JINGPYNPAW 17:1 - KA BAIBL

¹ Te la wan uwei na kita ki hynñiew angel kiba la don kita ki hynñiew pliang, bad u la kren bad nga, u da ong, “To ale shane, ngan pyni ha me ïa ka jingpynrem ïa kata ka nuti kaba khraw kaba shong halor shibun ki um;

Khasi CL Bible (BSI)

¹ Nangta uwei na kita ki hynñiew ngut ki angel kiba la don ïa ki hynñiew tylli ki pliang, u la wan sha nga bad u la ong, “Ale, ngan pyn-i ha me ba kumno yn pynshitom ïa ka nuti bapawnam, kata ka nongbah bakhraw ïa kaba la tei hajan ki wah babun.

JINGPYNPAW 17:1 ပူးပေါင်းရင်းမြစ်များ

ISAÏAH 1:21

Kumno ka nongbah ba ju ïaineh ka la kylla long ka nuti! Kata keiñ kaba ju dap da ka jingbishar! Ka hok ka la ju shong basa ha ka, hynrei mynta, ki nongshohnoh.

ISAÏAH 57:3

Hynrei, to wan hajan shane, phi ki khun jong ka nongleh byrtong, u symbai jong u nongklim bad ka nuti.

JEREMAÏAH 2:20

“Naba naduh mynhyndai nga la pynkheiñ ïa ka lyngkor jong me, bad nga la pyndkut ïa ki jingteh jong me; bad me la ong, ‘Ngan ym shakri;’ naba ha u lum bajrong baroh bad hapoh u dieng bajyrngam baroh me la dem ïa lade, da kaba leh nuti.

JEREMAÏAH 51:13

Ko pha kaba shong halor bun ki um, kaba kyrhai ki jingkynshew, ka bakut jong pha ka la wan, ka jingthew ka jingkhwan jong pha keiñ.

ESEKIEL 31:4

Ki um ki la bsa ïa u, ka jingjylliew ka la pynsan ïa u: ki wah jong u ki la tuid baroh sawdong ïa ka kper jong u; bad ka phah noh ïa ki nur jong ka ha ki dieng ka madan baroh.

LOUKAS 24:32

Te ki la ïa-ong paralok hi, “Ka dohnud jong ngi kam shym la pluh ha ngi, katba U la kren ha ngi ha kata ka lynti, bad katba U la plie wang ha ngi ïa Ki Jingthoh?”

LOUKAS 9:30

Ha khmih ruh, ki rangbah ar ngut ki la ïakren bad u kiba la long u Moses bad u Elias,

JINGPYNPAW 1:1

Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u,

JINGPYNPAW 15:1

Bad nga la ïohi ïa kawei pat ka dak khyllah ha bneng, kaba khraw bad ba-iphylla, hynñiew angel kiba don hynñiew ki jingïapthem, kiba long ki bakhatduh; naba ha ki la pyndep noh ïa kata ka jingbitar U Blei.

JINGPYNPAW 16:19

Te la pynbynta lai bynta ïa kata ka nongbah ka bakhraw, bad kita ki nongbah jong ki kynja bynriew ki la kyllon: bad la kynmaw ïa ka Babilon kaba khraw ha khmat U Blei, ban ai dih ha ka ïa kata ka khuri ka Waiñ ka jingshla ka jingbitar jong u.

JINGPYNPAW 18:1

Te hadien kine kiei kiei ruh, nga la ïohi ïa uwei pat u angel uba wan hiar na bneng, uba don ka bor bakhraw; ba la pynshai ïa ka khyndew da ka burom jong u.

JINGPYNPAW 19:2

Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

JINGPYNPAW 19:9

Bad u ong ha nga, “To thoh: Suk kita ïa kiba la khot sha kata ka jingïakhawai miet ka jingshongkurim uta U Khun langbrot.” U ong ruh ha nga, “Kine ki long ki ktien bashisha ki jong U Blei.”

JINGPYNPAW 21:15

Te uta uba kren bad nga u la don u dieng thew da u stew ksiar ba un thew ïa kata ka nongbah, bad ïa kita ki khyrdop jong ka, bad ïa kata ka kynroh jong ka.

JINGPYNPAW 21:9

Te la wan ha nga uwei na kita ki hynñiew angel kiba don kita ki hynñiew pliang, kiba dap da kita ki hynñiew ki jingïapthem ki bakhatduh; bad u la kren bad nga, u da ong, “To ale shane, ngan pyni ha me ïa kata ka nongleit-kurim, kaba ka tnga uta U Khun langbrot.”

JINGPYNPAW 4:1

Hadien kine kiei kiei ruh, nga la khmih, te ha khmih, ka jingkhang ïa kaba la plie ha bneng; bad kata ka ktien sawa ka banyngkong ïa kaba nga la ïohsngew kum ka turoi ka da kren bad nga, ka da ong, “To ale kiew shane, bad ngan pyni ha me ïa kiei kiei ruh kiba dei ban jia long hadien kane.”