JINGPYNPAW 2:16 - KA BAIBL

¹⁶ Namar kata, to kylla-ka-bamut; lymda kumta, nga wan kloi ha pha, bad ngan ïaleh thma ïa ki da ka waitlam ka shyntur jong nga.

Khasi CL Bible (BSI)

¹⁶ Mynta, phai noh na ki pop jong pha! Lada pham leh kumta, shen ngan wan sha pha bad ngan ïaleh pyrshah ïa kito ki briew da ka waitlam ka ban mih na ka shyntur jong nga.

JINGPYNPAW 2:16 ပူးပေါင်းရင်းမြစ်များ

ISAÏAH 11:4

hynrei, da ka hok un bishar ïa ki baduk, bad un sneng da ka jingleh beit ïa ki bajemnud jong ka khyndew: te un shoh ïa ka pyrthei da u diengduh ka shyntur jong u, bad da ka jingpyrsad ki rmiang shyntur jong u un pynïap ïa ki bymman.

ISAÏAH 49:2

te u la pynlong ïa ka shyntur jong nga kum ka waitlam banep, ha ka jingkah ka kti jong u, u la buhrieh ïa nga; u la pynlong ruh ïa nga u khnam ba la pynjlih, ha ka ryngkap jong u, u la buhrieh khop ïa nga:

EPHESOS 6:17

To shim ruh ïa ka jingda khlieh ka jingpynim, bad ka waitlam U Mynsiem, kaba long ka ktien U Blei keiñ:

2 THESSALONI 2:8

Ynda kumta, yn pynpaw noh ïa uta u bymñiew hukum, ïa uba U Trai Jisu un pynïap da ka jingpyrsad ka shyntur jong u, bad un pyndam noh thiaw da ka jingpynpaw kata ka jingwan jong u;

JINGPYNPAW 1:16

Bad u la don ha ka kti kamon jong u hynñiew ki khlur; bad na ka shyntur jong u, ka da mih noh ka waitlam ba ar liang syrti banep; bad ka khmat jong u, ka la long kum haba ka sngi ka tyngshaiñ ha ka borbah jong ka.

JINGPYNPAW 16:9

Kumta keiñ, la pynshit tyrha ïa ki briew da ka jingshit ka bakhraw: te ki la ïakrenbeiñ ïa ka kyrteng jong uta U Blei uba don ka bor halor kine ki jingïapthem; te kim shym la kylla-ka-bamut ban ai burom ha u.

JINGPYNPAW 19:15

Bad na ka shyntur jong u ka mih noh ka waitlam banep, bad da kata un da shoh ïa ki kynja bynriew: te un synshar ïa ki da u dieng synshar nar: bad u ïuh roit ïa ka jingtylliat umsoh ka jingshla ka jong ka jingbitar U Blei U Badonbor Baroh.

JINGPYNPAW 19:21

Bad ïa kita kiba sah la pynïap noh da kata ka waitlam jong uta uba shong halor kata ka kulai, kata ka waitlam keiñ kaba mih noh na ka shyntur jong u: te ïa kita ki sim baroh la pynkdang da ka doh jong ki.

JINGPYNPAW 2:12

“Bad ha uta u angel jong ka balang kaba ha Pergamos to thoh: Ïa kine kiei kiei ruh u ong uta uba don kata ka waitlam kaba ar liang syrti banep:

JINGPYNPAW 2:5

To kynmaw, namar kata, nangno pha la hap noh, bad to kylla-ka-bamut, bad to leh ïa kita ki jingleh ki banyngkong; lymda kumta, nga wan kloi ha pha, bad ngan pynkynriah noh ïa ka dieng pynïeng sharak jong pha na ka jaka jong ka, lada pham kylla-ka-bamut.

JINGPYNPAW 22:20

Uta uba phla ïa kine kiei kiei ruh u ong, “Shisha: nga wan kloi.” Amen, to wan, Trai Jisu.

JINGPYNPAW 22:7

“Ha khmih nga wan kloi: suk uta uba ïaisumar ïa ki ktien jong ka jingïathuhlypa kane ka kitab.”

JINGPYNPAW 3:19

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.