JINGPYNPAW 15:4 - KA BAIBL

⁴ Uei u ban ym tieng burom ïa me, A Trai, bad pyndonburom ïa ka kyrteng jong me? naba tang ma me hi u bakhuid. Naba ki kynja bynriew baroh kin ïawan bad kin ïamane dem ha khmat jong me, naba la pynpaw shynna ïa ki jingleh bahok jong me.”

Khasi CL Bible (BSI)

⁴ Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 15:4 ပူးပေါင်းရင်းမြစ်များ

SALM 105:7

U long ma u, U Trai uba U Blei jong ngi: ki jingbishar jong u ki ha ka pyrthei baroh.

SALM 111:9

U la phah ïa ka jingpynim ïa la ki briew; u la hukum ïa la ka jutang junom: ka bakhuid bad kaba itieng long ka kyrteng jong u.

SALM 22:23

Phi kiba sheptieng ïa U Trai, to ïaroh ïa u; phi u symbai u Jakob baroh, to pyndonburom ïa U; bad to sheptieng ïa U, phi u symbai u Israel baroh.

SALM 22:27

Baroh ki bakut ka pyrthei kin kynmaw bad kin phai sha U Trai: bad ki kynja ki jaid bynriew baroh kin mane dem ha khmat jong me.

SALM 22:3

Hynrei, me long u bakhuid, A me uba shong ha ki jingïaroh ki Israel.

SALM 86:9

Ki jaid bynriew baroh kiba me la thaw kin wan mane ha khmat jong me, A Trai; bad kin pyndonburom ïa ka kyrteng jong me.

SALM 89:7

U Blei uba itieng eh ha ka dorbar jong ki bakhuid, bad ïa uba dei ban sheptieng nalor kita baroh kiba baroh sawdong ïa u?

SALM 97:8

Ka Seïon ka la ïohsngew bad ka la kmen, bad ki khun kynthei Judah ki la shadkmen; namar ki jingbishar jong me, A Trai.

SALM 99:5

To pynkhraw ïa U Trai U Blei jong ngi, bad to mane ha ka jingïuh kjat jong u: u long u bakhuid.

SALM 99:9

To pynkhraw ïa U Trai U Blei jong ngi, bad to mane ha u lum bakyntang jong u; naba U Trai U Blei jong ngi u long u bakhuid.

ISAÏAH 24:15

Namar kata, phi to pyndonburom ïa U Trai ha mihngi, ïa ka kyrteng U Trai keiñ, U Blei ki Israel, ha ki 'dewlynnong ka duriaw.

ISAÏAH 25:3

Namar kata, u paidlang bakhlaiñ un pyndonburom ïa me, ka nongbah ki jaid bynriew ba-ishyrkhei kan sheptieng ïa me.

ISAÏAH 26:9

Da la ka mynsiem nga la kwah ïa me mynmiet; shisha keiñ, da la ka mynsiem hapoh jong nga ngan wad ïa me dang step: namar haba ki jingbishar jong me ki ha ka khyndew, kiba shong ha ka pyrthei kin hikai ïa ka hok.

ISAÏAH 45:23

Ha lade nga la smai, ka ktien ka la mih noh na ka shyntur jong nga ha ka hok, te kan ym wan phai shuh, ‘Ba ha nga, ka khohsiew baroh kan dem khrup, u thylliej baroh un smai.’

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 6:3

Te uwei u la pyrta ha uwei pat, bad u la ong, “U Bakhuid, U Bakhuid, U Bakhuid, U Trai ki paid: ka khyndew baroh ka dap da ka burom jong u.”

ISAÏAH 60:5

Ynda kumta, phan ïohi bad yn pyntyngshaiñ ïa pha, bad ka dohnud jong pha kan khynñiuh bad yn sa pynkylluid ïa ka; namar ka jingdap kyrhai ka duriaw yn pynkylla sha pha, ka spah jong ki jaid bynriew kan wan ha pha.

