JINGPYNPAW 3:2 - KA BAIBL

² To long pha kaba sharai, bad to pynskhem ïa kita kiei kiei ruh kiba sah, ki ban sa ïap noh: namar ngam shym shem ïa kita ki jingleh jong pha kiba la dap janai ha khmat U Blei jong nga.

Khasi CL Bible (BSI)

² Kumta kyndit bynriew noh, bad pynkhlaiñ ïa kaei kaba pha dang don ha shuwa ba kan jah noh khoit. Naba nga shem ba kaei kaba pha la leh kam long kaba janai ha khmat jong U Blei jong nga.

JINGPYNPAW 3:2 ပူးပေါင်းရင်းမြစ်များ

1 SYIEM 11:4

Namar ynda u Solomon u la tymmen, ki tnga jong u ki la pynphai noh ïa ka dohnud jong u sha kiwei pat ki blei: bad ka dohnud jong u kam shym long janai bad U Trai U Blei jong u, kumba la long ka dohnud u Dabid u kpa jong u.

1 SYIEM 15:3

Bad u la ïaid ha ki pop u kpa jong u baroh, kiba u la leh mynshuwa jong u: ka dohnud jong u te kam shym long janai bad U Trai U Blei jong u, kum ka dohnud u kpa jong u, u Dabid.

2 KHRONIKL 25:2

Te u la leh ïa kata kaba dei ha khmat U Trai, hynrei, ym da ka dohnud kaba sngur.

Ka Kitab U Job 16:5

Hynrei, nga ngan da la pynkhlaiñ ïa phi da la ka shyntur, bad ka jingpyntngen ki rmiang shyntur jong nga kan da la pynjem ïa phi.

ISAÏAH 35:3

To pynkhlaiñ phi ïa ki kti batlot, bad to pynskhem ïa ki khohsiew kiba la sator.

ISAÏAH 56:10

Ki nongap jong u ki matlah, baroh kiba khlem jingtip; ki long ki ksew kuman baroh, kim lah wiar; ki ïaphohsniew, ki ïadem, ki ïa-ieit samthiah.

ISAÏAH 57:12

Nga ngan pynbna ïa ka hok jong me; bad shaphang ki kam jong me, kin ym pynmyntoi ïa me.

ESEKIEL 34:16

‘Ngan wad ïa kaba la jah noh, bad ngan wallam pat ïa kaba la beh noh, bad ngan spaiñ ïa kaba la kheiñ noh, bad ngan pynshait ïa kaba la pang: hynrei, ïa ki basngaid bad ki bakhlaiñ ngan pynjot; ngan bsa ïa ki ha ka jingbishar.’

DANIEL 5:27

Tekel, la thew ïa me ha ki tarajur, bad la shem ba me duna.

SEKHARAÏAH 11:16

Naba ha khmih, ngan pynmih ïa u nongsharai ha ka ri, u ban ym khmih ïa kita kiba la pynduh noh, lymne un ym wad ïa kiba la pynsakma, lymne pynkhiah ïa kata kaba la mong; lymne un ym bsa ïa kata kaba sahkut, hynrei, un bam ïa ka doh jong ki basngaid, bad un pynlwet ïa ki khnap jong ki.

MATHAÏOS 23:5

Hynrei, ïa ki jingleh jong ki baroh, ki leh khnang ïa ka ban ïohi da ki briew: namar ki pynpyiar ïa la ki philakteri, bad ki pynkhraw ïa ki rmiang ki jaiñ jong ki,

MATHAÏOS 25:13

Namar kata, to sharai, naba phim tip lymne ïa ka sngi lymne ïa ka por ha kaba u wan U Khun u briew.

MATHAÏOS 25:7

Ynda kumta, kita ki theisotti baroh ki la ïaïeng, bad ki la shna ïa ki sharak jong ki.

KI KAM 18:23

Te ynda u la lah shong katto katne hangta, u la leit noh, u da ïaid ïa ka ri Galatia bad Phrygia ter ter, u da pynskhem ïa ki synran baroh.

DEUTERONOMI 3:28

Hynrei, to hukum ïa u Joshua, bad to pynshlur ïa u, bad to pynkhlaiñ ruh ïa u: naba ma u, un ïoh leit sha shiliang ha shuwa une u paidbah, bad un pynïabynta ruh ha ki, ïa kata ka ri ïa kaba men ïohi.’

1 PETROS 4:7

Hynrei, kata ka bakut kiei kiei baroh ka la jan keiñ; namar kata, to phin khan adkar, bad to phin sharai shaphang ki jingduwai.

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

JINGPYNPAW 16:15

(“Ha khmih, nga wan kum u nongtuh. Suk uta uba sharai, bad uba ri noh ïa la ki jaiñkup, ïoh ba un ïaid lyngkhuit, bad ba kin ïohi ïa ka jinglehrain jong u.”)

JINGPYNPAW 2:4

Hynrei, nga don kane kaba pyrshah ïa pha, ba pha la iehnoh noh ïa ka jingieit jong pha ka banyngkong.

JINGPYNPAW 3:1

“Bad ha uta u angel jong ka balang kaba ha Sardis to thoh: Ïa kine kiei kiei ruh u ong uta uba don kita ki hynñiew ki Mynsiem U Blei, bad ïa kita ki hynñiew ki khlur: ‘Nga ithuh ïa ki jingleh jong pha, ba pha don ka kyrteng ba pha im, hynrei, pha long ka baïap.

JINGPYNPAW 3:3

To kynmaw, namar kata, kumno pha la pdiang bad pha la ïohsngew, bad to ri skhem ïa ka, bad to kylla-ka-bamut. Namar kata, lada pham sharai, ngan wan kum u nongtuh keiñ, te phan ym ïoh tip ha kano ka por ngan wan ha pha.