JINGPYNPAW 2:3 - KA BAIBL

³ bad pha don ka jingïaishah bad pha la shah na ka bynta ka kyrteng jong nga, bad pham shym la sngewthait ïan.

Khasi CL Bible (BSI)

³ Pha long kaba ïaishah, pha la shahshitom na ka bynta jong nga, bad pham shym la kynran dien.

JINGPYNPAW 2:3 ပူးပေါင်းရင်းမြစ်များ

SALM 37:7

To shongthait ha U Trai, bad ap shah slem ïa u: wat pynkhuslai ïa lade namar uta uba man bha ha la ka lynti, bad namar uta u briew uba pyndep ïa ki jingpyrkhat bymman.

SALM 69:7

Namar na ka bynta jong me, nga la shah ka jingkrenbeiñ; ka jinglehrain ka la tap ïa ka khmat jong nga.

MIKAH 7:9

Ngan shah ïa ka jingbitar U Trai, namar nga la leh pop ïa u; tad ynda un ïasaid ïa ka kam jong nga, bad un leh ïa ka jingbishar na ka bynta jong nga: un pynmih noh ïa nga sha bashai, te ngan ïohi ïa ka hok jong u.

MARKOS 15:21

Ki la pynbor te ïa uwei u Simon u nong Kyrini, uba ïaid lait, haba u wan na ka ri bri (u kpa u Alexander bad u Ruphos), ban bah ïa ka diengphna jong U.

LOUKAS 14:27

Uno uno ruh de u bym bah ruh ïa la ka jong ka diengphna, bad ba wan bud nadien jong nga, um lah ban long u synran jong nga.

LOUKAS 18:1

Te u la kren ka pharshi ha ki shaphang ba ka dei ïa ki ban ïaiduwai, bad ban ym man thait shuh.

LOUKAS 21:19

Da ka jingïaineh minot jong phi phin ri pynim ïa la ki mynsiem.

LOUKAS 5:5

U Simon u la ïathuh bad u la ong, “Ko Kynrad, ngi la ïaleh shitom baroh shi miet, te ei ei ruh em ngim shym la ngat; hynrei, namar ka ktien jong me, ngan pynhiar ïa ki jar.”

LOUKAS 8:15

Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

ÏOANNIS 15:21

Hynrei, ïa kine kiei kiei baroh kin leh ïa phi na ka bynta ka kyrteng jong nga, naba kim ithuh ïa uta uba la phah ïa nga.

Ka Shithi U Paul Sha Ki Nong Rom 12:12

kiba kmen ha ka jingkyrmen; kiba ïaishah ha ka jingjynjar; kiba ïaineh minot ha ka jingduwai;

Ka Shithi U Paul Sha Ki Nong Rom 16:12

To khublei ïa ka Truphina bad ïa ka Truphosa, kiba trei minot keiñ ha U Trai. To khublei ïa ka Persis ïa kaba la ieit eh, kaba la trei minot shibun eh keiñ ha U Trai.

Ka Shithi U Paul Sha Ki Nong Rom 2:7

ha kita keiñ, kiba da ka jingïaineh minot ha kaba leh babha, ki wad sliang ïa ka jinglong burom bad ïa ka burom bad ïa ka jingbymïap, un ai ka jingim bymjukut:

Ka Shithi U Paul Sha Ki Nong Rom 8:25

Hynrei, lada ngi kyrmen ïa kata kaba ngim ïohi, te da kaba ïaishah ngi khmih lynti ïa kata.

1 KORINTH 13:7

ka ïaishah jem ïa kiei kiei baroh, ka ngeit kloi ïa kiei kiei baroh, ka kyrmen ïa kiei kiei baroh, ka shah ïa kiei kiei baroh.

1 KORINTH 16:16

ba phi ruh phin kohnguh ïa kiba kum kita, bad ïa uwei pa uwei uba ïarap lem bad ba trei minot.

2 KORINTH 10:15

ym ba ngi leh thaw burom shaphang kita kiei kiei ruh kiba sha lyndet ka jingthew jong ngi, kata, ha ki jingtrei minot jong kiwei pat; hynrei, ngi kyrmen, ynda la pynman ïa ka jingngeit jong phi, ba yn pynkhraw ïa ngi da phi, katba kum kata ka pud jong ngi sha ka jingkynrei eh,

2 KORINTH 11:23

Ki long ki shakri U Khrist? (nga kren kum u babieit eh!) nga ruh kham tam; ha ki jingtrei minot kham tam shikatdei, ha ki jingsympat ba kham palat, ha ki ïing byndi kham bunsien, ha ki jingïap bunsien.

2 KORINTH 4:1

Naba kumta, ba ngi don kane ka jingshakri 'tien Blei kat kumba ngi la ïoh isynei, ngim man thait shuh;

2 KORINTH 4:16

Namar kata, ngim man thait shuh; hynrei, la ka long ruh ba u briew uba habar jong ngi u nang jot nang jot, pynban, uta u briew bashapoh u la nang shait ha la ka sngi.