JEREMAÏAH 10:7

Uei u ban ym sheptieng ïa me, ko Syiem ki jaid bynriew? Naba ka ïadei ïa me: namar hapdeng ki riewstad baroh jong ki jaid bynriew bad ha ki jinglong syiem jong ki baroh, kat ma me ym ju don.

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 5:22

Phim sheptieng du ïa nga?’ ” ong U Trai: “phin ym khih khynñiuh ha khmat jong nga, uba la buh ïa u shyiap ban long pud ïa ka duriaw da ka hukum baïaineh, ba kam lah ryngkang shuh ïa u? bad la ki jingat phyllung jong ka ki kynting ïa lade, pynban, kim lah jop; la ki kyrhuh, pynban, kim lah ban palat ïa u.

HOSIA 3:5

hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.

HABAKKUK 1:12

Me mem long na bymjukut, A Trai U Blei jong nga, U Bakhuid jong nga? ngin ym ïap. A Trai, me la thung ïa u khnang ïa ka jingbishar; bad ma me, ko Mawsiang, me la pynskhem ïa u ïa ka jingpynshitom.

SEKHARAÏAH 14:16

Bad uwei uwei baroh ïa uba la pynsah na kita ki jaid bynriew baroh kiba la wan ïaleh ïa ka Jerusalem, un leit kiew na ka snem sha ka snem ban mane ïa U Syiem, U Trai ki paid, bad ban rakhe ïa Ka Jingkhawai Niam Ki Ïingtrep.

SEKHARAÏAH 2:11

Bad bun ki jaid bynriew kin pynïasoh ïa lade ha U Trai ha kata ka sngi, bad kin long ki briew jong nga: bad ngan shong hapdeng jong pha, bad phan ïoh tip ba U Trai ki paid u la phah ïa nga ha pha.

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

Ka Shithi U Paul Sha Ki Nong Rom 15:9

bad ba ki Jentil ruh kin ïoh ïa-pyndonburom ïa U Blei namar ka jingisynei jong u, kumba la thoh: “Namar kane ngan ïaroh ïa me hapdeng ki Jentil, bad ngan rwai ïa ka kyrteng jong me.”

1 PETROS 1:16

naba la thoh: “To long phi ki bakhuid namar ma nga, nga long u bakhuid.”

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 14:7

bad u ong da ka ktien bajam, “To sheptieng ïa U Blei, bad to ai ka burom ha u; naba la wan ka por ka jingbishar jong u: bad to phin ïamane dem ïa uta uba la thaw ïa ka bneng bad ïa ka khyndew, bad ïa ka duriaw bad ïa ki pukri um.”

JINGPYNPAW 16:5

Bad nga la ïohsngew ïa uta u angel kita ki um ba u ong, “Me long u bahok, uba long bad uba la long, me U Bakhuid, naba me la kut bishar kumne:

JINGPYNPAW 16:7

Bad nga la ïohsngew na kata ka duwan kaba ong, “Shisha, ko Trai uba U Blei Badonbor Baroh, kiba shisha bad ki bahok long kita ki jingkut bishar jong me.”

JINGPYNPAW 19:2

Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

JINGPYNPAW 19:8

Te la ai ha ka ba kan da ïoh kup ïa ka jaiñ linen bani, bakhuid bad batyngshain:” Namar kata ka jaiñ linen bani ka long keiñ ki jinglehhok jong ki riewkhuid.

JINGPYNPAW 3:7

“Bad ha uta u angel jong ka balang kaba ha Philadelphia to thoh: Ïa kine kiei kiei ruh u ong uta U Bakhuid, uta U Bashisha, uta uba don u shabi jong u Dabid, uta uba plie, te uno uno ruh um khang, bad u khang te uno uno ruh um plie:

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”

JINGPYNPAW 6:10

Te ki la pyrta da ka ktien bajam, ki da ïa-ong, “Tad lano, ko Trai Kynrad, U Bakhuid bad U Bashisha, mem bishar kut bad pynhiar kput na ka bynta kata ka snam jong ngi halor kita kiba shong ha kata ka khyndew?”

1 SAMUEL 2:2

“Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.