JINGPYNPAW 4:2 - KA BAIBL

² Te kumne kumne ruh, nga la long ha U Mynsiem; bad ha khmih, ka khet ba la buh ha bneng, bad halor kata ka khet don uwei uba shong.

Khasi CL Bible (BSI)

² Mar kumta hi, U Mynsiem u la shimti ïa nga. Hangta ha bneng la don ka khet bad la don uwei uba shong halor jong ka.

JINGPYNPAW 4:2 ပူးပေါင်းရင်းမြစ်များ

1 SYIEM 22:19

U te u la ong, “Namar kata, to sngew ïa ka ktien U Trai: nga la ïohi ïa U Trai ba u shong halor ka khet jong u, bad u paidbah bneng baroh u ïeng hajan jong u sha ka kti kamon jong u bad sha kadiang.

SALM 11:4

U Trai u don ha ka templ bakhuid jong u, U Trai, ka khet jong u ka ha bneng; ki khmat jong u ki khmih, ki irmat jong u ki tynjuh, ïa ki khun bynriew.

ISAÏAH 6:1

Ha ka snem ba u syiem Ussiah u la ïap, nga la ïohi ïa U Trai ba u da shong halor ka khet bajrong, bad ba la pynkyntiew, bad ka jaiñ shympyiar jong u ka la pyndap ïa ka templ.

JEREMAÏAH 17:12

Ka khet ba-donburom, ba la buh halor jrong naduh kaba mynnyngkong, long ka jaka ka ïing kyntang jong ngi.

ESEKIEL 1:26

Bad la don ka dur ka khet halor ka sahit bneng kaba haneng ka khlieh jong ki, kum ka jing-i ïa u maw Sapphir; halor ka dur kata ka khet ruh la don ka dur kaba i kum u briew halor jong ka, hangtei.

ESEKIEL 1:28

Kum ka jing-i ïa uta u simpyllieng uba long ha u lyoh ha ka sngi slap, kumta keiñ, ka la long ka jing-i jong kata ka jingthaba baroh sawdong. Kane ka la long ka jing-i ïa ka dur jong ka burom U Trai. Te haba nga la ïohi ïa ka, nga la hap dem da la ka khmat, bad nga la ïohsngew ïa ka jingsawa jong uwei uba la kren.

ESEKIEL 10:1

Ynda kumta, nga la khmih, bad ha khmih, ha kata ka sahit bneng kaba halor kita ki Kherub, la paw halor jong ki kaba kum u maw Sapphir, ka jing-i kum ka dur ka khet.

DANIEL 7:9

“Nga la khmih haduh, “ba la buh ïa ki khet, bad ba uwei uba na mynhyndai kulong u la shong: ka jaiñkup jong u ka la long kaba lieh kum ka ïor, bad u 'ñiuh khlieh jong u kum u 'saiwul uba lieh; ka khet jong u ka la long da ki thylliej ding, bad ki shalyntem jong ka, ka ding kaba meh.

MATHAÏOS 22:43

U ïathuh ha ki, “Haba kumta, kumno ba u Dabid da U Mynsiem u khot ‘U Trai’ ïa u, u da ong,

HEBRU 8:1

Te shaphang kine kiei kiei ïa kiba ngi kren, kaba kongsan ka long kane: Ngi don U Rangbah lyngdoh kat uta, uba la shong sha ka kti kamon ka khet U Bakhraw Tam ha ki bneng;

JINGPYNPAW 1:10

Nga la long ha U Mynsiem ha ka sngi U Trai, bad nga la ïohsngew na shadien jong nga ïa ka ktien bajam kum ka turoi,

JINGPYNPAW 12:5

Te ka la kha ïa u khun shynrang, u ban sa synshar ïa ki kynja bynriew baroh da ka dieng synshar nar; te la rong noh artet ïa ita i khunlung jong ka sha U Blei, bad sha ka khet jong u.

JINGPYNPAW 17:3

Te u la rah noh ïa nga ha U Mynsiem sha ka ri khlaw: bad nga la ïohi ïa ka briew kaba shong halor u mrad khlaw basaw hain, ba dap da ki kyrteng ka jingkrenbeiñ Blei, uba don hynñiew ki khlieh bad shiphew ki reng.

JINGPYNPAW 19:4

Bad kita ki arphew saw ngut ki tymmen basan bad kita ki saw ki jingthaw ba-im ki la ïahap dem bad ki la ïamane ïa U Blei u bashong halor kata ka khet, ki da ïa-ong, “Amen; Halleluïa!”

JINGPYNPAW 20:11

Bad nga la ïohi ïa ka khet balieh bakhraw, bad ïa uta uba shong halor jong ka, na khmat jong u, ba ka khyndew bad ka bneng ki la ïaphet noh; te ïa ka jaka ym shym la shem shuh ïa ki.

JINGPYNPAW 21:10

Te u la rah noh ïa nga ha U Mynsiem shalor u lum bakhraw bad bajrong, bad u la kdew ha nga ïa kata ka nongbah ka bakhuid, ka Jerusalem keiñ, ba ka wan hiar na bneng na U Blei,

JINGPYNPAW 21:5

Te uta u bashong halor kata ka khet u la ong, “Ha khmih, nga thaw thymmai ïa kiei kiei baroh.” Bad u ong, “To thoh: naba kine ki ktien ki long kiba ïaineh bad bashisha.”

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.

JINGPYNPAW 4:10

kita ki arphew saw ngut ki tymmen basan ki ïahap dem ha khmat uta uba shong halor kata ka khet, bad ki ïamane ïa uta u ba-im sha ki bymjukut ki bymjukut, bad ki ïabred ïa kita ki pansngiat jong ki ha khmat kata ka khet, ki da ong,

JINGPYNPAW 4:5

Bad na kata ka khet ki mih noh ki leilieh bad ki jingsawa bad ki pyrthat. Bad la don hynñiew ki sharak ding bathang ha khmat kata ka khet, kiba long kita ki hynñiew ki mynsiem U Blei.

JINGPYNPAW 4:9

Bad haba kita ki jingthaw ba-im ki ïa-ai ka burom bad ka jingpyndonburom bad ka jingnguh ha uta uba shong halor kata ka khet, ha uta u ba-im sha ki bymjukut ki bymjukut,

JINGPYNPAW 5:1

Bad nga la ïohi ha ka kti kamon jong uta uba shong halor kata ka khet ïa ka kitab, ïa kaba la thoh shapoh bad shalor, ïa kaba la pyndait laha da ki hynñiew ki jingpyndait.

JINGPYNPAW 5:13

Bad ïa ka jingthaw baroh kaba don ha bneng, bad halor ka khyndew, bad shapoh ka khyndew, bad ha ka duriaw, bad kiei kiei baroh kiba ha kita, nga la ïohsngew haba ki ong, “Ha uta uba shong halor kata ka khet, bad ha uta U Khun langbrot, to long ka jingkyrkhu, bad ka jingpyndonburom, bad ka burom, bad ka bor, sha ki bymjukut ki bymjukut!”

JINGPYNPAW 6:16

bad ki ïa-ong ha kita ki lum bah bad ha kita ki mawsiang, “To hap ha ngi, bad to buhrieh noh ïa ngi na ka khmat uta u bashong halor kata ka khet, bad na ka jingbitar jong uta U Khun langbrot;