JINGPYNPAW 3:5 - KA BAIBL

⁵ Uta uba jop, ïa uta, yn pynkup kumta ha ki jaiñkup balieh; bad ngan ym pyndam noh da lei lei ïa ka kyrteng jong u na ka kitab ka jingim, bad ngan phla keiñ ïa ka kyrteng jong u ha khmat U Kpa jong nga, bad ha khmat ki angel jong u.

Khasi CL Bible (BSI)

⁵ Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.

JINGPYNPAW 3:5 ပူးပေါင်းရင်းမြစ်များ

SALM 109:13

Ai ban ot noh ïa ki khun ki ksiew jong u; ai ban pyndam noh ïa ka kyrteng jong ki ha ka pateng bynriew kaba bud.

SALM 69:28

To ai ban pyndam noh ïa ki na ka kitab ka jingim, bad ban ym thoh ïa ki lem bad ki bahok.

MALAKHI 3:17

“Bad kin long ki jong nga,” ong U Trai ki paid, “ha kata ka sngi, ha kaba nga pynlong ïa ka jingkynshew la ka jong hi; bad ngan isynei ïa ki, kumba isynei u briew ïa la u khun uba shakri ïa u.

MATHAÏOS 10:32

“Uno uno baroh te u ban phla ïa nga ha khmat ki briew, nga ruh ngan phla ïa u ha khmat U Kpa jong nga uba ha bneng.

LOUKAS 10:20

Hynrei, wat kmen ha kane, ba ïa ki mynsiem la pyndem hapoh jong phi; hynrei, to kmen namar ba la thoh ïa ki kyrteng jong phi ha bneng.”

LOUKAS 12:8

Nga ong ruh ha phi, “Uno uno baroh u ban phla ïa nga ha khmat ki briew, te ïa uta, U Khun u briew ruh un phla ha khmat ki angel U Blei.

DEUTERONOMI 9:14

to shah ïa nga, ba ngan ïoh pynjot noh ïa ki, bad pyndam noh ïa ka kyrteng jong ki napoh ki bneng; te ngan pynlong ïa me ka jaid bynriew kaba kham don bor, bad kaba kham khraw ruh ban ïa ki.’

PHILIPPI 4:3

Ho-oid, nga kyrpad ïa me ruh, ko para baïakit lyngkor lem basngur, to men ïarap ïa kine ki kynthei, naba ki la ïatrei lem bad nga ha ka gospel, bad u Klemen ruh, bad kita ki para baïatrei lem jong nga, kiba ki kyrteng jong ki, ki don ha ka kitab ka jingim.

JUDAH 1:24

Te ha uta uba lah ban ri kyndong ïa phi ba khlem jynthut, bad ban pynïeng ïa phi ba khlem pop ha khmat ka burom jong u ha ka jingkmen bakhraw eh,

JINGPYNPAW 13:8

Te kita baroh kiba shong halor ka khyndew kin ïamane dem ïa u, kiba ki kyrteng jong ki ym shym la thoh ha kata ka kitab ka jingim jong uta U Khun langbrot, ïa uba la pynïap la myndanglong ka pyrthei.

JINGPYNPAW 17:8

Uta u mrad khlaw ïa uba me la ïohi u la long, bad um long shuh; te u ban sa kiew noh na kata ka 'liewlong bakhlem trai, bad u ban leit noh sha ka jingpynjot. Te kita kiba shong halor kata ka khyndew kin ïasngewkyndit (ïa kiba ki kyrteng jong ki ym shym la thoh ha kata ka kitab jong ka jingim na myndanglong ka pyrthei), haba ki ïakhmih ïa uta u mrad khlaw kumno ba u la ju long, bad ba um long shuh, bad ba un sa long.

JINGPYNPAW 19:8

Te la ai ha ka ba kan da ïoh kup ïa ka jaiñ linen bani, bakhuid bad batyngshain:” Namar kata ka jaiñ linen bani ka long keiñ ki jinglehhok jong ki riewkhuid.

JINGPYNPAW 2:11

Jar uba don ka shkor, to un sngew ïa kaei ba U Mynsiem u ong ha kita ki balang. Ïa uta uba jop, yn ym pynsniew na kata ka jingïap ka ba-ar.’ ”

JINGPYNPAW 2:7

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na u dieng jong ka jingim, uba long ha ka paradais U Blei.’ ”

JINGPYNPAW 20:12

Bad nga la ïohi ïa ki baïap, ki barit bad ki bakhraw, ba ki da ïeng ha khmat kata ka khet; bad la plied ïa ki kitab: bad la plied ïa kawei pat ka kitab, kaba long ka kitab ka jingim: te la bishar ïa kita ki baïap na kita kiei kiei ruh ïa kiba la thoh ha kita ki kitab, katba kum ki jingleh jong ki.

JINGPYNPAW 20:15

Te jar ïa uba ym shym la shem ba la thoh ha kata ka kitab ka jingim, la bred ïa u sha kata ka pung ka ding.

JINGPYNPAW 21:27

Bad da lei lei kan ym ïoh leit bsut sha ka kaei kaei ruh ka bymkhuid, lane uta uba leh ïa ka jingijli bad ka jinglamler: hynrei, tang kita keiñ ïa kiba la thoh ha kata ka kitab ka jingim jong uta U Khun langbrot.

JINGPYNPAW 22:19

te lada uno uno ruh un shim noh na kita ki ktien ka kitab jong kane ka jingïathuhlypa, U Blei un shim noh ïa ka bynta jong u na u dieng ka jingim, bad na kata ka nongbah ka bakhuid, bad na kita kiei kiei ruh ïa kiba la thoh ha kane ka kitab.

JINGPYNPAW 3:12

Uta uba jop, ngan pynlong u rijied ïa u ha ka ïing U Blei jong nga, te un ym mih noh shuh shabar: bad ngan thoh halor jong u ïa ka kyrteng U Blei jong nga, bad ïa ka kyrteng jong kata ka nongbah U Blei jong nga, ka Jerusalem bathymmai, kaba wan hiar na bneng na U Blei jong nga, bad ïa kata ka kyrteng jong nga ka bathymmai.

JINGPYNPAW 3:4

Hynrei, pha don khyndiat ki kyrteng wat ha Sardis ki bym shym la pynbit-tngit ïa ki jaiñkup jong ki: te kita kin ïoh ïaid lem bad nga ha ki jaiñkup balieh; naba ki long kiba dei.

JINGPYNPAW 6:11

Bad la ai ha uwei pa uwei baroh ïa ka jaiñkup balieh; bad la ong ha ki, ba kin da ïashong thait shuh sa shibit ar bit, tad ynda yn pyndep noh ïa kita ki para shakri jong ki ruh bad kita ki parabangeit jong ki, ïa ki ban sa pynïap noh kumba ïa ki ruh.

1 SAMUEL 17:25

Bad kita ki paidbah Israel ki la ïa-ong, “Phi la ïohi ne em ïa uta u briew uba la wan mih noh? shisha u la wan mih khnang ïa ka ban beiñ ïa ki Israel: te uta u briew u ban pynïap ïa u, u syiem un pynriewspah ïa u da ka spah kaba khraw, un ai kurim ruh ïa la ka khun ha u, bad un pynlong laitluid ïa ka ïing u kpa jong u ha Israel.”