JINGPYNPAW 2:10 - KA BAIBL

¹⁰ To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.

Khasi CL Bible (BSI)

¹⁰ Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:10 ပူးပေါင်းရင်းမြစ်များ

SALM 31:23

A to ieit ïa U Trai, phi ki riewkhuid jong u baroh: U Trai u sumar ïa kiba ngeit, bad un ai nong kyrhai ïa ki nongleh sarong.

SNGEWSYNEI 3:57

Me la wan kham hajan ha ka sngi kaba nga la khot kyrpad ïa me: me la ong, ‘Wat sheptieng.’

DANIEL 1:12

“To tynjuh ïa la ki shakri, nga kyrpad ïa me, shiphew sngi: bad to kin ai ri ïa ngi ban bam, bad ka um ban dih.

DANIEL 1:14

Kumta, u la shahshkor ïa ki ha kane, bad u la tynjuh ïa ki, shiphew sngi.

HABAKKUK 2:3

Naba kane ka jingithuhpaw ka long, pynban, ïa ka por ba la buh, bad ka pynkloi sha ka bakut, bad kan ym lamler: la ka pynslem ruh, to ap ïa ka; naba kan poi shisha, kan ym pyntud.

MATHAÏOS 10:22

Te phin long ïa kiba la shun da ki briew baroh na ka bynta ka kyrteng jong nga: hynrei, uta uba da ïaineh ha ban da kut, uta keiñ u ban lait im.

MATHAÏOS 10:28

To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

MATHAÏOS 24:13

Hynrei, jar uba da ïaineh haduh ka bakut, uta keiñ u ban ïohlait im.

MARKOS 13:13

Bad ki briew baroh kin shun ïa phi na ka bynta ka kyrteng jong nga; hynrei, jar u ban da ïaineh ha ban da kut, uta keiñ, u ban lait im.

MARKOS 8:35

naba uno uno ruh u ban mon ban pynim ïa la ka mynsiem, un duh noh ïa ka; uno uno ruh u ban duh noh te ïa la ka mynsiem, na ka bynta jong nga bad ka jong ka gospel ruh, uta keiñ, un shem ïa ka.

LOUKAS 21:12

Hynrei, shuwa ïa kine kiei kiei baroh, kin kem ïa phi bad kin pynshitom ruh ïa phi, ki da ai noh ïa phi ha ki synagog bad ha ki ïing byndi, ki da leit lam ruh ïa phi ha khmat ki syiem bad ki nongsynshar, na ka bynta ka kyrteng jong nga.

ÏOANNIS 12:25

Uta uba ieit ïa la ka jingim, un duh noh ïa ka; uta uba isih te ïa la ka jingim ha kane ka pyrthei, un ri pynim ïa ka sha ka jingim bymjukut.

ÏOANNIS 13:2

Te haba ki dang ïabam jingbam miet, haba u Soitan u la suh buit lypa ha ka dohnud u Judas Iskariot u khun u Simon, ba un die noh ïa U,

ÏOANNIS 13:27

Te hadien kata ka shi dkhot, hangta u Soitan u la bsut ha u. Namar kata, U Jisu u la ong ha u, “Ïa kaba men sa leh, to leh kloi kloi ruh.”

KI KAM 20:24

Hynrei, nga kheiñduh ïa la ka jingim, bad ngam ñiewkor shuh ïa ka, ba kumta ngan ïoh pyndep noh ïa ka jingphet jong nga, bad ïa kata ka kam U Blei kaba nga la ïoh na U Trai Jisu, ïa ka ban phla ïa ka gospel ka jingaiei U Blei.

KI KAM 21:13

Hynrei, u Paul u la ïathuh, “Phin lei da kaba ïam bad da kaba pynpait ïa ka dohnud jong nga? Namar nga, nga la kloi ym tang ban shah khum, hynrei, ban ïap ruh ha Jerusalem na ka bynta ka kyrteng U Trai Jisu.”

1 KORINTH 9:25

Te uwei pa uwei uba pyneh, u shah ïa kiei kiei baroh. Ma ki shisha khnang ba kin ïoh ka pansngiat bapyut, hynrei, ma ngi ïa ka bympyut keiñ.

EPHESOS 2:2

ha kiba phi la ju ïaid mynno mynno katba kum ka rukom jong kane ka pyrthei, katba kum u syiem ka jingsynshar ka suiñ, ka jong kata ka mynsiem keiñ kaba trei mynta ha ki khun ka jingbymkohnguh:

EPHESOS 6:12

Naba ka jingïaleh jong ngi kam long ïa ka snam bad ka doh, hynrei, ïa ki hima, ïa ki bor, ïa ki nongsynshar pyrthei jong kane ka jingdum, ïa ki jingbymman bakynja mynsiem ha ki jaka bneng.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

1 PETROS 5:4

Te ynda la pynpaw ïa U Nongaplangbrot Rangbah, phin ïoh pdiang ïa kata ka pansngiat ka burom ka bymsep noh.

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

JINGPYNPAW 13:14

Te u shukor noh ïa kita kiba shong halor kata ka khyndew, da kita ki dak khyllah ïa kiba la ai bor ha u ban leh ha khmat uta u mrad khlaw; u da ong ha kita kiba shong halor kata ka khyndew ba kin thaw dur ïa uta u mrad khlaw, uba la ïoh ïa kata ka jingmong da ka waitlam, bad ba la ïoh im pynban.

JINGPYNPAW 13:2

Bad uta u mrad khlaw ïa uba nga la ïohi, u la syriem ïa u 'labasa, bad ki kjat jong u kum ki kjat dngiem, bad ka shyntur jong u kum ka shyntur sing: te uta u ïakjakor u la aiti ha u ïa ka bor jong u, bad ïa ka khet jong u, bad ïa ka bor synshar bakhraw.

JINGPYNPAW 13:7

Bad la ai bor ha u ban ïaleh thma bad kita ki riewkhuid, bad ban jop noh ïa ki: bad la ai ha u ïa ka bor synshar halor ka jaid, bad u paidlang, bad ka thylliej, bad ka kynja bynriew baroh.

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 2:9

“ ‘Nga ithuh ïa ka jingshahshitom jong pha, bad ïa ka jingduk jong pha (hynrei, pha long ka bariewspah), bad ïa ka jingkrenbeiñ jong kita kiba ong ba ki long ki Jiw, bad kim long, hynrei, ki long ka synagog jong u Soitan.