JINGPYNPAW 13:2 - KA BAIBL

² Bad uta u mrad khlaw ïa uba nga la ïohi, u la syriem ïa u 'labasa, bad ki kjat jong u kum ki kjat dngiem, bad ka shyntur jong u kum ka shyntur sing: te uta u ïakjakor u la aiti ha u ïa ka bor jong u, bad ïa ka khet jong u, bad ïa ka bor synshar bakhraw.

Khasi CL Bible (BSI)

² Uta u mradkhlaw u ïasyriem ïa u 'labasa, bad ki kjat kum ki kjat dngiem bad ka shyntur u kum ka shyntur sing. U Ïakjakor u la ai ha u mradkhlaw ïa ka bor jong u hi, ïa ka khet jong u, bad ïa ka bor synshar baïar jong u.

JINGPYNPAW 13:2 ပူးပေါင်းရင်းမြစ်များ

2 SYIEM 2:24

Te haba u la kyrtiang u la ïohi ïa ki, bad u la tim ïa ki ha ka kyrteng U Trai. Bad la mih ruh ar tylli ki dngiem kynthei na khlaw, bad la tar na ki, sawphew ar ngut ki khynnah.

SALM 22:21

To pynim ïa nga na ka shyntur u sing; shisha, na ki reng ki shynreh me la sngew ïa nga.

PROBERB 17:12

Lah ba ka dngiem kaba la duh la ki khun kan ïashem bad u briew, ban ïa u babieit ha la ka jingbieit.

PROBERB 28:15

Kum u sing u bakyrhuh, bad ka dngiem ba ïaidwir; kumta long u nongsynshar bymman halor ki briew ki baduk.

ISAÏAH 5:29

ka jingkyrhuh jong ki kan long kum u sing, bad kin kyrhuh kum ki sing samla; shisha keiñ, kin byrngem, bad kin kynrup ïa ka jinglute, kin rong noh shlur, bad yn ym don u ban pyllait noh.

JEREMAÏAH 13:23

U nong Ethiopia u lah ban pynkylla ïa la ka snep, lane u 'labasa ïa la ka bathoh dak? lada kumta phi ruh phi lah ban leh bha, haba phi la mlien ha kaba leh sniew.

JEREMAÏAH 5:6

Namar kata, u sing na khlaw un pynïap ïa ki, u suri ki por miet un lute ïa ki, u 'labasa un ap ïa ki shnong jong ki, ïa uwei uwei baroh uba leit mih noh nangta yn patar lyngkhot lyngkhai; namar ki ryngkang jong ki, ki la bun, bad ki jingphaidien jong ki, ki la nang roi.

HOSIA 11:10

“Kin bud ïa U Trai, u ban kyrhuh kum u sing: namar u hi un kyrhuh, te ki khun kin wan da kaba khynñiuh na sepngi.

AMOS 3:12

Kumne u ong U Trai: “Kumba u nongaplangbrot u knieh ar tylli ki kjat, lane shi lyngkot ka shkor na ka shyntur u sing; kumta, yn knieh noh ïa ki khun Israel kiba shong ha Samaria ha ka dong i jingthiah, bad halor ki syngkhlieh muka jong ka jingthiah.

AMOS 5:19

Kumjuh kumba u briew u la phet ïap na u sing, te u la ïakynduh bad ka dngiem; lane u la rung shapoh ïing bad u la shan da la ka kti ha ka kynroh, bad la puh u bseiñ ïa u.

HABAKKUK 1:8

Ki kulai jong ki ruh ki kham stet ban ïa ki 'labasa, bad ki kham runar ban ïa ki suri la janmiet; bad ki nongshong kulai jong ki, ki pynpyiar ïa lade: shisha, ki nongshong kulai jong ki, ki wan na jngai; ki ïaher kumba ka pukni ka pynkloi ïa ka ban bam duh.

2 TIMOTHI 4:17

Hynrei, U Trai u la ïeng hajan jong nga, bad u la ai bor ha nga; khang ba da nga yn ïoh pyndep biang ïa kata ka jingïalap, bad ba ki Jentil baroh kin ïohsngew: te la pyllait ïa nga na ka shyntur u sing.

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

JINGPYNPAW 12:13

Te mynba uta u ïakjakor u la ïohi ba la shop noh arsut ïa u sha ka khyndew, u la behbeiñ ïa kata ka briew kaba la kha khun shynrang.

JINGPYNPAW 12:15

Bad uta u bseiñ u la theh buk buk na ka shyntur jong u ïa ka um kum ka wah na shadien kata ka briew, khnang ba un ïoh pynrong noh ïa ka da kata ka wah.

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

JINGPYNPAW 13:12

Bad ïa kata ka bor synshar baroh ka jong uta u mrad khlaw banyngkong u leh ha khmat jong u, bad u pynbor ïa kata ka khyndew bad ïa kita kiba shong ha ka ba kin ïamane dem ïa uta u mrad khlaw banyngkong, ïa uba la pynkhiah ïa kata ka jingmong ïap jong u.

JINGPYNPAW 13:4

Bad ki la ïamane dem ïa uta u ïakjakor naba u la aiti ïa ka bor synshar jong u ha uta u mrad khlaw; te ki la ïamane dem ïa uta u mrad khlaw, ki da ong, “Uei, uba long kum uta u mrad khlaw? uei uba lah ban ïaleh thma bad u?”

JINGPYNPAW 16:10

Bad uta u basan u la theh noh ïa ka pliang jong u halor ka khet jong uta u mrad khlaw; te la pyndum noh ïa ka hima jong u; te ki la dait ïa la ki thylliej namar kata ka jingkordit,

JINGPYNPAW 17:12

Bad kita ki shiphew reng ïa kiba me la ïohi, ki long shiphew ki syiem ki bym pat shym la pdiang ïa ka hima; hynrei, ki ïa-pdiang ïa ka bor kum ki syiem, ïa tang shi por, lem bad uta u mrad khlaw.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 20:2

Bad u la kem ïa uta u ïakjakor, ïa uta u bseiñ batymmen, uba long u Ksuid bad u Soitan, bad u la khum ïa u, shi hajar snem;