JINGPYNPAW 17:4 - KA BAIBL

⁴ Bad ïa kata ka briew la pynkup jaiñ basaw bthuh bad basaw hain, bad la pyndeng ïa ka da ka ksiar, bad da u maw bakordor, bad da ki paila, ka da bat ïa ka khuri ksiar ha ka kti jong ka, kaba dap da ki jingijli bad ka jingbymkhuid kata ka jingklim sih jong ka;

Khasi CL Bible (BSI)

⁴ Kata ka briew ka la riam ha ki jaiñ ba sawbthuh bad basaw hain hain, bad ba la tap da ki jingdeng ksiar, ki mawkordor, bad ki paila. Ha ka kti jong ka, ka la bat ïa ka khuri ksiar kaba dap da kiei kiei kiba isaitmet bad ijakhlia, kiba mih na ka jingawria jong ka.

JINGPYNPAW 17:4 ပူးပေါင်းရင်းမြစ်များ

1 SYIEM 14:24

bad la don ruh ki kynja Sodom ha ka ri: ki la leh katba kum kita ki jingijli baroh jong ki jaid bynriew kiba U Trai u la beh noh ha khmat ki khun Israel.

2 SYIEM 21:2

Bad u la leh ïa kata ka basniew ha khmat U Trai, kat kum ki jingijli kita ki Jentil, kiba U Trai u la beh noh ha khmat ki khun Israel.

ESRA 9:11

ïa kiba me la hukum da ki shakri jong me ki nongïathuhlypa, ki ïa-ong, ‘Kata ka ri, ha kaba phi leit ban ïoh ïa ka, ka long ka ri bymkhuid da ka jingbymkhuid ki briew kita ki ri, da ka jingijli jong ki kiba la pyndap ïa ka na kut sha kut da ka jingtngit jong ki.

ISAÏAH 66:3

“Uba pynïap ïa u masi dab u long kum uba pynïap briew; uta uba kñia ïa u khun langbrot, u long kum uba la pynkheiñ ïa ka ryndang u ksew; uta uba ai ïa ka jingainguh, u long kum uba ainguh da ka snam sniang; uta uba thang jingiwbih, u long kum uba kyrkhu ïa u bleithaw. Shisha keiñ, ki la jied ïa la ki jong ki lynti, bad ka mynsiem jong ki ka sngewbha ha ki jingijli jong ki;

JEREMAÏAH 51:7

Ka Babilon ka la long ka khuri ksiar ha ka kti U Trai, kaba la pynbuaid ïa ka khyndew baroh: ki jaid bynriew ki la dih na ka Waiñ jong ka; namar kata, ki jaid bynriew ki lamwir.

SNGEWSYNEI 1:9

Ka jingjakhlia jong ka, ka la long ha ki rmiang jaiñ jong ka; kam shym kynmaw ïa ka por ka bakut jong ka; namar kata, la pynpoh shikatdei ïa ka; kam don u nongpyntngen: “Ha khmih, A Trai, ïa ka jynjar jong nga; naba u nongshun u la pynkhraw ïa lade.”

ESEKIEL 20:30

Namar kata, to ong ha ka ïing Israel, Kumne u ong U Trai U Blei: “Phi ïa-pyntngit ïa lade ha ka rukom ki kpa jong phi? bad phi ïaleit leh nuti ha kita ki jingijli jong ki?

ESEKIEL 24:11

Ynda kumta, sa buh suda ïa ka halor u rnga jong ka, ba kan shit, bad ba ka rnong jong ka kan ing, bad ba ka jakhlia jong ka kan um ha ka, ba ka sarang jong ka kan ingkhong.

ESEKIEL 24:13

Ha ka jingtngit jong pha ka don ka jingleh awria: namar nga la pynkhuid ïa pha bad pham khuid satia, phan ym khuid shuh na ka jingtngit jong pha, haduh ba ngan da pynhun ïa la ka jingbitar shla halor jong pha.

ESEKIEL 28:13

Me la long ha Eden ha ka kper U Blei; u mawkordor baroh u la long ka jingkup jong me, u Sardios, u Topas, bad u Diamond, u Beril, u Oniks, bad u Jasper, u Sapphir, u Emerald, bad u Karbonkl, bad ka ksiar: ka jingshna ïa ki kanjari jong me bad ïa ki tangmuri jong me ka la don ha me; ha ka sngi ba la pynlong ïa me la taïar ïa ki.

ESEKIEL 36:25

Bad ngan synreit ïa phi da ka um khuid, te phin long khuid: na ka jakhlia jong phi baroh, bad na ki bleithaw jong phi baroh, ngan pynkhuid ïa phi.

DANIEL 11:38

Hynrei, ha ka jaka jong u, un burom ïa u blei thma: bad ïa u blei uba ki kpa jong u kim shym ithuh, un burom da ka ksiar, bad ka rupa, bad da ki mawkordor, bad kiei kiei ruh kiba itynnad.

HOSIA 9:10

“Nga la shem ïa u Israel kum ki soh Waiñ ha ka ri khlaw; nga la ïohi ïa ki kpa jong phi kum u soh ih banyngkong ha u dieng Dumbur ha la ka aïom banyngkong: hynrei, ki la wan sha Baal-peor, bad ki la pynkyntang ïa lade sha kata ka jinglehrain, bad ki la kylla ijli kum kata hi kaba ki la ieit.

DEUTERONOMI 29:17

bad phi la ïohi ïa ki jingijli jong ki, bad ïa ki blei synrum jong ki, da u dieng bad u maw, da ka rupa bad ka ksiar, kiba la don hapdeng jong ki:)

JINGPYNPAW 14:8

Bad uwei pat u angel, u ba-ar, u la bud, u da ong, “La kyllon, la kyllon ka Babilon, kata ka nongbah ka bakhraw, kaba la pyndih ïa ki kynja bynriew baroh na ka Waiñ ka jingkhih bitar ka jingklim sih jong ka!”

JINGPYNPAW 18:12

ïa ka jingkhaïi ka ksiar, bad ka rupa, bad u maw bakordor, bad ki paila, bad ka jaiñ linen bani, bad ka jaiñ basaw bthuh, bad ka jaiñ muka, bad ka jaiñ basaw hain, bad ka dieng baroh baiwbih, bad ka kynja pliang bniat hati baroh, bad ka pliang baroh ba thaw na ka dieng bakordor tam, bad ka rnong, bad u nar, bad u mawleiñ,

JINGPYNPAW 18:16

bad ki da ïa-ong, “Kordit, kordit, kata ka nongbah ka bakhraw, ïa kaba la pynkup ha ka jaiñ linen bani bad jaiñ basaw bthuh bad jaiñ basaw hain, bad ïa kaba la pyndeng da ka ksiar bad da u maw bakordor bad da ki paila! naba ha kaba shi por la pynduh noh khoit ïa kata ka spah kaba khraw eh katta katta.”

JINGPYNPAW 19:2

Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

JINGPYNPAW 21:21

Bad kita ki khat-ar ki khyrdop ki la long khat-ar ki paila; kawei kawei keiñ na kita ki khyrdop ka la long na u paila tylli: bad ka lynti bah jong kata ka nongbah ka la long ka ksiar banylla, kum ka ïit bashai lyngba.

JINGPYNPAW 9:21

bad kim shym la kylla-ka-bamut na kita ki jingpynïap jong ki, lymne na kata kaba ai ksuid jong ki, lymne na kata ka jingïakai kynthei jong ki, lymne na kita ki jingtuh jong ki.