JINGPYNPAW 15:3 - KA BAIBL

³ Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

Khasi CL Bible (BSI)

³ bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!

JINGPYNPAW 15:3 ပူးပေါင်းရင်းမြစ်များ

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

1 KHRONIKL 6:49

Hynrei, u Aaron bad ki khun jong u ki la ainguh halor ka duwan ka jingainguh thang, bad halor ka duwan ka jingainguh baiwbih, ïa ka kam baroh ka jong ka jaka kyntang tam, bad ban pynlong ka jingpynïasuk na ka bynta ki Israel, katba kum ïa baroh ba u Moses u shakri U Blei u la lah hukum.

2 KHRONIKL 24:6

Te u syiem u la khot ïa u Jehoïada u rangbah, bad u la ong ha u, “Balei mem shym la dawa na ki Lebi ba kin wallam na Judah bad na Jerusalem ïa kata ka khrong jong u Moses u shakri jong U Trai, bad na u paidlang Israel, na ka bynta ka ïingjaiñ ka jingphla?”

NEHEMAÏAH 9:14

bad me la pyntip ha ki, ïa ka Sabbaton bakhuid jong me, bad me la hukum ïa ki hukum ïa ki, bad ki aiñ, bad ka rukom, da ka kti u Moses u shakri jong me:

Ka Kitab U Job 36:24

“Kynmaw ïa ka ban pynkhraw ïa ka kam jong u, ïa kaba ki briew ki rwai ïaroh.

Ka Kitab U Job 5:9

uba leh ïa kiei kiei ki bakhraw ki bym lah ïit shuh ïa kiei kiei ki baphylla bym lah ñiew:

SALM 100:5

Naba U Trai u long u babha; ka jingisynei jong u ka neh bymjukut; bad ka jingshisha jong u pateng la pateng bynriew.

SALM 105:5

To kynmaw ïa ki kam kiba phylla kiba u la leh; ïa ki jingphylla jong u, bad ïa ki jingbishar ka shyntur jong u;

SALM 111:2

Kiba khraw ki jingleh ki jong U Trai, ba la wad ïa ki da kita baroh kiba ieit ïa ki.

SALM 111:7

Ki kam ki kti jong u ki long ka jingshisha bad ka jingbishar; ki hukum jong u baroh kiba skhem.

SALM 139:14

Ngan ainguh ïa me; naba la thaw itieng bad phylla ïa nga: kiba phylla ki kam jong me; bad ka mynsiem jong nga ka tip bha ïa kata.

SALM 145:17

U Trai u bahok ha la ki lynti baroh, bad uba aiei ha baroh ki jingleh jong u.

SALM 145:6

Te ki briew kin kren ïa ka bor ki jingleh ba-itieng jong me; nga ruh ngan pynbna ïa ka jingkhraw jong me.

SALM 18:30

Shaphang U Blei, ka lynti jong u ka long kaba janai: ïa ka ktien U Trai la pynphrang; u long ka stieh ïa kita baroh kiba shaniah ha u.

SALM 78:12

U la leh ïa kiei kiei kiba khyllah ha khmat ki kpa jong ki, ha ri Ijipt, ha ka madan Soan.

SALM 92:5

Katno kiba khraw ki kam jong me, A Trai! Ki jingmut jong me kiba jylliew eh.

SALM 99:4

Ka bor jong u syiem ka ieit ruh ïa ka jingbishar; me, me pynskhem ïa ka jingbeit, me leh ïa ka jingbishar bad ka hok ha u Jakob.

ISAÏAH 33:22

Namar U Trai u long u nongbishar jong ngi, U Trai u long u nongthaw aiñ jong ngi, U Trai u long u syiem jong ngi; u un pynim ïa ngi.

ISAÏAH 45:21

To pynbna, bad to sei noh ïa ka; ho-oid, to kin ïasylla lang: uei ba la pyni ïa kane naduh mynhyndai? Uei ba la pynbna ïa ka naduh mynbarim? Ym ma nga U Trai? Te ym don shuh U Blei nalor jong nga; U Blei bahok bad u nongpynim; ym don nalor jong nga.

DANIEL 6:20

Bad haba u la wan hajan kata ka krem sha u Daniel, u la pyrta da ka ktien ïaïam: u syiem u la kren bad u la ong ha u Daniel, “Ko Daniel, u shakri U Blei u ba-im, U Blei ïa uba me shakri khlem da pud, u lah ne em ban pynim ïa me na kita ki sing?”

