JINGPYNPAW 2:18 - KA BAIBL

¹⁸ “Bad ha uta u angel jong ka balang kaba ha Thiateira to thoh: Ïa kine kiei kiei ruh u ong U Khun U Blei, uba don la ki khmat kum ka thylliej ka ding, bad ki kjat jong u kiba kum ka rnong baphyrnai:

Khasi CL Bible (BSI)

¹⁸ “Thoh ha u angel jong ka balang ha Thiatira: “Kane ka long ka khubor na U Khun U Blei, kiba ki khmat jong u ki klang kum ka ding, kiba ki kjat jong u ki phyrnai kum ka rnong ba la shut pynphyrnai.

JINGPYNPAW 2:18 ပူးပေါင်းရင်းမြစ်များ

SALM 2:7

“Ngan pynbna ïa ka hukum:” U Trai u la ong ha nga, “Me, me long u khun jong nga; ha kane ka sngi nga la pynkha ïa me.

DANIEL 10:6

ka met jong u ruh ka la long kum u Beril, bad ka khmat jong u, kum ka leilieh, bad ki khmat jong u, kum ki sharak ba la thang, bad ka rong ki ksang'ti bad ki kjat jong u ka la long kum ka rnong ba la pynphyrnai, bad ka jingsawa ki ktien jong u, kum ka jingsawa u paidbah.

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 27:54

Te haba u rangbah shispah bad kita kiba bad u, kiba ïa-ap ïa U Jisu, ki la ïohi ïa ka jingkhynñiuh ka khyndew, bad ïa kiei kiei ruh kiba la long, ki la ïasheptieng shikatdei eh, ki ïa-ong, “Shisha une u la long U Khun U Blei.”

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

LOUKAS 1:35

Uta u angel te u da ïathuh u la ong ha ka, “U Mynsiem Bakhuid un wan ha pha, bad ka bor U Bahakhlieh Tam Eh kan kah halor jong pha; namar kata ruh, ïa ita i bakhuid ïa iba yn kha, yn khot ‘U Khun U Blei’;

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:49

U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!”

ÏOANNIS 10:36

ïa uta ba U Kpa u la pynkyntang, bad ba u la phah sha ka pyrthei, phi, phi ong, ‘Me krenbeiñ Blei’; namar ba nga la ong, ‘Nga long U Khun U Blei?’

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 3:18

Uta uba ngeit ha u yn ym pynrem; hynrei, uta u bymngeit u la rem lypa, naba um shym la ngeit ha ka kyrteng U Khun U Blei ba la kha marwei.

ÏOANNIS 5:25

“Shisha, shisha nga ong ha phi, ba ka por ka jia, bad ka long mynta keiñ, haba ki baïap kin ïohsngew ïa ka jingpyrta ka jong U Khun U Blei: te kita kiba ïohsngew, kin ïoh im.

KI KAM 16:14

Te kawei ka briew kaba kyrteng “ka Lydia”, ka nongdie jaiñ saw bthuh na ka shnong Thiateira, kaba mane ïa U Blei, ka la sngew ïa ngi; ïa ka dohnud jong ka U Trai u la plie wang, ban shahshkor ïa kita kiei kiei ruh ïa kiba la ïalap da u Paul.

KI KAM 8:36

Te katba ki nang ïaleit ha kata ka lynti, ki la ïapoi ha kawei ka um; te uta u Ïunukh u la ong, “Ha khmih ka um; kaei ba pynpep ban pynbaptis ïa nga?”

Ka Shithi U Paul Sha Ki Nong Rom 1:4

ïa uba la pynithuh shynna ba u long U Khun U Blei da ka bor, katba kum U Mynsiem ka jingkhuid, da ka jingmihpat na ki baïap, U Jisu Khrist keiñ uba U Trai jong ngi,

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 2:1

“Ha uta u angel jong ka balang ha Ephesos to thoh: Ïa kine kiei kiei ruh u ong uta uba bat ïa kita ki hynñiew ki khlur ha ka kti kamon jong u, uta uba ïaid hapdeng kita ki hynñiew ki dieng pynïeng sharak ksiar:

JINGPYNPAW 2:24

Hynrei, ha phi nga ong, kata, ha kita kiwei keiñ kiba ha Thiateira, kat ki bymdon kane ka jinghikai, ki bymtip ïa kita ki jingjylliew jong u Soitan, kumba ki ong: “Ngam buh ha phi ïa kawei pat ka jingkit.”