, ngam shym la wai noh ban sneng ïa uwei pa uwei na phi da ki jingjaw ummat.

2 KORINTH 6:18

bad ngan long U Kpa ïa phi, ma phi ruh, phin long ki khun shynrang bad ki khun kynthei ïa nga,” ong U Trai u Badonbor Baroh.

1 THESSALONI 2:9

Namar phi ïakynmaw, ko parabangeit, ïa kata ka jingtrei minot bad ka jingshitom jong ngi: ba da kaba trei jingtrei mynmiet bad mynsngi, khnang ba ngin ym ban khia ïano ïano ruh na phi, ngi la ïalap ha phi ïa ka gospel U Blei.

1 TIMOTHI 4:16

To sumar shaphang ïa lade, bad ïa la ka jinghikai; to men ïaineh ha kine kiei kiei; namar haba leh ïa kane, men pynim ïa lade bad ïa kita kiba ïohsngew ïa me keiñ.

2 TIMOTHI 4:2

to men ïalap ïa kata ka ktien; to ïaiminot haba dei por, ha bymdei por de; to pynkynduh, to sneng, to kyntu da ka jingshahslem baroh bad ka jinghikai.

HEBRU 13:8

U Jisu Khrist u long ujuh mynhynnin, bad mynta, bad sha bymjukut.

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 1:8

“Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.

JINGPYNPAW 11:17

ki da ong, “Ngi ïanguh ïa me, ko Trai uba U Blei Badonbor Baroh, uba long bad uba la ju long; naba me la shimti ïa la ka bor kaba khraw, bad me la synshar.

JINGPYNPAW 14:11

te ka tdem kata ka jingpynkordit ïa ki ka kiew noh sha ki bymjukut ki bymjukut; bad kim ïoh ïa kaba shongthait mynsngi bad mynmiet, kiba ïamane dem ïa uta u mrad khlaw bad ïa ka dur jong u, bad jar uba pdiang ïa kata ka dak ka kyrteng jong u.”

JINGPYNPAW 14:3

Bad ki ïarwai kum ïa ka jingrwai bathymmai ha khmat kata ka khet, bad ha khmat kita ki saw ki jingthaw ba-im bad kita ki tymmen basan; bad uno uno ruh um lah ban nang keiñ ïa kata ka jingrwai, hynrei, tang kita ki shispah sawphew saw hajar, kita keiñ ïa kiba la siewspah noh na ka khyndew.

JINGPYNPAW 15:3

Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

JINGPYNPAW 15:7

Bad uwei na kita ki jingthaw ba-im u la ai ha kita ki hynñiew angel, hynñiew ki pliang ksiar ba-dap da ka jingbitar U Blei u ba-im sha ki bymjukut ki bymjukut.

JINGPYNPAW 16:14

namar ki long ki mynsiem ki ksuid kiba leh ïa ki dak khyllah; kiba leit mih noh sha kita ki syiem jong kata ka pyrthei baroh kawei, ban ïalum lang ïa ki sha kata ka thma jong kata ka sngi ka bakhraw U Blei U Badonbor Baroh.

JINGPYNPAW 16:7

Bad nga la ïohsngew na kata ka duwan kaba ong, “Shisha, ko Trai uba U Blei Badonbor Baroh, kiba shisha bad ki bahok long kita ki jingkut bishar jong me.”

JINGPYNPAW 19:15

Bad na ka shyntur jong u ka mih noh ka waitlam banep, bad da kata un da shoh ïa ki kynja bynriew: te un synshar ïa ki da u dieng synshar nar: bad u ïuh roit ïa ka jingtylliat umsoh ka jingshla ka jong ka jingbitar U Blei U Badonbor Baroh.

JINGPYNPAW 19:4

Bad kita ki arphew saw ngut ki tymmen basan bad kita ki saw ki jingthaw ba-im ki la ïahap dem bad ki la ïamane ïa U Blei u bashong halor kata ka khet, ki da ïa-ong, “Amen; Halleluïa!”

JINGPYNPAW 21:22

Bad ïa ka templ ngam shym la ïohi ha ka: namar U Trai uba U Blei U Badonbor Baroh, bad uta U Khun langbrot, ki long ka templ jong ka.

JINGPYNPAW 3:7

“Bad ha uta u angel jong ka balang kaba ha Philadelphia to thoh: Ïa kine kiei kiei ruh u ong uta U Bakhuid, uta U Bashisha, uta uba don u shabi jong u Dabid, uta uba plie, te uno uno ruh um khang, bad u khang te uno uno ruh um plie:

JINGPYNPAW 4:4

Bad baroh sawdong kata ka khet ki la don arphew saw tylli ki khet; bad halor ki khet nga la ïohi arphew saw ngut ki tymmen basan kiba shong, kiba la kup ha ki jaiñkup balieh; bad halor ki khlieh jong ki, ki pansngiat ksiar.

JINGPYNPAW 4:6

Bad ha khmat kata ka khet ruh, don ka duriaw ïit kum u mawleiñ: Bad hapdeng kata ka khet, bad baroh sawdong kata ka khet saw ki jingthaw ba-im kiba dap da ki khmat sha khmat bad shadien.

JINGPYNPAW 4:9

Bad haba kita ki jingthaw ba-im ki ïa-ai ka burom bad ka jingpyndonburom bad ka jingnguh ha uta uba shong halor kata ka khet, ha uta u ba-im sha ki bymjukut ki bymjukut,

JINGPYNPAW 5:6

Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh.

JINGPYNPAW 6:1

Bad nga la khmih mynba uta U Khun langbrot u la plie ïa kawei na kita ki hynñiew ki jingpyndait, bad nga la ïohsngew ïa uwei na kita ki saw tylli ki jingthaw ba-im ba u da kren kum ka jingriew u pyrthat, “To ale, bad to khmih.”

JINGPYNPAW 6:6

Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”

JINGPYNPAW 7:11

Bad kita ki angel baroh ki la ïaïeng tawiar ïa kata ka khet bad ïa kita ki tymmen basan bad ïa kita ki saw ki jingthaw ba-im, bad ki la ïahap dem la ki khmat ha khmat kata ka khet, bad ki la ïamane dem ïa U Blei,

JINGPYNPAW 7:15

“Namar kata, ki long ha khmat kata ka khet U Blei, bad ki ïashakri ïa u mynsngi bad mynmiet ha ka jaka kyntang jong u; bad uta uba shong halor kata ka khet un shongkah halor jong ki.