DANIEL 9:11

Shisha keiñ, ki Israel baroh ki la ryngkang ïa ka hukum jong me, da kaba phai noh, ba kin ym kohnguh ïa ka ktien jong me: namar kata, ïa kata ka jingtim, bad ïa kata ka jingsmai ïa kaba la thoh ha Ka Hukum u Moses u shakri u jong U Blei, la theh noh halor jong ngi; namar ba ngi la leh pop ïa u.

HOSIA 14:9

Uei u bastad, te un sngewthuh ïa kine kiei kiei? u basian, bad un tip ïa ki? namar ki lynti U Trai ki long kiba beit, bad u bahok un ïaid ha ki; hynrei, ki nongleh palat kin jynthut ha ki.

MIKAH 7:20

Men pyndep ïa ka jingshisha ha u Jakob, bad ïa ka jingisynei ha u Abraham, kumba me la smai ha ki kpa jong ngi naduh ki sngi mynbarim.

SEPHANAÏAH 3:5

U Trai hapdeng jong ka u long u bahok; un ym leh ïa ka jingbymhok; man ka step u pynmih sha bashai ïa la ka jingbishar, bad um ju pep; hynrei, u bymhok um tip shuh ïa ka rain.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

ÏOANNIS 1:17

Naba ïa Ka Hukum la ai da u Moses; hynrei, ka jingaiei bad ka jingshisha ki la wan da U Jisu Khrist.

DEUTERONOMI 31:30

Bad u Moses u la kren ha ki shkor u paidlang ki Israel baroh, ïa ki ktien kane ka jingrwai, ha ban da la pyndep ïa ki.

DEUTERONOMI 32:3

Namar ngan pynbna ïa ka kyrteng U Trai: to pynkhraw phi ïa U Blei jong ngi.

DEUTERONOMI 34:5

Kumta, u Moses u shakri U Trai u la ïap hangta ha ka ri Moab, katba kum ka ktien U Trai.

1 TIMOTHI 1:17

Te ha U Syiem Bymjukut, u bym ju ïap, u bym lah ïohi, uba U Blei tang ma u hi, to long ka burom bad ka jingpyndonburom ha la ka rta. Amen.

HEBRU 3:5

Te u Moses shisha u la long uba ïaineh ha ka ïing jong u baroh kum u shakri, ïa ka ban phla ïa kita kiei kiei ruh ïa kiba yn kren hadien;

JOSHUA 22:5

Hynrei, sumar bniah ban leh ïa ka hukum bad ka aiñ, kiba u Moses u shakri U Trai u la hukum ïa phi, ban ieit ïa U Trai U Blei jong phi, bad ban ïaid ha ki lynti jong u baroh, bad ban sumar ïa ki hukum jong u, bad ban snoh ha u, bad ban shakri ïa u da la ka dohnud baroh bad da la ka mynsiem baroh.”

JINGPYNPAW 1:8

“Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.

JINGPYNPAW 11:17

ki da ong, “Ngi ïanguh ïa me, ko Trai uba U Blei Badonbor Baroh, uba long bad uba la ju long; naba me la shimti ïa la ka bor kaba khraw, bad me la synshar.

JINGPYNPAW 14:3

Bad ki ïarwai kum ïa ka jingrwai bathymmai ha khmat kata ka khet, bad ha khmat kita ki saw ki jingthaw ba-im bad kita ki tymmen basan; bad uno uno ruh um lah ban nang keiñ ïa kata ka jingrwai, hynrei, tang kita ki shispah sawphew saw hajar, kita keiñ ïa kiba la siewspah noh na ka khyndew.

JINGPYNPAW 14:8

Bad uwei pat u angel, u ba-ar, u la bud, u da ong, “La kyllon, la kyllon ka Babilon, kata ka nongbah ka bakhraw, kaba la pyndih ïa ki kynja bynriew baroh na ka Waiñ ka jingkhih bitar ka jingklim sih jong ka!”

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 19:16

Bad u don halor ka jaiñkup, bad halor ka lbong jong u, ka kyrteng ba la thoh, “U Syiem Ki Syiem bad U Trai Ki Trai”.

JINGPYNPAW 19:2

Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”