JINGPYNPAW 4:3 - KA BAIBL

³ Te uta uba shong u la long haba khmih kum u maw Jasper bad u Sardios: bad la don u simpyllieng baroh sawdong kata ka khet, uba kum u maw Emerald haba peit ïa u.

Khasi CL Bible (BSI)

³ Ka durkhmat jong u ka phyrnai kum ki mawkordor, kum u Jasper bad u Karnelian, bad baroh sawdong ka khet la don u simpyllieng uba don ka rong kum ka jong u Emerald.

JINGPYNPAW 4:3 ပူးပေါင်းရင်းမြစ်များ

EKSODOS 24:10

bad ki la ïohi ïa U Blei ki Israel; te la don hapoh ki sla'jat jong u kumba la siang da u maw Sapphir, bad kum ka met jong ki bneng ha ka jingphyrnai.

EKSODOS 28:18

Bad ka kyrdan ka ba-ar, da u Emerald, u Sapphir, bad u Diamond.

EKSODOS 39:11

bad ka kyrdan ba-ar, da u Emerald, u Sapphir bad u Diamond;

ISAÏAH 6:1

Ha ka snem ba u syiem Ussiah u la ïap, nga la ïohi ïa U Trai ba u da shong halor ka khet bajrong, bad ba la pynkyntiew, bad ka jaiñ shympyiar jong u ka la pyndap ïa ka templ.

ESEKIEL 1:26

Bad la don ka dur ka khet halor ka sahit bneng kaba haneng ka khlieh jong ki, kum ka jing-i ïa u maw Sapphir; halor ka dur kata ka khet ruh la don ka dur kaba i kum u briew halor jong ka, hangtei.

ESEKIEL 1:28

Kum ka jing-i ïa uta u simpyllieng uba long ha u lyoh ha ka sngi slap, kumta keiñ, ka la long ka jing-i jong kata ka jingthaba baroh sawdong. Kane ka la long ka jing-i ïa ka dur jong ka burom U Trai. Te haba nga la ïohi ïa ka, nga la hap dem da la ka khmat, bad nga la ïohsngew ïa ka jingsawa jong uwei uba la kren.

ESEKIEL 10:1

Ynda kumta, nga la khmih, bad ha khmih, ha kata ka sahit bneng kaba halor kita ki Kherub, la paw halor jong ki kaba kum u maw Sapphir, ka jing-i kum ka dur ka khet.

ESEKIEL 28:13

Me la long ha Eden ha ka kper U Blei; u mawkordor baroh u la long ka jingkup jong me, u Sardios, u Topas, bad u Diamond, u Beril, u Oniks, bad u Jasper, u Sapphir, u Emerald, bad u Karbonkl, bad ka ksiar: ka jingshna ïa ki kanjari jong me bad ïa ki tangmuri jong me ka la don ha me; ha ka sngi ba la pynlong ïa me la taïar ïa ki.

JINGPYNPAW 10:1

Bad nga la ïohi ïa uwei pat u angel bakhrawbor ba u wan hiar na bneng, uba la kup da u lyoh; bad u simpyllieng halor ka khlieh jong u, bad ka khmat jong u ka la kum ka sngi, bad ki kjat jong u, kum ki rijied ding;

JINGPYNPAW 21:11

ka da don ka burom U Blei: ka jingshai jong ka, kaba kum u maw bakordor tam, kum u maw Jasper basngur eh, kum u Mawleiñ: