JINGPYNPAW 2:1 - KA BAIBL

¹ “Ha uta u angel jong ka balang ha Ephesos to thoh: Ïa kine kiei kiei ruh u ong uta uba bat ïa kita ki hynñiew ki khlur ha ka kti kamon jong u, uta uba ïaid hapdeng kita ki hynñiew ki dieng pynïeng sharak ksiar:

Khasi CL Bible (BSI)

¹ “Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.

JINGPYNPAW 2:1 ပူးပေါင်းရင်းမြစ်များ

ESEKIEL 46:10

Te u nongsynshar, haba ki leit hapoh, un leit hapoh hapdeng jong ki, bad haba ki leit mih noh, kin ïaleit mih noh lang.

MATHAÏOS 18:20

Naba ha kaba don ar ngut ne lai ngut kiba la ïaseng ha ka kyrteng jong nga, hangta nga don hapdeng jong ki.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

ÏOANNIS 5:35

Uta u la long ka sharak ba la thang bad batyngshaiñ; phi te phi la ïasngewbha ban ïashadkmen tang shibit ar bit ha ka jingshai jong u.

KI KAM 18:19

Te ki la wan sha Ephesos, bad u la iehnoh sah ïa ki hangta: hynrei, u hi haba u la leit rung shapoh ka synagog, u la pyni nia ha ki Jiw.

KI KAM 18:21

hynrei, u la bidai ïa ki, u da ong, “Ngan wan phai pat ha phi lada mon U Blei.” Kumta, u la mih noh da ka lieng na Ephesos.

KI KAM 19:1

Ka la jia mynba u Apollos u don ha Korinth, ba u Paul, ynda u la leit lyngba ïa kita ki phang kiba shaneng, u la wan sha Ephesos, bad u la shem ïa kiba long synran:

2 KORINTH 6:16

Bad ka ïing U Blei ka don ka jingïasoh aïu bad ki bleithaw? namar ngi long ka ïing U Blei u ba-im, kumba U Blei u la ong, “Ngan shong sah hapoh jong ki, bad ngan ïaid sngewbha hapdeng jong ki; ngan long U Blei jong ki ruh, ki ruh kin long u paidlang jong nga.

JINGPYNPAW 1:16

Bad u la don ha ka kti kamon jong u hynñiew ki khlur; bad na ka shyntur jong u, ka da mih noh ka waitlam ba ar liang syrti banep; bad ka khmat jong u, ka la long kum haba ka sngi ka tyngshaiñ ha ka borbah jong ka.

JINGPYNPAW 1:20

ïa ka jingmaïan shaphang kita ki hynñiew ki khlur ïa kiba me la ïohi ha ka kti kamon jong nga, bad ïa kita ki hynñiew ki dieng pynïeng sharak ksiar. Kita ki hynñiew ki khlur ki long ki angel jong kita ki hynñiew balang, bad kita ki hynñiew ki dieng pynïeng sharak ki long ki hynñiew balang.

JINGPYNPAW 12:1

Bad la ïohi ïa ka dak khyllah bakhraw ha bneng; ka briew kaba la kup da ka sngi, bad u bnai hapoh ki kjat jong ka, bad halor ka khlieh jong ka, ka pansngiat da ki khat-ar ki khlur;

JINGPYNPAW 2:12

“Bad ha uta u angel jong ka balang kaba ha Pergamos to thoh: Ïa kine kiei kiei ruh u ong uta uba don kata ka waitlam kaba ar liang syrti banep:

JINGPYNPAW 2:18

“Bad ha uta u angel jong ka balang kaba ha Thiateira to thoh: Ïa kine kiei kiei ruh u ong U Khun U Blei, uba don la ki khmat kum ka thylliej ka ding, bad ki kjat jong u kiba kum ka rnong baphyrnai:

JINGPYNPAW 2:8

“Bad ha uta u angel jong ka balang ha Smyrna to thoh: Ïa kine kiei kiei ruh u ong uta u banyngkong bad u bakhatduh, uba la jia long u baïap, bad u la im pat:

JINGPYNPAW 3:1

“Bad ha uta u angel jong ka balang kaba ha Sardis to thoh: Ïa kine kiei kiei ruh u ong uta uba don kita ki hynñiew ki Mynsiem U Blei, bad ïa kita ki hynñiew ki khlur: ‘Nga ithuh ïa ki jingleh jong pha, ba pha don ka kyrteng ba pha im, hynrei, pha long ka baïap.

JINGPYNPAW 3:14

“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei:

JINGPYNPAW 3:7

“Bad ha uta u angel jong ka balang kaba ha Philadelphia to thoh: Ïa kine kiei kiei ruh u ong uta U Bakhuid, uta U Bashisha, uta uba don u shabi jong u Dabid, uta uba plie, te uno uno ruh um khang, bad u khang te uno uno ruh um plie: