JINGPYNPAW 3:1 - KA BAIBL

¹ “Bad ha uta u angel jong ka balang kaba ha Sardis to thoh: Ïa kine kiei kiei ruh u ong uta uba don kita ki hynñiew ki Mynsiem U Blei, bad ïa kita ki hynñiew ki khlur: ‘Nga ithuh ïa ki jingleh jong pha, ba pha don ka kyrteng ba pha im, hynrei, pha long ka baïap.

Khasi CL Bible (BSI)

¹ “Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!

JINGPYNPAW 3:1 ပူးပေါင်းရင်းမြစ်များ

LOUKAS 15:24

naba une u khun jong nga u la long uba la ïap, te u la im pat; bad u la long uba la jah noh, te la shem pat ïa u.’ Kumta ki la sdang ban ïalehkmen.

LOUKAS 15:32

Te ka la dei ban ïalehkmen bad ban ïalehsngewbha; naba une u para jong me u la long uba la ïap, te u la im pat, bad u la long uba la jah noh, te la shem pat ïa u.’ ”

ÏOANNIS 1:16

Bad na ka jingdap jong U, ngi baroh ngi la ïoh pdiang, bad ka jingaiei kaba da kat ka jingaiei.

ÏOANNIS 1:33

Nga te, ngam pat shym la ithuh ïa U, hynrei, uta uba la phah ïa nga ban pynbaptis da ka um, uta u la lah ong ha nga, ‘Uta halor uba men ïohi ïa U Mynsiem ba u hiar bad ba u sah halor jong U, dei uta keiñ, uba pynbaptis da U Mynsiem Bakhuid.’

ÏOANNIS 20:22

Te haba u la lah ong ïa kane, u la pyrsad halor jong ki, bad u ong ha ki, “To pdiang ïa U Mynsiem Bakhuid!

ÏOANNIS 3:34

Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

KI KAM 2:33

Namar kata, haba la kyntiew ïa u da ka kti kamon U Blei, bad haba u la ïoh diang na U Kpa ïa ka jingkular ïa U Mynsiem Bakhuid, u la theh noh ïa kane, ïa kaba phi mynta phi ïohi bad phi ïohsngew.

EPHESOS 2:1

Bad ïa phi u la pynim, haba phi la long ki baïap da ki jingryngkang bad ki pop,

EPHESOS 2:5

wat mynba ngi la long ki baïap da ki jingryngkang jong ngi, u la pynim ïa ngi lem bad U Khrist (da ka jingaiei la pynim ïa phi),

KOLOSSAI 2:13

Bad ïa phi keiñ, kiba la ïap noh ha ki jingryngkang bad ha ka jingbym-otsher ka doh jong phi, ïa phi, nga ong, u la pynlong im lem bad u, haba la map noh ïa ngi ïa ki jingryngkang jong ngi baroh;

1 TIMOTHI 5:6

Hynrei, kata kaba im pahuh ka la ïap naduh ba dang im.

JAKOB 2:26

Namar kumba ka met khlem ka mynsiem ka long kaba ïap, kumta ruh, kata ka jingngeit khlem kita ki jingleh ka long kaba ïap keiñ.

1 PETROS 1:11

ki da ïit bha ïa kano lane ïa kaba kumno ka por U Mynsiem U Khrist uba ha ki u la ju pyni, haba u ïathuhlypa ïa kita ki jingshah U Khrist, bad ïa kita ki burom kiba bud ïa ki;

JUDAH 1:12

Kine ki long ki jingthohbria ha kita ki jingïakhawai ïa-ieit jong phi, haba ki ïakhawai lem bad phi, ki nongsharai kiba bsa sngaid ïa lade khlem da sheptieng; ki lyoh ba khlem um, ïa kiba la rong kynting noh da ki lyer; ki dieng Synrai kiba khlem soh, kiba la ïap noh ar sien, ïa kiba la rat noh;

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 1:16

Bad u la don ha ka kti kamon jong u hynñiew ki khlur; bad na ka shyntur jong u, ka da mih noh ka waitlam ba ar liang syrti banep; bad ka khmat jong u, ka la long kum haba ka sngi ka tyngshaiñ ha ka borbah jong ka.

JINGPYNPAW 1:20

ïa ka jingmaïan shaphang kita ki hynñiew ki khlur ïa kiba me la ïohi ha ka kti kamon jong nga, bad ïa kita ki hynñiew ki dieng pynïeng sharak ksiar. Kita ki hynñiew ki khlur ki long ki angel jong kita ki hynñiew balang, bad kita ki hynñiew ki dieng pynïeng sharak ki long ki hynñiew balang.

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 2:19

“ ‘Nga ithuh ïa ki jingleh jong pha, bad ïa ka jingieit bad ïa ka jingngeit bad ïa ka jingshakri bad ïa ka jingïaishah jong pha; bad ba kita ki jingleh ki bakhatduh jong pha ki long kiba kham bun ïa kita ki banyngkong.

JINGPYNPAW 2:2

“ ‘Nga ithuh ïa ki jingleh jong pha, bad ïa ka jingleh minot bad ka jingïaishah jong pha, bad ba pham lah ban shah shuh ïa ki basniew: bad pha la tynjuh ïit ïa kita kiba ong ba ki long ki apostol, bad kim long, te pha la shem ïa ki, kiba lamler;

JINGPYNPAW 2:9

“ ‘Nga ithuh ïa ka jingshahshitom jong pha, bad ïa ka jingduk jong pha (hynrei, pha long ka bariewspah), bad ïa ka jingkrenbeiñ jong kita kiba ong ba ki long ki Jiw, bad kim long, hynrei, ki long ka synagog jong u Soitan.

JINGPYNPAW 3:15

“ ‘Nga ithuh keiñ ïa ki jingleh jong pha, ba pham long kaba khriat lymne kaba shit: A nga da kwah dik dik ba phan da long kaba khriat lane kaba shit!

JINGPYNPAW 3:2

To long pha kaba sharai, bad to pynskhem ïa kita kiei kiei ruh kiba sah, ki ban sa ïap noh: namar ngam shym shem ïa kita ki jingleh jong pha kiba la dap janai ha khmat U Blei jong nga.

JINGPYNPAW 3:8

“ ‘Nga ithuh ïa ki jingleh jong pha; ha khmih, nga la buh ha khmat jong pha ïa ka jingkhang ïa kaba la plie, te uno uno ruh um lah ban khang ïa ka; naba pha don khyndiat khynsoit ka bor, bad pha la ri skhem ïa ka ktien jong nga, bad pham shym la len ïa ka kyrteng jong nga.

JINGPYNPAW 4:5

Bad na kata ka khet ki mih noh ki leilieh bad ki jingsawa bad ki pyrthat. Bad la don hynñiew ki sharak ding bathang ha khmat kata ka khet, kiba long kita ki hynñiew ki mynsiem U Blei.

JINGPYNPAW 5:6

Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh.