JINGPYNPAW 4:5 - KA BAIBL

⁵ Bad na kata ka khet ki mih noh ki leilieh bad ki jingsawa bad ki pyrthat. Bad la don hynñiew ki sharak ding bathang ha khmat kata ka khet, kiba long kita ki hynñiew ki mynsiem U Blei.

Khasi CL Bible (BSI)

⁵ Na ka khet la mih ki jingthaba leilieh, ki jingkyrhuh, ki jingsawa u pyrthat. Ha khmat jong ka khet, la don hynñiew tylli ki dongmusa bameh, kiba long ki hynñiew ki mynsiem jong U Blei.

JINGPYNPAW 4:5 ပူးပေါင်းရင်းမြစ်များ

JENESIS 15:7

U la ong ruh ha u, “Nga long U Trai uba la wallam noh ïa me na ka Ur jong ki Khaldi, ïa ka ban ai ha me ïa kane ka ri ban ïoh pateng ïa ka.”

2 KHRONIKL 4:20

bad ïa ki dieng pynïeng sharak lem bad ki sharak jong ki, ba kin thang kat kum ka rukom ha khmat ka orakl, da ka ksiar banylla;

SALM 68:35

A U Blei, me long uba itriem na la ki jaka kyntang: U Blei u Israel, u ai ka bor bad ka jingkhlaiñ ha la ki briew. To long ba la kyrkhu ïa U Blei.

EKSODOS 19:16

Te ha kata ka sngi balai, mynstep eh, la don ki pyrthat bad ki leilieh, bad u lyoh u barben halor uta u lum, bad ka jingsawa ka turoi bajam eh; katba ki briew baroh ha ka jaka shong dara ki la ïakhynñiuh keiñ.

EKSODOS 20:18

Uta u paidbah baroh te u la ïohi ïa kita ki pyrthat, bad ïa kita ki leilieh, bad ïa kata ka jingsawa ka turoi, bad ïa uta u lum u da mih tdem: te haba uta u paidbah u la ïohi, u la kynriah noh, bad u la ïeng noh na sha jngai.

EKSODOS 25:37

Men thaw ruh hynñiew tylli ki sharak jong ka, bad men tbeh ïa kita ki sharak jong ka, ba kin ai jingshai ha pyrshah ka khmat jong ka.

EKSODOS 37:23

Bad u la thaw ïa ki hynñiew tylli ki sharak jong ka, bad ïa ki nap lur jong ka, bad ïa ki pliang jong ka ruh, da ka ksiar banylla.

ESEKIEL 1:13

Shaphang ka dur ki jingthaw ba-im, ka jing-i jong ki ka la long kum ki 'dewïong ba-meh ding jong ka ding, kumba i ïa ki jingtbeh ding; ka la ïakiew ka la ïahiar hapdeng kita ki jingthaw ba-im: ka ding ruh ka la long kaba phyrnai, bad na kata ka ding ka leilieh ka la mih keiñ.

JOEL 3:16

Bad U Trai un kyrhuh na Seïon, bad un pynmih ïa la ka ktien na Jerusalem; bad ki bneng bad ka khyndew kin khih: hynrei, U Trai un long jaka rieh ïa la ki briew, bad ka kut baskhem ïa ki khun Israel.

SEKHARAÏAH 4:2

Bad u la ong ha nga, “Me ïohi aïu?” Te nga la ong, “Nga la ïohi, bad ha khmih, u dieng pynïeng sharak uba da ka ksiar baroh, bad la ka shata sharak halor ka kliar jong u, bad la ki hynñiew sharak halor jong u; ki don hynñiew tylli ki tyndong ïa kawei kawei na kita ki sharak kiba halor ka kliar jong u:

MATHAÏOS 25:1

“Ynda kumta, ka hima ki bneng kan long kum ki shiphew ngut ki theisotti, kiba haba ki la shim ïa ki sharak jong ki, ki la mih noh ïa ka ban leit tan ïa u nongleit-kurim.

MATHAÏOS 3:11

“Nga shisha nga pynbaptis ïa phi da ka um ïa ka ban kylla-ka-bamut: hynrei, uta uba wan nadien jong nga u long uba kham khraw bor ïa nga, uba kam dei ïa nga ban rah wat tang ïa ki juti jong u: uta keiñ, un pynbaptis ïa phi da U Mynsiem Bakhuid bad da ka ding:

KI KAM 2:3

Bad la paw ha ki, ki thylliej kiba pait pnat, kum ka ding; te ka la shong halor uwei pa uwei na ki.

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 10:3

bad u la pyrta da ka ktien bajam, kumba kyrhuh u sing; te mynba u la pyrta, ki hynñiew ki pyrthat ki la ïalap ïa ki ktien sawa jong ki.

JINGPYNPAW 11:19

Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.

JINGPYNPAW 3:1

“Bad ha uta u angel jong ka balang kaba ha Sardis to thoh: Ïa kine kiei kiei ruh u ong uta uba don kita ki hynñiew ki Mynsiem U Blei, bad ïa kita ki hynñiew ki khlur: ‘Nga ithuh ïa ki jingleh jong pha, ba pha don ka kyrteng ba pha im, hynrei, pha long ka baïap.

JINGPYNPAW 5:6

Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh.

JINGPYNPAW 8:5

Bad uta u angel u la shim ïa kata ka pliang bathang iwbih, bad u la pyndap ïa ka da ka ding na kata ka duwan, bad u la bred ïa ka shalor ka khyndew; te la long ki pyrthat bad ki jingsawa bad ki leilieh, bad ka jingkhynñiuh jumai.