JINGPYNPAW 17:3 - KA BAIBL

³ Te u la rah noh ïa nga ha U Mynsiem sha ka ri khlaw: bad nga la ïohi ïa ka briew kaba shong halor u mrad khlaw basaw hain, ba dap da ki kyrteng ka jingkrenbeiñ Blei, uba don hynñiew ki khlieh bad shiphew ki reng.

Khasi CL Bible (BSI)

³ U Mynsiem u la bat synshar ïa nga, bad u angel u la rah ïa nga sha ka ri shyiap. Hangta nga la ïohi ïa ka briew kaba shong halor u mradkhlaw rong saw uba la don ki kyrteng kiba ñiewbeiñ ïa U Blei ba la thoh baroh shi rynïeng jong u; u mradkhlaw u la don hynñiew tylli ki khlieh bad shiphew tylli ki reng.

JINGPYNPAW 17:3 ပူးပေါင်းရင်းမြစ်များ

1 SYIEM 18:12

Te nga tang shu leit noh na me, U Mynsiem U Trai un rah ïa me sha kaba nga ngam tip; te kumta ynda nga wan ïathuh ha u Ahab, bad um lah ban shem ïa me, un pynïap ïa nga: hynrei ma nga, u shakri jong me, nga sheptieng ïa U Trai la myndang khynnah.

2 SYIEM 2:16

Bad ki la ïa-ong ha u, “Ha khmih, don lem bad ki shakri jong me sanphew ngut ki rangbah ki bakhlaiñ; ngi kyrpad ïa me, to shah ba kin leit wad ïa u kynrad jong me: ïoh ba lehse U Mynsiem U Trai u la rah ïa u, bad u pynhiar ïa u ha uno uno u lum, lane ha kano kano ka them.” Bad u la ong, “Phin ym phah.”

JINGRWAI SOLOMON 8:5

Kaei kane kaba wan kiew na ka ri khlaw, ka da shaniah ha u ba-ieit jong ka? Hapoh u dieng Sohphoh nga la kyrsiew ïa me: hangta ka kmie jong me ka la suhkhun ïa me, hangta ka la suhkhun kata kaba la kha ïa me.

ESEKIEL 11:24

Bad uta U Mynsiem u la rah noh ïa nga, bad u la leit lam ïa nga da ka jingipaw da U Mynsiem U Blei sha ka ri Khaldi, sha kita keiñ kiba ha ka jinglongmraw. Kumta, kata ka jingipaw kaba nga la ïohi ka la leit noh na nga.

ESEKIEL 3:12

Ynda kumta, U Mynsiem u la kyntiew ïa nga, bad nga la ïohsngew na shadien jong nga ïa ka jingsawa ka jingkhynwin bakhraw, ka da ong, “Long ba la kyrkhu ïa ka burom U Trai na ka jaka jong u.”

ESEKIEL 8:3

Bad u la pynmih noh ïa ka dur ka kti, bad u la shim ïa nga na i 'ñiuh trong ka khlieh jong nga; bad uta U Mynsiem u la rah artet ïa nga hapdeng ka khyndew bad ka bneng, bad u la wallam ïa nga ha ki jingithuhpaw U Blei sha Jerusalem, sha ka jingkhang ka khyrdop ka phyllaw kaba hapoh kaba phai shaphang shatei; ha kaba la don ka jingshong ka dur ka jingatnud, kaba pynkynroi ïa ka jingatnud.

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 7:20

bad ïa kita ki shiphew tylli ki reng kiba la don halor ka khlieh jong u, bad kata kawei pat ka reng kaba la mih, kiba ha khmat jong ka, lai tylli ki la hap; kata ka reng hi keiñ kaba la don ki khmat, bad ka shyntur kaba la kren ïa kiei kiei kiba khraw, kaba kham i heh ban ïa ki lok jong ka.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

DANIEL 7:8

Nga la dang pyrkhat shaphang kita ki reng, bad ha khmih, la mih hapdeng jong ki sa kawei pat ka reng kaba rit, ha khmat jong ka, lai tylli na kita ki reng ki banyngkong la phut noh na ki thied: bad ha khmih, ha kane ka reng, la don ki khmat kum ki khmat briew, bad ka shyntur kaba kren ïa kiei kiei kiba khraw.

