JINGPYNPAW 13:6 - KA BAIBL

⁶ Te u la ang ïa ka shyntur jong u ïa ka ban krenbeiñ ïa U Blei, ban krenbeiñ ïa ka kyrteng jong u, bad ïa ka ïing kyntang jong u, bad ïa kita kiba shong ha bneng.

Khasi CL Bible (BSI)

⁶ U la sdang ban tim ïa U Blei, ïa ka kyrteng jong u, ïa ka jaka shong jong u, bad ïa kito baroh kiba shong ha bneng.

JINGPYNPAW 13:6 ပူးပေါင်းရင်းမြစ်များ

Ka Kitab U Job 3:1

Hadien kane, u Job u la ang ïa la ka shyntur, bad u la tim ïa ka sngi jong u.

SALM 73:9

Ki la buh ïa la ka shyntur ha ki bneng, bad u thylliej jong ki u ïaid lyngba ïa ka khyndew.

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

DANIEL 7:8

Nga la dang pyrkhat shaphang kita ki reng, bad ha khmih, la mih hapdeng jong ki sa kawei pat ka reng kaba rit, ha khmat jong ka, lai tylli na kita ki reng ki banyngkong la phut noh na ki thied: bad ha khmih, ha kane ka reng, la don ki khmat kum ki khmat briew, bad ka shyntur kaba kren ïa kiei kiei kiba khraw.

MATHAÏOS 12:34

A phi ki khun ki ksiew ki bseiñ! Phi ki bymman, kumno phi lah ban kren ka babha? naba na ka jingshlei ka dohnud ba ka kren ka shyntur.

MATHAÏOS 15:19

Naba na ka dohnud ki mih noh ki jingmut bymman, kaba pynïap, kaba klim, kaba ïakai kynthei, kaba tuh, kaba sakhi lamler, kaba krenbeiñ.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

Ka Shithi U Paul Sha Ki Nong Rom 3:13

ka ryndang jong ki ka long ka jingtep ba ang ryngheng; da ki thylliej jong ki, ki ju shukor; ka bih 'seiñïong ka long hapoh ki rmiang shyntur jong ki:

KOLOSSAI 1:19

Naba U Kpa u la sngewbha eh ba ka jingdap baroh kan shong tylli ha u;

KOLOSSAI 2:9

Naba ha u, kata ka jingdap baroh jong ka Jinglong Blei ka shong tylli.

HEBRU 9:2

Namar la pynlong ïa Ka Tabernakl, kata ka banyngkong, ha kaba la don kata ka dieng pynïeng sharak, bad kata ka miej, bad kita ki 'pu pyni; ïa kaba la khot “ka Jaka kyntang.”

HEBRU 9:24

Namar U Khrist u la leit rung ym sha ka Jaka kyntang ba la thaw da ki kti, kaba syriem ïa kata kaba shisha; hynrei, sha kata ka bneng hi, mynta ban paw ha khmat U Blei na ka bynta jong ngi:

JINGPYNPAW 11:12

Bad ki la ïohsngew ïa ka ktien bajam na bneng kaba ong ha ki, “To wan kiew shane.” Te ki la ïaleit kiew noh sha bneng ha u lyoh; bad kita ki nongshun jong ki, ki la ïakhmih ïa ki.

JINGPYNPAW 12:12

Naba kumta to ïakmen, ko ki bneng, bad phi kiba shong ha ki. Kordit ïa kata ka khyndew, bad ïa ka duriaw! naba uta u Ksuid u la leit hiar ha phi, uba don ka jingbitar bakhraw, naba u tip ba u don tang khyndiat por.”

JINGPYNPAW 15:5

Bad hadien kine kiei kiei ruh, nga la ïohi, bad ha khmih, la plie wang ïa ka templ jong Ka Tabernakl jong ka jingphla ha bneng;

JINGPYNPAW 18:20

To phan leh kmen halor jong ka, ko ka bneng, bad phi ki riewkhuid, bad phi ki apostol, bad ki nongïathuhlypa; naba U Blei u la bishar ïa ka jingtian bishar jong phi halor jong ka.”

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki:

JINGPYNPAW 4:1

Hadien kine kiei kiei ruh, nga la khmih, te ha khmih, ka jingkhang ïa kaba la plie ha bneng; bad kata ka ktien sawa ka banyngkong ïa kaba nga la ïohsngew kum ka turoi ka da kren bad nga, ka da ong, “To ale kiew shane, bad ngan pyni ha me ïa kiei kiei ruh kiba dei ban jia long hadien kane.”

JINGPYNPAW 4:4

Bad baroh sawdong kata ka khet ki la don arphew saw tylli ki khet; bad halor ki khet nga la ïohi arphew saw ngut ki tymmen basan kiba shong, kiba la kup ha ki jaiñkup balieh; bad halor ki khlieh jong ki, ki pansngiat ksiar.

JINGPYNPAW 5:13

Bad ïa ka jingthaw baroh kaba don ha bneng, bad halor ka khyndew, bad shapoh ka khyndew, bad ha ka duriaw, bad kiei kiei baroh kiba ha kita, nga la ïohsngew haba ki ong, “Ha uta uba shong halor kata ka khet, bad ha uta U Khun langbrot, to long ka jingkyrkhu, bad ka jingpyndonburom, bad ka burom, bad ka bor, sha ki bymjukut ki bymjukut!”

JINGPYNPAW 7:15

“Namar kata, ki long ha khmat kata ka khet U Blei, bad ki ïashakri ïa u mynsngi bad mynmiet ha ka jaka kyntang jong u; bad uta uba shong halor kata ka khet un shongkah halor jong ki.

JINGPYNPAW 7:9

Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki;