JINGPYNPAW 22:2 - KA BAIBL

² Bad ha baroh ar liang jong kata ka wah la don u dieng ka jingim, uba sei noh ïa ki khat-ar ki jingsei soh, ha la u bnai u da sei noh ïa kata ka jingsei soh jong ka: bad ki sla jong uta u dieng ki long ïa ka ban pynkhiah ïa ki kynja bynriew.

Khasi CL Bible (BSI)

² bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.

JINGPYNPAW 22:2 ပူးပေါင်းရင်းမြစ်များ

JENESIS 2:9

Bad U Trai uba U Blei u la pynlong ba kin mih na kata ka khyndew ki dieng baroh kiba itynnad ban khmih, bad kiba bit eh ïa ka ban bam; bad hapdeng kata ka kper ïa u dieng ka jingim, bad ïa u dieng ka jingtip ïa ka babha bad ïa ka basniew.

SALM 147:3

U shna ïa kiba la pait dohnud, bad u spaiñ ïa ki jingmong jong ki.

PROBERB 3:18

Ka long u dieng ka jingim ïa kita kiba shim bat ïa ka: bad suk uwei uwei baroh uba bat ri ïa ka.

ISAÏAH 6:10

Pynkhleiñ ïa ka dohnud une u paidlang, bad to pynkhia ïa ki shkor jong ki, bad to pynkhapbrip ïa ki khmat jong ki; ïoh kin ïohi da la ki khmat, bad ïohsngew da la ki shkor, bad sngewthuh da la ka dohnud, bad kin phai pat, bad yn pynkhiah ïa ki.”

JEREMAÏAH 17:14

To pynkhiah ïa nga, A Trai, te yn pynkhiah ïa nga; to pynim ïa nga, te yn pynim ïa nga: naba me long ka jingïaroh jong nga.

ESEKIEL 47:1

Bad u la lam pat ïa nga sha ka jingkhang jong ka ïing; te ha khmih, ki um ki la mih noh napoh ka phyllaw jong ka ïing sha mihngi, namar ka khmat ka ïing ka la long shaphang mihngi: bad kita ki um ki la tuid na shapoh, na ka liang kaba sha kamon jong ka ïing, ha kaba shathie na ka duwan.

HOSIA 14:4

“Ngan pynkhiah ïa ka jingkylla dien jong ki, ngan ieit ei ïa ki: namar ka jingbitar jong nga ka la phai noh na u.

SEKHARAÏAH 14:8

“Bad ha kata ka sngi, ki um kiba im kin mih noh na Jerusalem; shiteng jong ki shaphang ka duriaw mihngi, bad shiteng shaphang ka duriaw sepngi: mynlyiur bad myntlang ruh kan long.”

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

LOUKAS 4:18

“U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;

1 PETROS 2:24

uba da lade hi u la bah noh ïa ki pop jong ngi ha ka met jong u halor kata ka dieng, ba, haba la ïap noh sha kita ki pop ngin ïoh im sha ka hok; uba da ki jingjngem snam jong u, la pynkhiah ïa phi.

JINGPYNPAW 2:7

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na u dieng jong ka jingim, uba long ha ka paradais U Blei.’ ”

JINGPYNPAW 21:21

Bad kita ki khat-ar ki khyrdop ki la long khat-ar ki paila; kawei kawei keiñ na kita ki khyrdop ka la long na u paila tylli: bad ka lynti bah jong kata ka nongbah ka la long ka ksiar banylla, kum ka ïit bashai lyngba.

JINGPYNPAW 21:24

Bad kita ki kynja bynriew kin ïa-ïaid ha kata ka jingshai jong ka: bad ki syiem ka khyndew ki wallam ïa ka burom jong ki sha ka.

JINGPYNPAW 22:1

Bad u la pyni ha nga ïa ka wah basngur ka um ka jingim, kaba phyrnai kum u mawleiñ, kaba mih noh na ka khet U Blei bad ka jong uta U Khun langbrot, hapdeng kata ka lynti bah jong ka.

JINGPYNPAW 22:14

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.

JINGPYNPAW 22:19

te lada uno uno ruh un shim noh na kita ki ktien ka kitab jong kane ka jingïathuhlypa, U Blei un shim noh ïa ka bynta jong u na u dieng ka jingim, bad na kata ka nongbah ka bakhuid, bad na kita kiei kiei ruh ïa kiba la thoh ha kane ka kitab.