JINGPYNPAW 3:3 - KA BAIBL

³ To kynmaw, namar kata, kumno pha la pdiang bad pha la ïohsngew, bad to ri skhem ïa ka, bad to kylla-ka-bamut. Namar kata, lada pham sharai, ngan wan kum u nongtuh keiñ, te phan ym ïoh tip ha kano ka por ngan wan ha pha.

Khasi CL Bible (BSI)

³ Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.

JINGPYNPAW 3:3 ပူးပေါင်းရင်းမြစ်များ

ESEKIEL 20:43

Te hangta phin kynmaw ïa la ki lynti, bad ïa la ki jingleh jong phi baroh, ha kiba phi la pyntngit ïa lade; bad phin isih ïa lade ha la ki khmat hi na ka bynta ki jingsniew jong phi baroh kiba phi la leh.

ESEKIEL 36:31

Ynda kumta, phin sa kynmaw ïa ki lynti basniew jong phi, bad ïa ki jingleh jong phi ba kim shym long ki babha; te phin sa isih ïa lade ha khmat jong phi hi namar ki jingleh bymhok jong phi bad namar ki jingijli jong phi de.’

MATHAÏOS 25:13

Namar kata, to sharai, naba phim tip lymne ïa ka sngi lymne ïa ka por ha kaba u wan U Khun u briew.

MARKOS 13:33

To sumar, to sharai, to duwai ruh; naba phim tip lano ka long kata ka sngi.

MARKOS 13:36

ïoh, haba u wan kyndit, un shem ïa phi ba dang thiah.

1 THESSALONI 5:2

Namar phi hi, phi ïatip biang ba kata ka sngi U Trai kan wan kumjuh kum u nongtuh mynmiet.

1 TIMOTHI 6:20

A Timothi, to sumar kyndong ïa kata kaba la aiti ha me, da kaba phai noh na kita ki ktien bieit bathala bad ki jingïaleh pyrshah jong kata ka jingtip ïa kaba la shu khot kumta;

2 TIMOTHI 1:13

To ïaibat ïa ka rukom ki ktien bajanai, ïa kiba me la ïohsngew na nga, ha ka jingngeit bad ka jingieit kaba ha U Khrist Jisu.

HEBRU 2:1

Naba kumta, ka dei ïa ngi ban ïakham pynshahshkor ïa kita kiei kiei ruh ïa kiba la ïohsngew, ïoh ba kumno re kumno ngi tuid noh na ki.

2 PETROS 1:13

hynrei, nga mut ba kaba dei katba nga dang long ha kane ka ïingtrep, ban pynkhih ïa phi da kaba pynkynmaw ïa phi;

2 PETROS 3:1

Ïa kane ka shithi ka ba-ar, ko hep ba-ieit, nga thoh mynta ha phi, bad ha ki baroh ar, nga pynkynroi ïa ki jingmut basngur jong phi da kaba pynkynmaw keiñ ïa phi;

2 PETROS 3:10

Hynrei, kata ka sngi U Trai kan wan kum u nongtuh; ha kaba kita ki bneng kin leit noh bur, bad ki jor tynrai da kaba thang rhem kin um noh, bad ïa ka khyndew bad ïa kita ki jingleh ba don ha ka, yn thang duh.

JINGPYNPAW 16:15

(“Ha khmih, nga wan kum u nongtuh. Suk uta uba sharai, bad uba ri noh ïa la ki jaiñkup, ïoh ba un ïaid lyngkhuit, bad ba kin ïohi ïa ka jinglehrain jong u.”)

JINGPYNPAW 2:25

Hynrei, ïa kata kaba phi don, to ïabat skhem tad ynda nga wan.

JINGPYNPAW 2:5

To kynmaw, namar kata, nangno pha la hap noh, bad to kylla-ka-bamut, bad to leh ïa kita ki jingleh ki banyngkong; lymda kumta, nga wan kloi ha pha, bad ngan pynkynriah noh ïa ka dieng pynïeng sharak jong pha na ka jaka jong ka, lada pham kylla-ka-bamut.

JINGPYNPAW 22:7

“Ha khmih nga wan kloi: suk uta uba ïaisumar ïa ki ktien jong ka jingïathuhlypa kane ka kitab.”

JINGPYNPAW 3:11

Ha khmih, nga wan kloi: to bat skhem ïa kata kaba pha don, ba uno uno ruh un ym shim ïa ka pansngiat jong pha.

JINGPYNPAW 3:19

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.

JINGPYNPAW 3:2

To long pha kaba sharai, bad to pynskhem ïa kita kiei kiei ruh kiba sah, ki ban sa ïap noh: namar ngam shym shem ïa kita ki jingleh jong pha kiba la dap janai ha khmat U Blei jong nga.