JINGPYNPAW 4:6 - KA BAIBL

⁶ Bad ha khmat kata ka khet ruh, don ka duriaw ïit kum u mawleiñ: Bad hapdeng kata ka khet, bad baroh sawdong kata ka khet saw ki jingthaw ba-im kiba dap da ki khmat sha khmat bad shadien.

Khasi CL Bible (BSI)

⁶ Ha khmat ka khet ruh la don kaei kaba i kum ka ïit bakhraw, kaba shai sngur bha. La ker ha baroh sawdong ka khet da saw tylli ki jingthaw ba-im kiba don ki khmat sha khmat bad shadien.

JINGPYNPAW 4:6 ပူးပေါင်းရင်းမြစ်များ

1 SYIEM 7:23

Bad u la thaw ïa ka duriaw ba la saiñ, shiphew pruh na rmiang sha rmiang, pyllun sawdong, bad ka jingjrong jong ka, ka la long san pruh: bad u ksai, laiphew pruh u kot baroh sawdong ïa ka.

Ka Kitab U Job 28:17

Ka ksiar bad ka ïit kim lah ban ïapyrshang bad ka: lymne ki jingdeng kiba da ka ksiar nylla kin ym lah ban ïapli bad ka.

EKSODOS 38:8

Bad u la thaw ïa ka dabor da ka tama, bad ïa ka kjat jong ka da ka tama, da ki ïitkhmih kita ki kynthei bashakri kiba shakri ha ka jingkhang Ka Tabernakl ka jingïaseng.

ESEKIEL 10:12

Bad ka met jong ki baroh kawei, bad ki ingdong jong ki, bad ki kti jong ki, bad ki thapniang jong ki, bad kita ki shalyntem, ki la dap da ki khmat baroh sawdong, kita ki shalyntem keiñ kiba ki baroh saw ki la don.

ESEKIEL 10:14

Bad uwei uwei u la don saw ki khmat: ka khmat ka banyngkong ka long ka khmat u Kherub, bad ka khmat ka ba-ar ka la long ka khmat briew, bad ka balai ka khmat sing, bad ka basaw ka khmat pukni.

JINGPYNPAW 14:3

Bad ki ïarwai kum ïa ka jingrwai bathymmai ha khmat kata ka khet, bad ha khmat kita ki saw ki jingthaw ba-im bad kita ki tymmen basan; bad uno uno ruh um lah ban nang keiñ ïa kata ka jingrwai, hynrei, tang kita ki shispah sawphew saw hajar, kita keiñ ïa kiba la siewspah noh na ka khyndew.

JINGPYNPAW 15:2

Bad nga la ïohi kum ïa ka duriaw ïit ïa kaba la khleh da ka ding; bad ïa kita kiba la ïoh ïa ka jingjopthiaw halor uta u mrad khlaw, bad halor kata ka dur jong u, bad halor kata ka dak jong u, bad halor kata ka jingkheiñ ka kyrteng jong u, ba ki da ïeng keiñ halor kata ka duriaw ïit, ki da don ruh ki duitara jong U Blei.

JINGPYNPAW 15:7

Bad uwei na kita ki jingthaw ba-im u la ai ha kita ki hynñiew angel, hynñiew ki pliang ksiar ba-dap da ka jingbitar U Blei u ba-im sha ki bymjukut ki bymjukut.

JINGPYNPAW 19:4

Bad kita ki arphew saw ngut ki tymmen basan bad kita ki saw ki jingthaw ba-im ki la ïahap dem bad ki la ïamane ïa U Blei u bashong halor kata ka khet, ki da ïa-ong, “Amen; Halleluïa!”

JINGPYNPAW 21:11

ka da don ka burom U Blei: ka jingshai jong ka, kaba kum u maw bakordor tam, kum u maw Jasper basngur eh, kum u Mawleiñ:

JINGPYNPAW 21:18

Bad ka jingtei ïa kata ka kynroh jong ka, ka long da u maw Jasper; bad kata ka nongbah ka la long ka ksiar banylla, kaba kum ka ïit basngur.

JINGPYNPAW 21:21

Bad kita ki khat-ar ki khyrdop ki la long khat-ar ki paila; kawei kawei keiñ na kita ki khyrdop ka la long na u paila tylli: bad ka lynti bah jong kata ka nongbah ka la long ka ksiar banylla, kum ka ïit bashai lyngba.

JINGPYNPAW 22:1

Bad u la pyni ha nga ïa ka wah basngur ka um ka jingim, kaba phyrnai kum u mawleiñ, kaba mih noh na ka khet U Blei bad ka jong uta U Khun langbrot, hapdeng kata ka lynti bah jong ka.

JINGPYNPAW 4:4

Bad baroh sawdong kata ka khet ki la don arphew saw tylli ki khet; bad halor ki khet nga la ïohi arphew saw ngut ki tymmen basan kiba shong, kiba la kup ha ki jaiñkup balieh; bad halor ki khlieh jong ki, ki pansngiat ksiar.

JINGPYNPAW 5:11

Te nga la ïohi, bad nga la ïohsngew ïa ka ktien sawa shibun ki angel baroh sawdong kata ka khet bad kita ki jingthaw ba-im bad kita ki tymmen basan ruh; bad ka jingkheiñ ïa ki, ka la long ki shiphew hajar sien ki shiphew hajar, bad ki hajar sien ki hajar,

JINGPYNPAW 5:14

Bad kita ki saw ki jingthaw ba-im ki la ïa-ong, “Amen”. Bad kita ki arphew saw ngut ki tymmen basan ki la ïahap dem, bad ki la ïamane.

JINGPYNPAW 5:6

Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh.

JINGPYNPAW 5:8

Te mynba u la shim ïa kata ka kitab, kita ki saw ki jingthaw ba-im bad kita ki arphew saw ngut ki tymmen basan ki la ïahap dem ha khmat uta U Khun langbrot, ki da don uwei pa uwei la ka duitara, bad ki pliang ksiar ba dap da ki jingainguh thang baiwbih, kiba long ki jingduwai jong ki riewkhuid.

JINGPYNPAW 6:1

Bad nga la khmih mynba uta U Khun langbrot u la plie ïa kawei na kita ki hynñiew ki jingpyndait, bad nga la ïohsngew ïa uwei na kita ki saw tylli ki jingthaw ba-im ba u da kren kum ka jingriew u pyrthat, “To ale, bad to khmih.”

JINGPYNPAW 6:6

Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”

JINGPYNPAW 7:11

Bad kita ki angel baroh ki la ïaïeng tawiar ïa kata ka khet bad ïa kita ki tymmen basan bad ïa kita ki saw ki jingthaw ba-im, bad ki la ïahap dem la ki khmat ha khmat kata ka khet, bad ki la ïamane dem ïa U Blei,

JINGPYNPAW 7:17

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”