MATHAÏOS 27:28

Te haba ki la loit noh ïa ki jaiñ jong U, ki la pynkup ki jaiñ saw ha U.

KI KAM 8:39

Te haba ki la ïawan kiew noh na kata ka um, U Mynsiem U Trai u la rah noh ïa u Philip, bad uta u Ïunukh um shym la ïohi shuh ïa u, naba u la nang leit ha ka lynti jong u da kaba kmen.

2 THESSALONI 2:4

uta uba ïaleh pyrshah bad uba pynsarong ïa lade pyrshah ïa baroh ba la khot “Blei” lane ba ju mane; kat haduh ba u shong ha ka templ U Blei, u da leh Blei ïa lade.

JINGPYNPAW 1:10

Nga la long ha U Mynsiem ha ka sngi U Trai, bad nga la ïohsngew na shadien jong nga ïa ka ktien bajam kum ka turoi,

JINGPYNPAW 12:14

Te la ai ha kata ka briew ar tylli ki thapniang jong ka pukni ka bakhraw, ba kan da ïoh her noh sha kata ka ri khlaw sha kata ka jaka jong ka, ha kaba yn bsa ïa ka shi Ïa, bad ki Ïa, bad ka shiteng Ïa, na khmat uta u bseiñ.

JINGPYNPAW 12:3

Bad la ïohi ïa kawei pat ka dak khyllah ha bneng; bad ha khmih, u ïakjakor basaw uba khraw, uba don hynñiew ki khlieh bad shiphew ki reng, bad halor kita ki khlieh jong u, hynñiew ki pansngiat.

JINGPYNPAW 12:6

Bad kata ka briew ka la phet ïap sha ka ri khlaw, ha kaba ka don ka jaka ïa kaba la khreh da U Blei, khnang ba hangta kin ïoh ïabsa ïa ka, shi hajar arspah hynriewphew sngi.

JINGPYNPAW 17:18

Te kata ka briew ïa kaba me la ïohi, ka long kata ka nongbah kaba khraw kaba synshar halor kita ki syiem kata ka khyndew.”

JINGPYNPAW 17:4

Bad ïa kata ka briew la pynkup jaiñ basaw bthuh bad basaw hain, bad la pyndeng ïa ka da ka ksiar, bad da u maw bakordor, bad da ki paila, ka da bat ïa ka khuri ksiar ha ka kti jong ka, kaba dap da ki jingijli bad ka jingbymkhuid kata ka jingklim sih jong ka;

JINGPYNPAW 18:12

ïa ka jingkhaïi ka ksiar, bad ka rupa, bad u maw bakordor, bad ki paila, bad ka jaiñ linen bani, bad ka jaiñ basaw bthuh, bad ka jaiñ muka, bad ka jaiñ basaw hain, bad ka dieng baroh baiwbih, bad ka kynja pliang bniat hati baroh, bad ka pliang baroh ba thaw na ka dieng bakordor tam, bad ka rnong, bad u nar, bad u mawleiñ,

JINGPYNPAW 18:16

bad ki da ïa-ong, “Kordit, kordit, kata ka nongbah ka bakhraw, ïa kaba la pynkup ha ka jaiñ linen bani bad jaiñ basaw bthuh bad jaiñ basaw hain, bad ïa kaba la pyndeng da ka ksiar bad da u maw bakordor bad da ki paila! naba ha kaba shi por la pynduh noh khoit ïa kata ka spah kaba khraw eh katta katta.”

JINGPYNPAW 21:10

Te u la rah noh ïa nga ha U Mynsiem shalor u lum bakhraw bad bajrong, bad u la kdew ha nga ïa kata ka nongbah ka bakhuid, ka Jerusalem keiñ, ba ka wan hiar na bneng na U Blei,

JINGPYNPAW 4:2

Te kumne kumne ruh, nga la long ha U Mynsiem; bad ha khmih, ka khet ba la buh ha bneng, bad halor kata ka khet don uwei uba shong.