JINGPYNPAW 18:2 - KA BAIBL

² Bad u la pyrta da ka ktien bajam, u da ong, “La kyllon, la kyllon ka Babilon kaba khraw, te ka la jia long ka jaka shong ki ksuid bad ka jaka ri ka mynsiem bymkhuid baroh, bad ka jaka ri ka sim bymkhuid bad ba-isaitmet baroh.

Khasi CL Bible (BSI)

² U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.

JINGPYNPAW 18:2 ပူးပေါင်းရင်းမြစ်များ

ISAÏAH 14:23

“Ngan pynlong ruh ïa ka, ka jaka ïa u dingkhied, bad ki pung um: ngan sar ruh ïa ka da u synsar ka jingpynjot,” ong U Trai ki paid.

JEREMAÏAH 25:30

“Namar kata, to ïathuhlypa pyrshah ïa ki, ïa kine ki ktien baroh, bad to ong ha ki, “ ‘U Trai un kyrhuh na jrong, bad un pynmih ïa la ka ktien na la ka jaka shong ka bakhuid; un kyrhuh jam pyrshah ïa la ka jingker; un pyrta, kum kita kiba ïuh ïa ki soh Waiñ, pyrshah ïa kiba shong ha ka khyndew baroh.

JEREMAÏAH 51:37

Bad ka Babilon kan long ki lymbher, ka jaka shong ki myrsiang, ka jinglyngngoh, ka jingkynshi, ka bymshong briew.

JEREMAÏAH 51:8

Ka Babilon ka la kyllon kyndit bad la pynjot ïa ka: to lynñiar namar jong ka; shim ka dawai balm ïa ka jingpang jong ka, ban khmih la kan koit ne em.

JOEL 3:16

Bad U Trai un kyrhuh na Seïon, bad un pynmih ïa la ka ktien na Jerusalem; bad ki bneng bad ka khyndew kin khih: hynrei, U Trai un long jaka rieh ïa la ki briew, bad ka kut baskhem ïa ki khun Israel.

SEPHANAÏAH 2:14

Bad ki kynhun mrad kin thiah hapdeng jong ka, ki kynja mrad baroh ki jong ki jentil: u pelikan ruh bad u 'ñiangkhit kin ïadem ha ki khlieh païa jong ka: ka jingsawa jong ki kan pah ha ki jingkhang ïit; ka jinglong kynjah kan long ha ki jingkhang: naba la pynlyngkhuit ïa ka jingtrei dieng Kedar.

JINGPYNPAW 1:15

bad ki kjat jong u kum ka rnong baphyrnai, kum haba la thang ïa ki ha ka lawar ding; bad ka ktien jong u kum ka jingsawa shibun ki um.

JINGPYNPAW 10:3

bad u la pyrta da ka ktien bajam, kumba kyrhuh u sing; te mynba u la pyrta, ki hynñiew ki pyrthat ki la ïalap ïa ki ktien sawa jong ki.

JINGPYNPAW 11:8

Bad ki metïap jong ki kin shu sah ha ka lynti bah kata ka shnong ka bakhraw, ïa kaba la khot ha ka jingmut bakynja mynsiem, “ka Sodom” bad “ka Ijipt”; hangta ruh, la sahnarphna ïa U Trai jong ki.

JINGPYNPAW 14:15

Bad uwei pat u angel u la wan mih noh na ka ïing Blei, u da pyrta da ka ktien bajam ha uta uba shong halor uta u lyoh, “To phah noh ïa kata ka rashi jong me, bad to ot; naba kata ka aïom ban ot ka la wan, naba kata ka jingot ka khyndew ka la ih rkhiang.”

JINGPYNPAW 14:8

Bad uwei pat u angel, u ba-ar, u la bud, u da ong, “La kyllon, la kyllon ka Babilon, kata ka nongbah ka bakhraw, kaba la pyndih ïa ki kynja bynriew baroh na ka Waiñ ka jingkhih bitar ka jingklim sih jong ka!”

JINGPYNPAW 16:13

Bad nga la ïohi lai tylli ki mynsiem bymkhuid kum ki jakoid kiba mih na ka shyntur uta u ïakjakor, bad na ka shyntur uta u mrad khlaw, bad na ka shyntur uta u nongïathuhlypa balamler;

JINGPYNPAW 16:19

Te la pynbynta lai bynta ïa kata ka nongbah ka bakhraw, bad kita ki nongbah jong ki kynja bynriew ki la kyllon: bad la kynmaw ïa ka Babilon kaba khraw ha khmat U Blei, ban ai dih ha ka ïa kata ka khuri ka Waiñ ka jingshla ka jingbitar jong u.

JINGPYNPAW 17:18

Te kata ka briew ïa kaba me la ïohi, ka long kata ka nongbah kaba khraw kaba synshar halor kita ki syiem kata ka khyndew.”

JINGPYNPAW 17:5

bad halor ka shyllangmat jong ka, la don ka kyrteng ïa kaba la thoh, “Ka Jingmaïan, ka Babilon ka bakhraw, ka kmie kita ki nuti bad kita ki jingijli jong kata ka khyndew.”

JINGPYNPAW 18:10

haba ki ïeng na sha jngai namar kata ka jingsheptieng ïa ka jingkordit jong ka, ki da ïa-ong, “Kordit, kordit, kata ka nongbah ka bakhraw, ka Babilon, kata ka nongbah kaba don bor! naba ha kaba shi por ka la poi kata ka jingshitom jong pha.”

JINGPYNPAW 18:21

Te uwei u angel uba don bor u la rah ïa u maw kum u mawtylliat bakhraw, bad u la pynnoh ïa u sha ka duriaw, u da ong, “Kumne da ka bor kyrthep yn pynnoh ïa ka Babilon, kata ka nongbah kaba khraw, bad da lei lei yn ym shem shuh ïa ka.

JINGPYNPAW 5:2

Bad nga la ïohi ïa u angel u bakhlaiñ, u da pyrta da ka ktien bajam, “Uei uba bit ban plied ïa kata ka kitab, bad ban loit ïa ki jingpyndait jong ka?”