JINGPYNPAW 3:7 - KA BAIBL

⁷ “Bad ha uta u angel jong ka balang kaba ha Philadelphia to thoh: Ïa kine kiei kiei ruh u ong uta U Bakhuid, uta U Bashisha, uta uba don u shabi jong u Dabid, uta uba plie, te uno uno ruh um khang, bad u khang te uno uno ruh um plie:

Khasi CL Bible (BSI)

⁷ “Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

JINGPYNPAW 3:7 ပူးပေါင်းရင်းမြစ်များ

Ka Kitab U Job 11:10

Lada u ïaid lyngba, bad set kut, bad khot sha ka jingbishar, te uei u ban khang ïa u?

Ka Kitab U Job 12:14

Ha khmih, u pyntwa noh, te ym don uba lah ban tei pat ïa ka: u set khak ïa u briew, te kan ym lah don ka jingplie.

SALM 145:17

U Trai u bahok ha la ki lynti baroh, bad uba aiei ha baroh ki jingleh jong u.

SALM 16:10

Naba men ym iehnoh ïa ka mynsiem jong nga ha ka jaka bymïohi; lymne men ym shah ïa u bakhuid jong me ban shem ïa kaba pyut.

SALM 89:18

Naba ka stieh jong ngi ka long U Trai: bad u syiem jong ngi u long U Bakhuid jong u Israel.

ISAÏAH 22:22

Bad u shabi ka ïing u Dabid ngan buh halor ka tyrpeng jong u; bad un plie, te yn ym don ba khang; bad un khang, te yn ym don ba plie.

ISAÏAH 30:11

kynriah noh na ka lynti, phai noh na ka lynti bah, pynwai noh ïa uta U Bakhuid ki Israel na khmat jong ngi.”

ISAÏAH 41:14

Wat sheptieng, me u Jakob uba kum u khñiang, bad phi ki rangbah Israel; nga ngan ïarap ïa me, ong U Trai, U Nongsiewspah jong me, uta U Bakhuid jong ki Israel.

ISAÏAH 41:16

Men peh ïa ki, bad ka lyer kan rong noh ïa ki, bad ka lyer langthari kan pynsakma noh ïa ki: te me men kmen ha U Trai, men leh thaw burom ha uta U Bakhuid jong ki Israel.

ISAÏAH 41:20

ba kin ïohi bad ïoh tip, bad ïapyrkhat, bad ïashemphang lang, ba ka kti U Trai ka la leh ïa kane, bad U Bakhuid jong ki Israel u la thaw ïa ka.

ISAÏAH 47:4

U Nongsiewspah jong ngi, “U Trai ki paid” long ka kyrteng jong u, uta U Bakhuid jong ki Israel.

ISAÏAH 48:17

Kumne u ong U Trai, u nongsiewspah jong me, uta U Bakhuid jong ki Israel: “Nga, nga long U Trai U Blei jong me, uba hikai ïa me ban pynmyntoi, uba btin ïa me ha ka lynti ba ka dei ïa me ban leit.

ISAÏAH 49:7

Kumne u ong U Trai, u nongsiewspah ki Israel, uta U Bakhuid jong u, ha uta uba ki briew ki ibeiñ, ha uta uba ka jaid bynriew ka isih, ha u shakri jong ki nongsynshar: “Ki syiem kin ïohi te kin ïeng; ki bakhraw batri, te kin dem; namar U Trai uba ïaineh U Bakhuid ki Israel keiñ, uba la jied ïa me.”

ISAÏAH 54:5

Naba U Nongthaw jong pha u long u tnga jong pha; ‘U Trai ki paid’ long ka kyrteng jong u: bad uta U Bakhuid jong ki Israel long u nongsiewspah jong pha; ‘U Blei ka khyndew baroh’ yn khot ïa u.

ISAÏAH 55:5

Ha khmih, men khot ka jaid bynriew ba mem ithuh, bad ka jaid bynriew ka bym shym la ithuh ïa me kan phet sha me, namar U Trai U Blei jong me, bad namar uta U Bakhuid jong ki Israel; naba u la pyndonburom ïa me.

ISAÏAH 6:3

Te uwei u la pyrta ha uwei pat, bad u la ong, “U Bakhuid, U Bakhuid, U Bakhuid, U Trai ki paid: ka khyndew baroh ka dap da ka burom jong u.”

MATHAÏOS 16:19

Bad ngan ai ha me ïa ki shabi ka hima ki bneng; te kaei kaei ruh ïa kaba men teh ha ka khyndew yn teh ïa ka ha bneng ruh, bad kaei kaei ruh ïa kaba men pyllait ha ka khyndew yn pyllait ïa ka ha bneng ruh.”

MATHAÏOS 24:35

Ka bneng bad ka khyndew kin leit noh, hynrei, ki ktien jong nga kin ym leit noh satia.

MARKOS 1:24

u da ong, “Iehnoh ïa ngi; me donkam aïu bad ngi, me U Jisu uba na Nasaret? me la wan khnang ban pynjot ïa ngi? nga ithuh ïa me uei me long, U Bakhuid u jong U Blei.”

LOUKAS 1:32

une un long U Bakhraw, bad yn khot ïa u, ‘U Khun U Bahakhlieh Tam Eh’: bad U Trai uba U Blei un ai ha u ïa ka khet u Dabid u kpa jong u;

LOUKAS 4:34

“Ieh! ngi ïadonkam aïu bad me, ko Jisu uba na Nasaret? Me la wan khnang ïa ka ban pynjot ïa ngi? Nga ithuh ïa me uei me long, uta U Bakhuid u jong U Blei.”

ÏOANNIS 14:6

U Jisu u ïathuh ha u, “Nga uba long kata ka lynti, bad ka jingshisha, bad ka jingim de: ym don uba wan ha U Kpa, hynrei, tang da nga.

KI KAM 3:14

Hynrei, phi, phi la len ïa uta U Bakhuid bad U Bahok; bad phi la ïapan ban pyllait ha phi ïa u nongpynïap briew:

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

JINGPYNPAW 1:5

bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

JINGPYNPAW 15:3

Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

JINGPYNPAW 16:7

Bad nga la ïohsngew na kata ka duwan kaba ong, “Shisha, ko Trai uba U Blei Badonbor Baroh, kiba shisha bad ki bahok long kita ki jingkut bishar jong me.”

JINGPYNPAW 19:11

Bad nga la ïohi ïa ka bneng ba la plie, bad ha khmih ka kulai balieh; bad ïa uta uba shong halor jong ka la khot U Baïaineh bad U Bashisha; bad ha ka hok, u bishar bad u ïaleh thma.

JINGPYNPAW 19:2

Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

JINGPYNPAW 2:1

“Ha uta u angel jong ka balang ha Ephesos to thoh: Ïa kine kiei kiei ruh u ong uta uba bat ïa kita ki hynñiew ki khlur ha ka kti kamon jong u, uta uba ïaid hapdeng kita ki hynñiew ki dieng pynïeng sharak ksiar:

JINGPYNPAW 21:5

Te uta u bashong halor kata ka khet u la ong, “Ha khmih, nga thaw thymmai ïa kiei kiei baroh.” Bad u ong, “To thoh: naba kine ki ktien ki long kiba ïaineh bad bashisha.”

JINGPYNPAW 3:14

“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei:

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;

JINGPYNPAW 6:10

Te ki la pyrta da ka ktien bajam, ki da ïa-ong, “Tad lano, ko Trai Kynrad, U Bakhuid bad U Bashisha, mem bishar kut bad pynhiar kput na ka bynta kata ka snam jong ngi halor kita kiba shong ha kata ka khyndew?”