JINGPYNPAW 4:1 - KA BAIBL

¹ Hadien kine kiei kiei ruh, nga la khmih, te ha khmih, ka jingkhang ïa kaba la plie ha bneng; bad kata ka ktien sawa ka banyngkong ïa kaba nga la ïohsngew kum ka turoi ka da kren bad nga, ka da ong, “To ale kiew shane, bad ngan pyni ha me ïa kiei kiei ruh kiba dei ban jia long hadien kane.”

Khasi CL Bible (BSI)

¹ Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”

JINGPYNPAW 4:1 ပူးပေါင်းရင်းမြစ်များ

EKSODOS 1:1

Te kine ki long ki kyrteng ki khun shynrang Israel, kiba la wan sha ka ri Ijipt; uwei pa uwei bad la ka ïing ki la ïawan ryngkat bad u Jakob.

EKSODOS 19:24

Bad U Trai u la ong ha u, “To khie, to hiar ruh; bad men wan kiew, ma me, bad u Aaron lem bad me: hynrei, wat ai ba kita ki lyngdoh bad uta u paidbah kin wan tur lyngba sha U Trai, ïoh ba u un kyntur ha ki keiñ.”

EKSODOS 24:12

Bad U Trai u la ong ha u Moses, “To wan kiew sha nga ha une u lum, to sah hangta ruh: bad ngan ai ha me ïa ki maw lyngkniap, bad ïa ki hukum bad ïa ki adong ïa kiba nga la thoh, ba men ïoh hikai ïa ki.”

PROBERB 25:7

naba ka kham bha ba yn ong ha me, “To kiew shane;” ban ïa ka ban pynpoh ïa me ha khmat u rangbah, uba ki khmat jong me ki la ïohi.

ESEKIEL 1:1

Te ha ka balaiphew ka snem, ha u bnai u basaw, ha ka basan tarik u bnai, katba nga la long hapdeng ki mraw hajan ka wah Khebar, la plie ïa ki bneng, bad nga la ïohi ïa ki jingithuhpaw U Blei.

MATHAÏOS 3:16

U Jisu te, ynda la pynbaptis ïa u, u la kiew noh kumne kumne na ka um: ha khmih ruh, la plie ïa ki bneng ïa u, bad u la ïohi ïa U Mynsiem U Blei ba u da hiar kum ka paro, ba u da wan shong ruh ha u.

MARKOS 1:10

Te kumne kumne ruh haba u dang kiew noh na ka um, u la ïohi ba la plie ïa ki bneng, bad U Mynsiem u hiar ha u kum ka paro.

LOUKAS 3:21

Ka la jia te, ynda la lah pynbaptis ïa uta u paidlang baroh, bad haba la lah pynbaptis ïa U Jisu ruh, bad ba U dang duwai, ba la plie ïa ka bneng,

ÏOANNIS 16:13

Hynrei, ynda u la wan ma u, U Mynsiem ka jingshisha keiñ, un ïalam ïa phi sha ka jingshisha baroh: namar un ym kren na lade, hynrei, ïa kiei kiei ruh katba un ïohsngew, un kren, bad un pynpaw ha phi ïa kiei kiei ruh ki ban sa wan.

KI KAM 10:11

Bad u ïohi ïa ka bneng ba la plie, bad uwei u khiew ba u da hiar, kum ka jingsiang bakhraw ba la pynhiar na ki sawdong ha khyndew,

KI KAM 7:56

bad u la ong, “Ha khmih, nga ïohi ïa ki bneng ba la plie, bad ïa U Khun u briew ba U da ïeng sha ka kti kamon U Blei.”

JINGPYNPAW 1:10

Nga la long ha U Mynsiem ha ka sngi U Trai, bad nga la ïohsngew na shadien jong nga ïa ka ktien bajam kum ka turoi,

JINGPYNPAW 1:12

Te nga la phai ban ïoh khmih thuh ïa kata ka ktien kaba la kren ha nga; te haba nga la phai, nga la ïohi hynñiew ki dieng pynïeng sharak ksiar;

JINGPYNPAW 1:19

Namar kata, to thoh ïa kiei kiei ruh ïa kiba me la ïohi, bad ïa kiei kiei ruh kiba long, bad ïa kiei kiei ruh ki ban sa long hadien kine;

JINGPYNPAW 11:12

Bad ki la ïohsngew ïa ka ktien bajam na bneng kaba ong ha ki, “To wan kiew shane.” Te ki la ïaleit kiew noh sha bneng ha u lyoh; bad kita ki nongshun jong ki, ki la ïakhmih ïa ki.

JINGPYNPAW 11:19

Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.

JINGPYNPAW 16:17

Bad uta u bahynñiew u la theh noh ïa ka pliang jong u sha ka suiñbneng; te ka la wan mih noh ka ktien bajam na kata ka templ, na kata ka khet, ka da ong, “La pyndep!”

JINGPYNPAW 19:11

Bad nga la ïohi ïa ka bneng ba la plie, bad ha khmih ka kulai balieh; bad ïa uta uba shong halor jong ka la khot U Baïaineh bad U Bashisha; bad ha ka hok, u bishar bad u ïaleh thma.

JINGPYNPAW 22:6

Te u la ong ha nga, “Kine ki ktien ki long kiba ïaineh bad bashisha: bad uta U Trai uba U Blei jong kita ki mynsiem ki nongïathuhlypa, u la phah ïa u angel jong u ban pyni ha ki shakri jong u ïa kiei kiei ruh kiba dei ban jia long shen.”