JINGPYNPAW 13:3 - KA BAIBL

³ Bad nga la ïohi ïa kawei na kita ki khlieh jong u kum ïa kaba la pynmong haduh ka ban ïap; hynrei, la pynkhiah ïa kata ka jingmong ïap jong u: te baroh kawei ka pyrthei ka la sngewphylla ïa uta u mrad khlaw.

Khasi CL Bible (BSI)

³ Kawei na ki khlieh jong uta u mradkhlaw ka i kumba ka la shah pynmong jur, hynrei ka jingmong ka la ïohkhiah. Ka pyrthei baroh kawei ka la sngewphylla bad ka la bud ïa uta u mradkhlaw.

JINGPYNPAW 13:3 ပူးပေါင်းရင်းမြစ်များ

ESEKIEL 30:24

Bad ngan pynkhlaiñ ïa ki ksang'ti u syiem ka Babilon, bad ngan buh ïa ka waitlam jong nga ha ka kti jong u: hynrei, ngan kdiah ïa ki ksang'ti u Pharaoh, bad un ud ha khmat jong u, da ki jingud u briew uba la mynsaw ïap.

LOUKAS 2:1

Ka la jia te ha kita ki sngi, ba ka hukum ka la mih noh na u Kaisar Agustos, ban kheiñ ïa kiba shong ha ka pyrthei baroh.

ÏOANNIS 12:19

Namar kata, kita ki Pharisi ki la ïa-ong paralok hi, “Phi ïohi ba phim lah ei ei ruh em: ha khmih, ka pyrthei ka la leit bud ïa U.”

KI KAM 8:13

Te u Simon hi ruh u la ngeit, bad haba la pynbaptis ïa u, u la sah lem bad u Philip, bad u la sngewlyngngoh haba u la khmih ïa ki dak khyllah, bad ki kambah bakhraw ïa kiba la leh.

JINGPYNPAW 13:12

Bad ïa kata ka bor synshar baroh ka jong uta u mrad khlaw banyngkong u leh ha khmat jong u, bad u pynbor ïa kata ka khyndew bad ïa kita kiba shong ha ka ba kin ïamane dem ïa uta u mrad khlaw banyngkong, ïa uba la pynkhiah ïa kata ka jingmong ïap jong u.

JINGPYNPAW 13:14

Te u shukor noh ïa kita kiba shong halor kata ka khyndew, da kita ki dak khyllah ïa kiba la ai bor ha u ban leh ha khmat uta u mrad khlaw; u da ong ha kita kiba shong halor kata ka khyndew ba kin thaw dur ïa uta u mrad khlaw, uba la ïoh ïa kata ka jingmong da ka waitlam, bad ba la ïoh im pynban.

JINGPYNPAW 17:10

Bad ki long hynñiew ki syiem; ki san ngut ki la hap, bad uta uwei u long, te uta uwei pat um pat la wan; bad ynda u wan, ka dei ïa u ban sah katto katne.

JINGPYNPAW 17:11

Te uta u mrad khlaw uba la ju long, bad um long shuh, uta hi u long u baphra ruh, bad u long na kita ki hynñiew; bad u leit noh sha ka jingpynjot.

JINGPYNPAW 17:13

Kine ki ïadon kawei ka jingmut, te ki ïa-aiti ïa ka bor bad ïa ka bor synshar jong ki ha uta u mrad khlaw.

JINGPYNPAW 17:17

Namar U Blei u la buh ha ki dohnud jong ki ban leh ïa ka mon jong u, bad ban ïakut da kawei ka jingmut, bad ban ïa-aiti ïa ka hima jong ki ha uta u mrad khlaw, tad ynda yn pyndep noh ïa kita ki ktien U Blei.

JINGPYNPAW 17:6

Bad nga la ïohi ïa kata ka briew ba ka buaid da ka snam jong kita ki riewkhuid, bad da ka snam kita ki nongphla ba shahïap jong U Jisu: Te haba nga la ïohi ïa ka, nga la sngewphylla da ka jingsngewphylla bakhraw.

JINGPYNPAW 17:8

Uta u mrad khlaw ïa uba me la ïohi u la long, bad um long shuh; te u ban sa kiew noh na kata ka 'liewlong bakhlem trai, bad u ban leit noh sha ka jingpynjot. Te kita kiba shong halor kata ka khyndew kin ïasngewkyndit (ïa kiba ki kyrteng jong ki ym shym la thoh ha kata ka kitab jong ka jingim na myndanglong ka pyrthei), haba ki ïakhmih ïa uta u mrad khlaw kumno ba u la ju long, bad ba um long shuh, bad ba un sa long.