2 KORINTH 5:9

Naba kumta ruh, ngi ïaleh tyngeh noh ban long kiba pynsngewbha eh ïa u, la ngi ïashong sah lane ngi ïaleit noh;

2 KORINTH 6:5

ha ki jingsympat, ha ki jingset byndi, ha ki jingkhihwin, ha ki jingtrei minot, ha ki jingbymïohthiah, ha ki jingshah jingit;

GALATIA 6:2

To ïakit phi ïa ki jingkit paralok hi, te kumta phin ïa-pyndep ïa ka hukum U Khrist.

GALATIA 6:9

Te ha kaba leh babha, wat ai ba ngin man thait shuh, namar ha ka Ïa babiang, ngin ïoh ot lada ngim da duh bor noh.

PHILIPPI 2:16

da kaba bat tyrwa ïa ka ktien ka jingim; ba ngan ïoh lehburom ha ka sngi U Khrist, ba ngam shym la phet lehnohei, lymne trei lehnohei.

PHILIPPI 4:3

Ho-oid, nga kyrpad ïa me ruh, ko para baïakit lyngkor lem basngur, to men ïarap ïa kine ki kynthei, naba ki la ïatrei lem bad nga ha ka gospel, bad u Klemen ruh, bad kita ki para baïatrei lem jong nga, kiba ki kyrteng jong ki, ki don ha ka kitab ka jingim.

KOLOSSAI 1:11

ba la pynkhlaiñ da ka bor baroh, katba kum kata ka bor ka burom jong u, sha ka jingïaishah bad ka jingshahslem baroh lem bad ka jingkmen;

1 THESSALONI 1:3

da kaba kynmaw khlem da pud ïa ka jingleh ka jingngeit jong phi, bad ïa ka jingtrei minot ka jingieit, bad ïa ka jingïaishah ka jingkyrmen ha U Jisu Khrist uba U Trai jong ngi, ha khmat U Blei jong ngi bad U Kpa;

1 THESSALONI 2:9

Namar phi ïakynmaw, ko parabangeit, ïa kata ka jingtrei minot bad ka jingshitom jong ngi: ba da kaba trei jingtrei mynmiet bad mynsngi, khnang ba ngin ym ban khia ïano ïano ruh na phi, ngi la ïalap ha phi ïa ka gospel U Blei.

1 THESSALONI 5:12

Hynrei, ngi kyrpad ïa phi, ko parabangeit, ban ithuh ïa kita kiba trei hapdeng jong phi, bad kiba long halor jong phi ha U Trai, bad kiba sneng ïa phi;

2 THESSALONI 3:13

Hynrei, ma phi, ko parabangeit, wat man thait ha kaba leh babha.

2 THESSALONI 3:5

Te U Trai un ïalam ïa ki dohnud jong phi sha ka jingieit jong U Blei, bad sha ka jingïaishah jong U Khrist.

2 THESSALONI 3:8

lymne ngim shym la bam ei ïa u kpu na uno uno ruh; hynrei, da ka jingtrei minot bad ka jingtrei shitom ngi da trei mynmiet bad mynsngi, khnang ïa ka ban ym ban khia ïano ïano ruh na phi:

1 TIMOTHI 4:10

Namar na ka bynta kane, ngi trei bad ngi ïaleh, naba ngi la buh ïa la ka jingkyrmen ha U Blei u ba-im, uba long U Nongpynim ïa ki briew baroh, kham tam ïa kita kiba ngeit.

1 TIMOTHI 5:17

Kita ki tymmen basan kiba la synshar bha to ai ba yn ñiew ïa ki kiba dei ban ïoh ar shah ka burom, kham tam kita kiba trei minot ha ka ktien bad ha ka jinghikai.

HEBRU 10:36

Namar phi donkam ïa ka jingïaishah, ba haba phi la ïoh leh ïa ka mon U Blei, phin ïoh pdiang ïa kata ka jingkular.

HEBRU 12:1

Naba kumta, ma ngi ruh, haba la ker tawiar ïa ngi da u lyoh ki sakhi katne katne, to ngin bred noh ïa ka jingpynwit baroh, bad ïa kata ka pop kaba shait snoh ha ngi, bad to ngin ïaphet da ka jingïaishah ïa ka jingïaphet thong ïa kaba la buh ha khmat jong ngi;

HEBRU 13:13

Namar kata, to ngin ïaleit mih noh sha u shabar kata ka jaka shong dara, da kaba bah ïa ka jingkrenbeiñ jong u.

HEBRU 6:10

namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh.

HEBRU 6:12

ba phin ym long kiba alhia, hynrei, ki nongpyrthuh ïa kita kiba da ka jingngeit bad ka jingïaishah ki ïaïoh ïa ki jingkular.

HEBRU 6:15

Te kumta, haba u la ïaishah slem, u la ïoh ïa kata ka jingkular.

2 PETROS 1:6

te ha kata ka jingtip, ïa ka bor halor lade; te ha kata ka bor halor lade, ïa ka jingïaishah; te ha kata ka jingïaishah, ïa ka jingriewblei;

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 3:10

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.