JINGPYNPAW 18:4 - KA BAIBL

⁴ Te nga la ïohsngew ïa kawei pat ka ktien na bneng, ka da ong, “To ïamih noh na ka, u paidlang jong nga, ba phin ym ïashang lem bad kita ki pop jong ka, bad ba phin ym ïa-pdiang na kita ki jingïapthem jong ka.

Khasi CL Bible (BSI)

⁴ Nangta nga la ïohsngew ïa kawei pat ka sur na bneng, ka da ong, “To mihnoh, ko ki briew jong nga! To mihnoh na ka! Phim dei ban ïashim bynta ha ki pop jong ka; phim dei ban ïoh bynta ha ka jingshah pynshitom jong ka!

JINGPYNPAW 18:4 ပူးပေါင်းရင်းမြစ်များ

2 KORINTH 6:17

Naba kumta, to ïamih noh phi napdeng jong ki, bad to pynïakhlad noh ïa lade phi,” ong U Trai, “bad to wat ktah shuh ïa ka bymkhuid; te nga ngan pdiang ïa phi ha lade,

JEREMAÏAH 51:6

“To phet noh napdeng ka Babilon, bad man u briew to un pynim ïa la ka jingim; wat ai ba yn ot noh ïa phi ha ka jingbymhok jong ka: naba ka dei ka por ka jingpynhiar kput U Trai; un siew ha ka, ïa ka kput.

JEREMAÏAH 51:45

“Khie leit mih noh napdeng jong ka, ko phi ki briew jong nga, bad uwei uwei baroh to pynim ïa lade na ka jingbitar lep ka jong U Trai.

ISAÏAH 52:11

To kynriah noh, to kynriah noh, to mih noh nangta, wat ktah ïa kaei kaei ka basang; to mih noh napdeng jong ka; to long khuid, phi kiba bah ïa ki khiew U Trai.

JEREMAÏAH 50:8

“To phet noh napdeng ka Babilon bad to leit mih noh na ka ri ki Khaldi, bad to long kum ki 'lang sohmoh ha shuwa ki kynhun.

1 TIMOTHI 5:22

Me, wat buh kyrkieh ïa la ki kti hano hano ruh em; lymne wat ïakit pop lem bad kiwei ki briew: to ri ïa lade uba sngur.

ISAÏAH 48:20

“To khie leit noh na Babilon, phet ïap noh na ki Khaldi; da ka ktien kaba rwai pynbna phi, to pynsngew ïa kane, to ïathuh ïa ka haduh ka bakut ka pyrthei: ong phi, ‘U Trai u la siewspah ïa u Jakob u shakri jong U.’

SALM 50:18

Haba me la ïohi ïa u nongtuh, me la ïakohnguh lem bad u, bad me la ïabynta lem bad ki baklim.

2 ÏOANNIS 1:11

namar uta uba khublei ïa u, u don bynta lem ha kita ki jingleh ki basniew jong u.

JEREMAÏAH 51:50

Phi kiba la lait na ka waitlam, khie leit phi, wat sangeh; to kynmaw ïa U Trai na sha jngai, bad to kan wan ka Jerusalem ha ka jingkynmaw jong phi.

MATHAÏOS 23:30

bad phi ong, ‘Lada ngi la long ha ki sngi ka rta ki kpa jong ngi, ngin ym da la long kiba ïasylla lem bad ki ha ka jingpynïap ïa kita ki nongïathuhlypa.’

JENESIS 19:14

U Lot, namar kata, u la leit shabar, bad u la kren ha la ki pyrsa kurim, kiba la shongkurim bad ki khun kynthei jong u, bad u la ong, “To phin khie joit, to da wan noh na kane ka jaka; naba U Trai un sa pynduh noh thiaw ïa kane ka nongbah.” Hynrei, ha khmat la ki pyrsa kurim u la imat long kum uba kren biria.

JEREMAÏAH 51:9

‘Ngi la kwah ban pynkoit ïa ka Babilon, hynrei, kam shym koit: to iehnoh noh ïa ka, bad to ngin ïaleit uwei uwei baroh sha la ka ri hi: namar ka jingshitom jong ka, ka kot haduh bneng, bad la pynkyntiew ïa ka haduh ka suiñ.’