JINGPYNPAW 22:3 - KA BAIBL

³ Te ka jingtim baroh kan ym long shuh: bad kata ka khet jong U Blei bad jong uta U Khun langbrot kan long ha ka: bad ki shakri jong u kin ïashakri ïa u;

Khasi CL Bible (BSI)

³ Yn ym don kano kano kaba hapoh ka jingtim U Blei ïa kaba yn shem hapoh ka nongbah. Ka khet ka jong U Blei bad ka jong U Khunlangbrot kan don hapoh ka nongbah, bad ki shakri jong u kin mane ïa u.

JINGPYNPAW 22:3 ပူးပေါင်းရင်းမြစ်များ

SALM 16:11

Men pyni ha nga ïa ka lynti ka jingim: ha khmat jong me ka jingdap ka jingkmen ka don; ha ka kti kamon jong me ki don ki jingsngewbha junom junom.

SALM 17:15

Nga te, ngan ïoh khmih ïa ka khmat jong me ha ka hok: yn pynhun ïa nga, ynda nga la peit, da ka dur jong me.

ISAÏAH 12:6

To risa jam bad to kynhui, pha kaba shong ha Seïon: namar u bakhraw hapdeng jong pha long uta U Bakhuid jong ki Israel.”

ISAÏAH 51:11

Te kiba la siewspah jong U Trai kin phai, bad kin wan da kaba rwai sha Seïon; bad ka jingkmen kaba junom kan long ha ki khlieh jong ki: kin ïoh ka jingsngewbha bad ka jingkmen, te ka jingsngewsih bad ka jingud kin phet noh.

ESEKIEL 37:27

Ka tabernakl jong nga ruh kan long ryngkat bad ki; te ngan long U Blei jong ki, bad kin long ki briew jong nga.

ESEKIEL 48:35

Kan long khatphra hajar dieng baroh sawdong: bad ka kyrteng ka nongbah naduh kata ka sngi kan long, “U Trai u don hangta.”

SEKHARAÏAH 14:11

Bad ki briew kin shong ha ka, bad kan ym don ka jingtim shuh; hynrei, ka Jerusalem kan shongsuk skhem.

MATHAÏOS 25:21

Te u kynrad jong u, u la ong ha u, ‘Bha, me u shakri babha bad bangeit: me la minot ha kiba khyndiat, ngan buh ïa me halor kiba bun: to khie leit shapoh ka jingkmen u kynrad jong me.’

MATHAÏOS 25:41

Ynda kumta, un ong ha kita ruh sha kadiang, ‘To khie leit noh na nga, phi ïa kiba la tim, sha ka ding ka bymjukut, ïa kaba la buh lypa ïa u Soitan bad ïa ki angel jong u!

ÏOANNIS 12:26

Lada uno uno ruh un shakri ïa nga, to ai ba un bud ïa nga; bad sha kaba nga don ma nga, hangta ruh u shakri jong nga un long: lada uno uno ruh u shakri te ïa nga, U Kpa jong nga un pyndonnam ïa u.

ÏOANNIS 13:32

Lada la pyndonburom ïa U Blei ha u, U Blei ruh un pyndonburom ïa u ha lade, bad un pyndonburom ïa u kumne kumne ruh.

ÏOANNIS 14:3

Ynda nga la leit noh, bad ba nga la khreh ïa phi ka jaka, ngan wan pat, bad ngan shimti ïa phi ha lade hi, ba ha kaba nga long ma nga, phi ruh phi lah ban long.

ÏOANNIS 17:24

Ko Kpa, ïa kita kiba me la ai ha nga, nga kwah ba ha kaba nga don ma nga ba kita ruh kin ïadon ryngkat bad nga; ba kin ïoh khmih ïa kata ka burom jong nga kaba me la ai ha nga: naba me la ieit ïa nga mynshuwa kaba pynshong nongrim ïa ka pyrthei.

DEUTERONOMI 27:26

“ ‘Ka jingtim ïa uta u bymïaineh ha ki ktien jong kane ka hukum baroh ban leh ïa ki.’ Bad uta u paidlang baroh kin ïa-ong, ‘Amen.’

JINGPYNPAW 7:10

bad ki da ïapyrta da ka ktien bajam, ki da ïa-ong, “Ka jingpynim ha U Blei jong ngi uba shong halor kata ka khet, bad ha uta U Khun langbrot!”

JINGPYNPAW 7:9

Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki;