JINGPYNPAW 21:3 - KA BAIBL

³ Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki:

Khasi CL Bible (BSI)

³ Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.

JINGPYNPAW 21:3 ပူးပေါင်းရင်းမြစ်များ

1 SYIEM 8:27

“Hynrei shisha shisha, U Blei un shong sah ma ha ka pyrthei? ha khmih, ka bneng bad ka bneng jong ki bneng kim lah ban ngiam ïa me; ine i ïing lei lei i katno eh iba nga la tei!

2 KHRONIKL 6:18

“Hynrei, shisha shisha U Blei un shong sah ma bad ki briew ha ka khyndew? Ha khmih, ka bneng bad ka bneng jong ki bneng kam lah ban kynthup ïa me; sa ine i ïing lei lei iba nga la tei!

EKSODOS 25:8

Bad to kin thaw ïa ka jaka kyntang ïa nga; khnang ba ngan ïoh shongneh hapdeng jong phi.

EKSODOS 29:45

Ngan shong duh ruh hapdeng ki khun Israel, bad ngan long U Blei jong ki.

ISAÏAH 12:6

To risa jam bad to kynhui, pha kaba shong ha Seïon: namar u bakhraw hapdeng jong pha long uta U Bakhuid jong ki Israel.”

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

JEREMAÏAH 32:38

bad kin long ki briew jong nga, bad ngan long U Blei jong ki:

ESEKIEL 37:27

Ka tabernakl jong nga ruh kan long ryngkat bad ki; te ngan long U Blei jong ki, bad kin long ki briew jong nga.

ESEKIEL 43:7

Bad u la ong ha nga, “Ko khun u briew, kane ka long ka jaka ka khet jong nga, bad ka jaka ki poh'jat ki kjat jong nga, ha kaba ngan shong hapdeng ki khun Israel junom: bad ka ïing Israel kan ym pyntngit shuh ïa ka kyrteng bakhuid jong nga, lymne ma ki, lymne ki syiem jong ki, da ka jingklim jong ki, bad da ki metïap ki syiem jong ki ha ki jaka bajrong jong ki;

ESEKIEL 48:35

Kan long khatphra hajar dieng baroh sawdong: bad ka kyrteng ka nongbah naduh kata ka sngi kan long, “U Trai u don hangta.”

SEKHARAÏAH 13:9

Te ngan ïalam ïa kata ka shi bynta lyngba ïa ka ding, bad ngan pynkhuid ïa ki kumba pynkhuid ïa ka rupa, bad ngan phrang ïa ki kumba phrang ïa ka ksiar: kin khot ïa ka kyrteng jong nga, bad ngan shahshkor ïa ki: nga ngan ong, ‘U long u paidbah jong nga’; ki ruh kin ong, ‘U Trai u long U Blei jong nga.’ ”

SEKHARAÏAH 8:8

bad ngan wallam ïa ki, bad kin ïoh shong hapdeng ka Jerusalem; bad kin long u paidbah jong nga, nga ruh ngan long U Blei jong ki, ha ka jingshisha bad ha ka hok.”

JINGKHEIÑ 9:16

Kumta ka la ju long ha la ka sngi: uta u lyoh u ju tap noh ïa ka, mynsngi, bad kata ka jing-i kum ka ding, mynmiet.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 14:23

U Jisu u la ïathuh bad U la ong ha u, “Lada uno uno ruh u ieit ïa nga, un sumar ïa ka ktien jong nga: te uta U Kpa jong nga un ieit ïa u, bad ngin ïawan ha u, bad ngin ïasah bad u.

2 KORINTH 6:16

Bad ka ïing U Blei ka don ka jingïasoh aïu bad ki bleithaw? namar ngi long ka ïing U Blei u ba-im, kumba U Blei u la ong, “Ngan shong sah hapoh jong ki, bad ngan ïaid sngewbha hapdeng jong ki; ngan long U Blei jong ki ruh, ki ruh kin long u paidlang jong nga.

2 KORINTH 6:18

bad ngan long U Kpa ïa phi, ma phi ruh, phin long ki khun shynrang bad ki khun kynthei ïa nga,” ong U Trai u Badonbor Baroh.

1 THESSALONI 3:11

Te U Blei hi U Kpa jong ngi, bad U Jisu Khrist uba U Trai jong ngi, to un ïalam ïa ka lynti jong ngi sha phi.

HEBRU 11:16

Hynrei, mynta, ki ïakwah ïa ka ri ba kham bha, kata ka long kaba kynja bneng; naba kumta, U Blei um sngewlehrain ïa ki, ba yn khot ïa u, “U Blei jong ki”; namar u la khreh ka nongbah ïa ki.

HEBRU 8:10

“Naba kane ka long kata ka jutang ïa kaba ngan pynlong bad ka ïing Israel hadien kita ki sngi,” ong U Trai: “Ngan buh ïa ki hukum jong nga ha ka jingmut jong ki, bad ha ki dohnud jong ki ngan thoh ïa ki; bad ngan long U Blei jong ki, bad ki, kin long u paidlang jong nga;

HEBRU 8:2

U Shakri ka jaka kyntang, bad kata Ka Tabernakl kaba shisha, ïa kaba U Trai u la pynïeng, ym u briew.

JINGPYNPAW 10:4

Te mynba kita ki hynñiew ki pyrthat ki la ïalap, nga la sa ba ngan sa thoh; hynrei, nga la ïohsngew ïa ka ktien na bneng kaba ong ha nga, “To pyndait laha ïa kita kiei kiei ruh ïa kiba kita ki hynñiew ki pyrthat ki la ïalap, bad to wat thoh ïa kita kiei kiei ruh.”

JINGPYNPAW 10:8

Te kata ka ktien ïa kaba nga la ïohsngew na bneng ka la kren pat bad nga, bad ka la ong, “To khie leit, to shim ïa kata ka kitab rit ba la plie ha ka kti uta u angel uba ïeng halor kata ka duriaw bad halor kata ka khyndew.”

JINGPYNPAW 12:10

Bad nga la ïohsngew ïa ka ktien bajam ha bneng, kaba ong, “Mynta la wan jia kata ka jingpynim bad kata ka bor, bad kata ka hima U Blei jong ngi bad kata ka bor synshar uta U Khrist jong u: naba la shop noh arsut ïa uta u nongmudui ïa ki parabangeit jong ngi, uba shait mudui ïa ki ha khmat U Blei jong ngi mynsngi bad mynmiet.

JINGPYNPAW 21:7

Uta uba jop un ïoh ïa kiei kiei baroh; bad ngan long U Blei jong u, bad ma u de un long u khun jong nga.

JINGPYNPAW 22:3

Te ka jingtim baroh kan ym long shuh: bad kata ka khet jong U Blei bad jong uta U Khun langbrot kan long ha ka: bad ki shakri jong u kin ïashakri ïa u;

JINGPYNPAW 7:15

“Namar kata, ki long ha khmat kata ka khet U Blei, bad ki ïashakri ïa u mynsngi bad mynmiet ha ka jaka kyntang jong u; bad uta uba shong halor kata ka khet un shongkah halor jong ki.