JINGPYNPAW 17:2 - KA BAIBL

² bad ka kita ki syiem jong ka khyndew ki la ïaklim sih, bad la pynbuaid ïa kita kiba shong ha ka khyndew da ka Waiñ kata ka jingklim sih jong ka.”

Khasi CL Bible (BSI)

² Ki syiem jong ka pyrthei ki la ïaleh awria bad ka, bad ki briew jong ka pyrthei ki la buaid na kaba dih ïa ka waiñ jong ka jingawria jong ka.”

JINGPYNPAW 17:2 ပူးပေါင်းရင်းမြစ်များ

JEREMAÏAH 51:7

Ka Babilon ka la long ka khuri ksiar ha ka kti U Trai, kaba la pynbuaid ïa ka khyndew baroh: ki jaid bynriew ki la dih na ka Waiñ jong ka; namar kata, ki jaid bynriew ki lamwir.

NAHUM 3:4

namar ki jingklim ba bun jong kata ka nuti ba bhabriew, kaba nang eh ha ki jingaiksuid, kaba die noh ïa ki jaid bynriew da la ki jingklim, bad ïa ki ïing da la ki jingaiksuid.

ÏOANNIS 2:10

“U briew baroh u ju buh ha khmat ïa ka Waiñ ka babha, nyngkong; bad ynda ki la ïadih bha, sa ïa kaba kham sniew; me pat, me la tyngkai ïa ka Waiñ ka babha haduh mynta.”

JINGPYNPAW 14:8

Bad uwei pat u angel, u ba-ar, u la bud, u da ong, “La kyllon, la kyllon ka Babilon, kata ka nongbah ka bakhraw, kaba la pyndih ïa ki kynja bynriew baroh na ka Waiñ ka jingkhih bitar ka jingklim sih jong ka!”

JINGPYNPAW 17:13

Kine ki ïadon kawei ka jingmut, te ki ïa-aiti ïa ka bor bad ïa ka bor synshar jong ki ha uta u mrad khlaw.

JINGPYNPAW 17:17

Namar U Blei u la buh ha ki dohnud jong ki ban leh ïa ka mon jong u, bad ban ïakut da kawei ka jingmut, bad ban ïa-aiti ïa ka hima jong ki ha uta u mrad khlaw, tad ynda yn pyndep noh ïa kita ki ktien U Blei.

JINGPYNPAW 17:5

bad halor ka shyllangmat jong ka, la don ka kyrteng ïa kaba la thoh, “Ka Jingmaïan, ka Babilon ka bakhraw, ka kmie kita ki nuti bad kita ki jingijli jong kata ka khyndew.”

JINGPYNPAW 17:8

Uta u mrad khlaw ïa uba me la ïohi u la long, bad um long shuh; te u ban sa kiew noh na kata ka 'liewlong bakhlem trai, bad u ban leit noh sha ka jingpynjot. Te kita kiba shong halor kata ka khyndew kin ïasngewkyndit (ïa kiba ki kyrteng jong ki ym shym la thoh ha kata ka kitab jong ka jingim na myndanglong ka pyrthei), haba ki ïakhmih ïa uta u mrad khlaw kumno ba u la ju long, bad ba um long shuh, bad ba un sa long.

JINGPYNPAW 18:23

bad ïa ka jingshai ka sharak da lei lei yn ym pynshai shuh ha pha; bad ïa ka jingsawa u nongleit-kurim bad ka nongleit-kurim da lei lei yn ym ïohsngew shuh ha pha; naba kita ki nongkhaïi jong pha ki la ju ïalong ki bakhraw batri jong ka khyndew; naba da kata kaba ai ksuid jong pha la shukor noh ïa ki kynja bynriew baroh.

JINGPYNPAW 18:3

Naba da ka Waiñ ka jingkhih bitar ka jingklim sih jong ka, la pynkyllon ïa ki kynja bynriew baroh; bad kita ki syiem jong kata ka khyndew ki la ïaklim sih bad ka, bad ki nongkhaïi jong kata ka khyndew ki la ïaman riewbha da ka bor ka jingleh pahuh jong ka.”

JINGPYNPAW 18:9

Te kita ki syiem jong kata ka khyndew, kiba la ïaklim sih bad kiba la ïa-im pahuh hai bad ka, kin ïaïam, bad kin ïalynñiar lympat na ka bynta jong ka, ynda kin ïakhmih ïa ka tdem ka jingpluh jong ka,

JINGPYNPAW 2:22

Ha khmih, ngan bred ïa ka ha ka jingthiah, bad ïa kita kiba ïaklim bad ka ha ka jingshitom bakhraw, lada kin ym kylla-ka-bamut na kita ki jingleh jong ki.

JINGPYNPAW 3:10

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.

JINGPYNPAW 9:21

bad kim shym la kylla-ka-bamut na kita ki jingpynïap jong ki, lymne na kata kaba ai ksuid jong ki, lymne na kata ka jingïakai kynthei jong ki, lymne na kita ki jingtuh jong ki.