JINGPYNPAW 19:3 - KA BAIBL

³ Bad ki la ïa-ong pat, “Halleluïa! Bad ka tdem jong ka te ka kiew noh sha ki bymjukut ki bymjukut.”

Khasi CL Bible (BSI)

³ Sa shisien ki la pyrta, “To ïaroh ïa U Blei! Ka tdem na ki thylliej ding kiba la bam duh ïa ka nongbah bakhraw ka la kiew shajrong junom la junom!”

JINGPYNPAW 19:3 ပူးပေါင်းရင်းမြစ်များ

JENESIS 19:28

bad u la khmih shaphang Sodom bad Gomorra, bad shaphang ka ri baroh jong kata ka pynthor, bad u la ïohi, bad ha khmih, ka tdem jong kata ka khyndew ka la kiew kum ka tdem ka lawar ding.

SALM 104:35

Ai ban pynduh noh ïa ki bapop na ka khyndew, bad wat ai ba kin long shuh ki bymman. Ko mynsiem jong nga, to kyrkhu ïa U Trai. To ïaroh ïa U Trai.

ISAÏAH 34:10

Yn ym pynlip ïa ka mynmiet lane mynsngi: ka tdem jong ka kan kiew junom: kan sah rynem pateng la pateng bynriew; yn ym don ba ïaid lyngba ïa ka junom.

JUDAH 1:7

Kumba ïa ka Sodom bad Gomorra, bad kita ki nongbah kiba sawdong ïa ki, haba ki ïashait ïaleh nuti, bad ki da leit bud ïa ka doh kawei pat, ha ka rukom kaba kum ïa kine, la buh ïa ki ha khmat kum ka rukom maham keiñ, da kaba ki shah ïa ka jingpynshitom hok ka ding bymjukut.

JINGPYNPAW 14:11

te ka tdem kata ka jingpynkordit ïa ki ka kiew noh sha ki bymjukut ki bymjukut; bad kim ïoh ïa kaba shongthait mynsngi bad mynmiet, kiba ïamane dem ïa uta u mrad khlaw bad ïa ka dur jong u, bad jar uba pdiang ïa kata ka dak ka kyrteng jong u.”

JINGPYNPAW 18:18

bad ki la ïalynñiar haba ki la ïakhmih ïa ka tdem ka jingpluh jong ka, ki da ïa-ong, “Kano ka nongbah kaba kum katai ka nongbah kaba khraw?”

JINGPYNPAW 18:9

Te kita ki syiem jong kata ka khyndew, kiba la ïaklim sih bad kiba la ïa-im pahuh hai bad ka, kin ïaïam, bad kin ïalynñiar lympat na ka bynta jong ka, ynda kin ïakhmih ïa ka tdem ka jingpluh jong ka,

JINGPYNPAW 19:1

Te hadien kine kiei kiei ruh, nga la ïohsngew kum ka ktien bajam u paidbah byllien ha bneng, ka da ong, “Halleluïa! Ka Jingpynim, bad ka burom, bad ka bor, ki long ki jong U Blei jong ngi!

JINGPYNPAW 19:4

Bad kita ki arphew saw ngut ki tymmen basan bad kita ki saw ki jingthaw ba-im ki la ïahap dem bad ki la ïamane ïa U Blei u bashong halor kata ka khet, ki da ïa-ong, “Amen; Halleluïa!”