JINGPYNPAW 3:4 - KA BAIBL

⁴ Hynrei, pha don khyndiat ki kyrteng wat ha Sardis ki bym shym la pynbit-tngit ïa ki jaiñkup jong ki: te kita kin ïoh ïaid lem bad nga ha ki jaiñkup balieh; naba ki long kiba dei.

Khasi CL Bible (BSI)

⁴ Hynrei katto katne ngut na pha hangto ha Sardis kim shym la pyntngit ïa ki jaiñkup jong ki. Phan ïaid ryngkat bad nga, da kaba phong da ki jaiñkup balieh, namar pha long kaba dei hok ban leh kumta.

JINGPYNPAW 3:4 ပူးပေါင်းရင်းမြစ်များ

1 SYIEM 19:18

La kumta ruh, ngan pynsah hynñiew hajar ngut ha Israel, ki khohsiew baroh ki bym shym la dem ha u Baal, bad ki shyntur baroh ki bym shym la doh ïa u.”

ESTHER 8:15

Bad u Mordekai u la mih noh na khmat u syiem ha ka jaiñkup syiem ka babyrïong bad balieh, bad da ka pansngiat ksiar bakhraw, bad da ka barandi jaiñ linen bani bad basaw bthuh: bad ka nongbah Shushan ka la risa bad ka la kmen.

SALM 68:14

Haba U Balah Baroh u la pynsaphred ïa ki syiem ha ka, ka la long kum kaba hap ka ïor ha Salmon.

EKLESIASTIS 9:8

To ki jaiñ jong me kin long lieh borabor; bad ka khlieh jong me to kan ym duh jingsleh.

ISAÏAH 1:9

Lada U Trai ki paid um shym la pynsah i jingsah barit, ngin da la long kum ka Sodom, ngin da la syriem ïa ka Gomorra.

ISAÏAH 52:1

To khie, to khie, to kup ïa la ka bor, ko Seïon, to kup ïa la ki jaiñkup ba-itynnad, ko Jerusalem, ka shnong ka bakhuid: naduh mynta u bym shym la otsher bad u basang kin ym wan shuh ha pha.

ISAÏAH 59:6

Ki snur jong ki kin ym long jaiñkup, lymne kin ym kup ïa lade da ki kam jong ki: ki kam jong ki, ki long ki kam bymhok, bad ka jingleh-jubor ka long ha ki kti jong ki.

ISAÏAH 61:10

Ngan shadkmen eh ha U Trai, ka mynsiem jong nga kan sngewkmen ha U Blei jong nga; namar u la pynkup ïa nga da ki jaiñkup ka jingpynim, u la pynphong ïa nga da ka jaiñ ka hok, kumba u nongleit-kurim u sien ïa lade da ka jingsien syntiew, bad kumba ka nongleit-kurim ka pynitynnad ïa lade da la ki jingdeng.

ISAÏAH 61:3

ban buh ha ki basngewsih ha Seïon, ban ai ha ki kaba sien syntiew ha ka jaka ki dpei, ka umphniang ka jingkmen ha ka jaka ka jingsngewsih, ka jaiñkup ka jingïaroh ha ka jaka ka mynsiem kaba khia; ba yn khot ïa ki, “ki dieng ka hok,” “u jingthung U Trai,” ba yn pyndonburom ïa U.

ISAÏAH 64:6

Naba ngi baroh ngi la kylla long kum u bymkhuid, bad ki hok jong ngi baroh ki long kum ka jaiñ ba bit-tngit: ngi ïapstai noh baroh kum ka sla; te ki jingbymhok jong ngi, kum ka lyer, ki la rong noh ïa ngi.

LEBITIKOS 13:48

la u long ha u ksai lynter, lane ha u ksai pyngkiang; na ka jong ka linen, lane ka banat; la u long ha ka snieh, lane ha kaei kaei ba la thaw da ka snieh;

MATHAÏOS 10:11

Sha kano kano ka nongbah lane ka nongrit ba phin leit rung, to wad uei ha kata uba bit nam; te hangta phin ïaishong tad ynda phi mih noh.

MARKOS 16:5

Haba ki la bsut te ha kata ka jingtep, ki la ïohi ïa u samla uba shong sha kamon, uba la kup ïa ka jaiñ lieh kaba jynsur; ki la sheptieng ruh.

LOUKAS 20:35

hynrei, kita ïa kiba yn ñiew kiba bit ban ïoh ïa kata ka pyrthei, bad ïa kata ka jingmihpat kaba na ki baïap, kim ïashongkurim keiñ, lymne pynshongkurim ïa ki,

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

KI KAM 1:15

Ha kita ki sngi te, haba u Petros u la ïeng hapdeng ki synran, u la ong (te ka jingïalang ki briew ka la long jin shispah arphew),

2 THESSALONI 1:5

kaba long ka dak shynna ïa ka jingbishar bahok U Blei; khnang ïa ka ban ñiew ïa phi, kiba bit ïa ka hima U Blei, na ka bynta kaba phi shah ruh;

JUDAH 1:23

hynrei, ïa kiwei pat to phin pynim, da kaba knieh kynthet ïa ki na ka ding, bad ïa kiwei pat to isynei da ka jingsheptieng, da kaba shun wat ïa kata ka jingphong ïa kaba la pynbit-tngit na ka jong ka doh.

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 11:13

Bad ha kata kajuh ka por ka la long ka jingkhynñiuh jumai bakhraw, te kaba shiphew ka bynta na kata ka nongbah ka la kyllon khram; bad la pynïap noh ha kata ka jingkhynñiuh jumai hynñiew hajar ki briew: te kita kiba sah ki la ïasheptieng eh, bad ki la ïa-ai burom ha U Blei ka bneng.

JINGPYNPAW 14:4

Kine ki long kita ïa kiba ym shym la pynbit-tngit bad ki kynthei, namar ki long ki rangsotti. Kine ki long kita kiba bud ïa uta U Khun langbrot kat shaba u leit. Ïa kine la siewspah noh napdeng ki briew, kum u soh nyngkong ha U Blei bad ha uta U Khun langbrot.

JINGPYNPAW 19:14

Bad kita ki paidïapom kiba ha bneng ki la ïabud ïa u halor ki kulai balieh, kiba la kup da ka jaiñ linen bani, ka balieh bad bakhuid.

JINGPYNPAW 19:8

Te la ai ha ka ba kan da ïoh kup ïa ka jaiñ linen bani, bakhuid bad batyngshain:” Namar kata ka jaiñ linen bani ka long keiñ ki jinglehhok jong ki riewkhuid.

JINGPYNPAW 3:18

Nga pyni buit ha pha ba phan thied na nga ïa ka ksiar ba la phrang ha ka ding, ba phan da ïoh man spah; bad ïa ki jaiñkup balieh, ba phan ïoh kup ïa lade, bad ba kan ym paw kata ka jinglehrain ka jinglyngkhuit jong pha; bad ïa ka jingsleh khmat ban kyllan ïa ki khmat jong pha, ba phan ïohi.

JINGPYNPAW 3:5

Uta uba jop, ïa uta, yn pynkup kumta ha ki jaiñkup balieh; bad ngan ym pyndam noh da lei lei ïa ka kyrteng jong u na ka kitab ka jingim, bad ngan phla keiñ ïa ka kyrteng jong u ha khmat U Kpa jong nga, bad ha khmat ki angel jong u.

JINGPYNPAW 4:4

Bad baroh sawdong kata ka khet ki la don arphew saw tylli ki khet; bad halor ki khet nga la ïohi arphew saw ngut ki tymmen basan kiba shong, kiba la kup ha ki jaiñkup balieh; bad halor ki khlieh jong ki, ki pansngiat ksiar.

JINGPYNPAW 6:11

Bad la ai ha uwei pa uwei baroh ïa ka jaiñkup balieh; bad la ong ha ki, ba kin da ïashong thait shuh sa shibit ar bit, tad ynda yn pyndep noh ïa kita ki para shakri jong ki ruh bad kita ki parabangeit jong ki, ïa ki ban sa pynïap noh kumba ïa ki ruh.

JINGPYNPAW 7:9

Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki;