JINGPYNPAW 17:9 - KA BAIBL

⁹ Hangne don ka jingmut kaba don ka jingstad. Kita ki hynñiew ki khlieh ki long hynñiew ki lum, ha kiba kata ka briew ka shong.

Khasi CL Bible (BSI)

⁹ “Kane ka khot ïa ka jingstad bad jingshemphang. Ki hynñiew tylli ki khlieh ki long hynñiew tylli ki lum, ha kiba kata ka briew ka shong. Ki long ruh ki hynñiew ngut ki syiem:

JINGPYNPAW 17:9 ပူးပေါင်းရင်းမြစ်များ

DANIEL 12:4

Hynrei me, ko Daniel, to tap ïa ki ktien, bad to pyndait laha ïa ka kitab, haduh ka por jong ka bakut keiñ: bun kin long ki ban phet shane shatai, bad ka jingtip kan roi.”

HOSIA 14:9

Uei u bastad, te un sngewthuh ïa kine kiei kiei? u basian, bad un tip ïa ki? namar ki lynti U Trai ki long kiba beit, bad u bahok un ïaid ha ki; hynrei, ki nongleh palat kin jynthut ha ki.

MATHAÏOS 13:11

U da ïathuh te u la ong ha ki: “Naba la ai ha phi ban tip ïa ki maïan ka hima ki bneng, hynrei, ym shym la ai ha ki.

MATHAÏOS 24:15

“Namar kata, ynda phin ïohi ïa kata ka jingijli bapynduh, ba la ong shaphang jong ka da u Daniel u nongïathuhlypa, ba ka da ïeng ha ka jaka bakhuid,” (Jar uba pule un da sngap),

JINGPYNPAW 13:1

Bad nga la ïohi ïa u mrad khlaw uba kiew noh na ka duriaw, uba don hynñiew ki khlieh bad shiphew ki reng, bad halor kita ki reng jong u, shiphew ki pansngiat, bad halor kita ki khlieh jong u ki kyrteng ka jingkrenbeiñ Blei.

JINGPYNPAW 13:18

Hangne don ka jingstad. Uta uba don ka jingshemphang, to un kheiñ ïa kata ka jingkheiñ uta u mrad khlaw; namar ka long ka jingkheiñ u briew: bad kata ka jingkheiñ jong u ka long, Hynriewspah hynriewphew hynriew.

JINGPYNPAW 17:18

Te kata ka briew ïa kaba me la ïohi, ka long kata ka nongbah kaba khraw kaba synshar halor kita ki syiem kata ka khyndew.”

JINGPYNPAW 17:3

Te u la rah noh ïa nga ha U Mynsiem sha ka ri khlaw: bad nga la ïohi ïa ka briew kaba shong halor u mrad khlaw basaw hain, ba dap da ki kyrteng ka jingkrenbeiñ Blei, uba don hynñiew ki khlieh bad shiphew ki reng.

JINGPYNPAW 17:7

Te uta u angel u la ong ha nga, “Hato balei me la sngewphylla? ngan ïathuh ha me ïa kata ka jingmaïan jong kata ka briew, bad ka jong uta u mrad khlaw uba kit ïa ka, uba don kita ki hynñiew ki khlieh bad kita ki shiphew ki reng.