JINGPYNPAW 3:12 - KA BAIBL

¹² Uta uba jop, ngan pynlong u rijied ïa u ha ka ïing U Blei jong nga, te un ym mih noh shuh shabar: bad ngan thoh halor jong u ïa ka kyrteng U Blei jong nga, bad ïa ka kyrteng jong kata ka nongbah U Blei jong nga, ka Jerusalem bathymmai, kaba wan hiar na bneng na U Blei jong nga, bad ïa kata ka kyrteng jong nga ka bathymmai.

Khasi CL Bible (BSI)

¹² Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

JINGPYNPAW 3:12 ပူးပေါင်းရင်းမြစ်များ

1 SYIEM 7:21

Bad u la pynïeng ïa kita ki rishot ha ka batsha ka templ: u la pynïeng te ïa u rishot kamon, bad u la kyrteng ïa u, “u Jakhin”: bad u la pynïeng ïa u rishot kadiang, bad u la kyrteng ïa u, “u Boas”.

SALM 46:4

Ka don ka wah, ki umtuid jong ka ki pynkmen ïa ka nongbah U Blei, ka jaka kyntang ki tabernakl U Bahakhlieh Tam.

SALM 48:8

Kumba ngi la ïohsngew, kumta ngi la ïohi ha ka nongbah U Trai ki paid, ha ka nongbah U Blei jong ngi: U Blei un pynskhem ïa ka, junom. Selah.

SALM 87:3

Ïa kiei kiei ba-donburom la kren shaphang jong pha, ko nongbah ka jong U Blei. Selah.

ISAÏAH 62:2

Te ki jaid bynriew kin ïohi ïa ka hok jong pha, bad ki syiem baroh ïa ka burom jong pha: yn khot ruh ïa pha da ka kyrteng thymmai, ïa kaba ka shyntur U Trai kan jer.

ISAÏAH 65:15

Bad phin pynsah ka jingtim ïa la ka kyrteng ha kiba la jied jong nga, bad U Trai U Blei un pynïap ïa phi; bad un khot ïa la ki shakri da kawei pat ka kyrteng:

JEREMAÏAH 1:18

Namar ha khmih, ha kane ka sngi nga la pynlong ïa me ka shnong ba la ker kut, bad u païa nar, bad ki kynroh rnong, pyrshah ïa ka ri baroh, pyrshah ïa ki syiem ka Judah, pyrshah ïa ki rangbah jong ka, pyrshah ïa ki lyngdoh jong ka, bad pyrshah ïa ki briew jong ka ri.

ESEKIEL 40:49

Ka lynter jong ka batsha ka la long arphew pruh, bad ka pyngkiang, khatwei pruh; da ki kyrdon keiñ kiba ki leit kiew sha ka: bad la don ki rishot hajan ki païa, uwei ha kane ka liang, bad uwei pat ha katai ka liang.

ESEKIEL 48:35

Kan long khatphra hajar dieng baroh sawdong: bad ka kyrteng ka nongbah naduh kata ka sngi kan long, “U Trai u don hangta.”

MARKOS 12:16

Ki la wallam te ïa ka. U la ong te ha ki, “Ka jongno kane ka dur bad ka jingthoh shalor?” Ki te ki la ong ha u, “Ki jong u Kaisar.”

GALATIA 2:9

te haba ki la ïohi ïa kata ka jingaiei ba la ai ha nga, u Jakob bad u Kephas bad u Ïoannis, ïa kiba ki ñiew ba ki long ki rijied, ki la ai ha nga bad ha u Barnabas ïa ki kti kamon ka jingïasyllok, ba ngin leit sha ki Jentil, bad ki sha ka jingotsher.

EPHESOS 3:15

na uba la jer kyrteng ïa ki kur baroh ha bneng bad ha ka khyndew,

HEBRU 12:22

hynrei, phi la wan ha u lum Seïon, bad ha ka nongbah U Blei ba-im, ha ka Jerusalem bakynja bneng, bad ha ki bun paidbah ki angel ki bym lah ñiew shuh,

HEBRU 13:14

Namar ngim don hangne ka nongbah kaba ïaineh, hynrei, ngi ïawad ïa kata ka ban sa wan.

1 ÏOANNIS 4:4

Ma phi, phi long na U Blei ko khun hep, te phi la jop thiaw ïa kita, naba u long uba kham khraw uba ha phi ban ïa uba ha ka pyrthei.

JINGPYNPAW 14:1

Te nga la ïohi, bad ha khmih, U Khun langbrot u ïeng halor u lum Seïon, bad lem bad u ruh shispah sawphew saw hajar ngut, kiba don kata ka kyrteng jong u, bad ka kyrteng U Kpa jong u, ïa kaba la thoh halor ki shyllangmat jong ki.

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 2:11

Jar uba don ka shkor, to un sngew ïa kaei ba U Mynsiem u ong ha kita ki balang. Ïa uta uba jop, yn ym pynsniew na kata ka jingïap ka ba-ar.’ ”

JINGPYNPAW 2:17

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na kata ka manna ïa kaba la buhrieh noh, bad ngan ai ha u ïa u maw balieh, bad ha uta u maw ïa ka kyrteng bathymmai ïa kaba la thoh, ïa kaba uno uno ruh um ithuh, hynrei, tang uta uba pdiang ïa ka.’ ”

JINGPYNPAW 2:7

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na u dieng jong ka jingim, uba long ha ka paradais U Blei.’ ”

JINGPYNPAW 21:2

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.

JINGPYNPAW 22:4

bad kin ïohi ïa ka khmat jong u; bad ka kyrteng jong u kan long halor ki shyllangmat jong ki.

JINGPYNPAW 3:5

Uta uba jop, ïa uta, yn pynkup kumta ha ki jaiñkup balieh; bad ngan ym pyndam noh da lei lei ïa ka kyrteng jong u na ka kitab ka jingim, bad ngan phla keiñ ïa ka kyrteng jong u ha khmat U Kpa jong nga, bad ha khmat ki angel jong u.