JINGPYNPAW 22:9 - KA BAIBL

⁹ Te u ong ha nga, “To sumar me, wat leh ïa kata! namar nga long u para shakri jong me bad jong kita ki parabangeit jong me ki nongïathuhlypa, bad jong kita kiba ïasumar ïa ki ktien jong kane ka kitab: to mane dem ïa U Blei.”

Khasi CL Bible (BSI)

⁹ Bad u la ong ha nga, “Wat leh kumne! Nga long u shakri ryngkat bad me lem bad ki nongïathuhlypa ki para jong me bad jong kito baroh kiba kohnguh ïa ki ktien hapoh jong kane ka kitab. To mane ïa U Blei!”

JINGPYNPAW 22:9 ပူးပေါင်းရင်းမြစ်များ

2 SYIEM 17:36

hynrei, U Trai, uba la wallam ïa phi na ka ri Ijipt da ka bor bah bad da ka ksang'ti ba la kner, ïa uta keiñ, phin sheptieng, bad ha u phin dem ïa lade, bad ha u phin kñia:

SALM 45:11

kumta, u syiem un imon ïa ka jingbhabriew jong pha: namar u long U Trai jong pha; pha ruh to mane dem ïa u.

EKSODOS 34:14

Namar men ym mane ïa uwei pat u blei; naba U Trai, uba ka kyrteng jong u, ‘U Bathut shen’, u long U Blei u bathut shen keiñ:

MATHAÏOS 4:9

bad u la ong ha U, “Kita kiei kiei baroh ngan sa ai ha me, lada men dem ban mane ïa nga.”

LOUKAS 4:7

lada ma me, namar kata, men mane dem ha khmat jong nga, baroh kan long ka jong me.”

DEUTERONOMI 4:19

ba ïoh men khmied ruh ïa la ki khmat sha bneng, bad haba me ïohi ïa ka sngi, bad ïa u bnai, bad ïa ki khlur, ïa u paidbah bneng baroh keiñ, yn pynleh ïa me ban mane ïa ki, bad shakri ïa ki, ïa kiba U Trai uba U Blei jong me u la ïasam ha ki jaid bynriew baroh hapoh ka bneng baroh kawei.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

JINGPYNPAW 1:1

Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u,

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 14:7

bad u ong da ka ktien bajam, “To sheptieng ïa U Blei, bad to ai ka burom ha u; naba la wan ka por ka jingbishar jong u: bad to phin ïamane dem ïa uta uba la thaw ïa ka bneng bad ïa ka khyndew, bad ïa ka duriaw bad ïa ki pukri um.”

JINGPYNPAW 15:4

Uei u ban ym tieng burom ïa me, A Trai, bad pyndonburom ïa ka kyrteng jong me? naba tang ma me hi u bakhuid. Naba ki kynja bynriew baroh kin ïawan bad kin ïamane dem ha khmat jong me, naba la pynpaw shynna ïa ki jingleh bahok jong me.”

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 22:10

Bad u ong ha nga, “To me wat pyndait laha ïa kita ki ktien jong ki jingïathuhlypa kane ka kitab; naba kata ka Ïa ka long hajan.

JINGPYNPAW 22:18

Nga phla ha uwei pa uwei baroh uba ïohsngew ïa ki ktien jong ka jingïathuhlypa kane ka kitab: Lada uei uei ruh un da pynlang ha kine, U Blei un pynlang ha uta ïa kita ki jingïapthem ïa kiba la thoh ha kane ka kitab:

JINGPYNPAW 22:7

“Ha khmih nga wan kloi: suk uta uba ïaisumar ïa ki ktien jong ka jingïathuhlypa kane ka kitab.”

JINGPYNPAW 4:10

kita ki arphew saw ngut ki tymmen basan ki ïahap dem ha khmat uta uba shong halor kata ka khet, bad ki ïamane ïa uta u ba-im sha ki bymjukut ki bymjukut, bad ki ïabred ïa kita ki pansngiat jong ki ha khmat kata ka khet, ki da ong,

JINGPYNPAW 9:20

Te kita kiba sah na ki bynriew, ïa kiba ym shym la pynïap noh da kine ki jingïapthem, kim shym la kylla-ka-bamut na kita ki jingleh ki kti jong ki, ba kin ym mane ïa kita ki ksuid, bad ïa kita ki bleithaw kiba da ka ksiar, bad da ka rupa, bad da ka rnong, bad da u maw, bad da ka dieng, ki bym lah ban ïohi, lymne ïohsngew, lymne ïaid: