JINGPYNPAW 13:1 - KA BAIBL

¹ Bad nga la ïohi ïa u mrad khlaw uba kiew noh na ka duriaw, uba don hynñiew ki khlieh bad shiphew ki reng, bad halor kita ki reng jong u, shiphew ki pansngiat, bad halor kita ki khlieh jong u ki kyrteng ka jingkrenbeiñ Blei.

Khasi CL Bible (BSI)

¹ Nangta nga la ïohi ïa uwei u mradkhlaw uba wan mih na duriaw. U la don shiphew tylli ki reng bad hynñiew tylli ki khlieh; halor kawei pa kawei jong ki reng jong ka, la don ka pansngiat, bad halor kawei pa kawei jong ki khlieh jong ka la don ka kyrteng kaba krenbeiñ Blei.

JINGPYNPAW 13:1 ပူးပေါင်းရင်းမြစ်များ

JEREMAÏAH 5:22

Phim sheptieng du ïa nga?’ ” ong U Trai: “phin ym khih khynñiuh ha khmat jong nga, uba la buh ïa u shyiap ban long pud ïa ka duriaw da ka hukum baïaineh, ba kam lah ryngkang shuh ïa u? bad la ki jingat phyllung jong ka ki kynting ïa lade, pynban, kim lah jop; la ki kyrhuh, pynban, kim lah ban palat ïa u.

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 2:41

Bad kumba me la ïohi ïa ki sla'jat bad ki shynriah'jat, shi bynta da ka 'dewbyrtha u nongthaw khiew bad shi bynta da ka nar, ka ruh kan long ka hima kaba la pait; hynrei, kan don ha ka, ka bor nar, kumba me la ïohi ïa kata ka nar ba la ïakhleh bad ka 'dewbyrtha baktieh.

JINGPYNPAW 11:7

Te ynda ki la ïoh pyndep noh ïa kata ka jingphla jong ki, uta u mrad uba kiew noh na kata ka 'liewlong bakhlem trai, un pynlong ïa ka jingïaleh thma bad ki, bad un jop thiaw ïa ki, bad un pynïap noh ïa ki.

JINGPYNPAW 12:3

Bad la ïohi ïa kawei pat ka dak khyllah ha bneng; bad ha khmih, u ïakjakor basaw uba khraw, uba don hynñiew ki khlieh bad shiphew ki reng, bad halor kita ki khlieh jong u, hynñiew ki pansngiat.

JINGPYNPAW 13:11

Bad nga la ïohi ïa uwei pat u mrad khlaw uba kiew noh na kata ka khyndew; bad u la don ar tylli ki reng ba syriem kum i khun langbrot, bad u la kren kum u ïakjakor.

JINGPYNPAW 13:14

Te u shukor noh ïa kita kiba shong halor kata ka khyndew, da kita ki dak khyllah ïa kiba la ai bor ha u ban leh ha khmat uta u mrad khlaw; u da ong ha kita kiba shong halor kata ka khyndew ba kin thaw dur ïa uta u mrad khlaw, uba la ïoh ïa kata ka jingmong da ka waitlam, bad ba la ïoh im pynban.

JINGPYNPAW 13:15

Bad la ai bor ha u ban ai ka mynsiem ha kata ka dur uta u mrad khlaw, ba kata ka dur uta u mrad khlaw kan da ïoh kren ruh, bad ba kan ïoh pynlong ba kat ki ban ym mane dem ïa kata ka dur uta u mrad khlaw, yn pynïap noh ïa ki.

JINGPYNPAW 15:2

Bad nga la ïohi kum ïa ka duriaw ïit ïa kaba la khleh da ka ding; bad ïa kita kiba la ïoh ïa ka jingjopthiaw halor uta u mrad khlaw, bad halor kata ka dur jong u, bad halor kata ka dak jong u, bad halor kata ka jingkheiñ ka kyrteng jong u, ba ki da ïeng keiñ halor kata ka duriaw ïit, ki da don ruh ki duitara jong U Blei.

JINGPYNPAW 16:13

Bad nga la ïohi lai tylli ki mynsiem bymkhuid kum ki jakoid kiba mih na ka shyntur uta u ïakjakor, bad na ka shyntur uta u mrad khlaw, bad na ka shyntur uta u nongïathuhlypa balamler;

JINGPYNPAW 17:16

Bad kita ki shiphew ki reng ïa kiba me la ïohi, bad uta u mrad khlaw, kine kin ïashun ïa kata ka nuti, bad kin ïa-pynlong kaba marwei bad ka balyngkhuit ïa ka, bad kin ïabam duh ïa ka doh jong ka, bad kin ïathang duh ïa ka da ka ding.

JINGPYNPAW 17:3

Te u la rah noh ïa nga ha U Mynsiem sha ka ri khlaw: bad nga la ïohi ïa ka briew kaba shong halor u mrad khlaw basaw hain, ba dap da ki kyrteng ka jingkrenbeiñ Blei, uba don hynñiew ki khlieh bad shiphew ki reng.

JINGPYNPAW 17:5

bad halor ka shyllangmat jong ka, la don ka kyrteng ïa kaba la thoh, “Ka Jingmaïan, ka Babilon ka bakhraw, ka kmie kita ki nuti bad kita ki jingijli jong kata ka khyndew.”

JINGPYNPAW 19:19

Bad nga la ïohi ïa uta u mrad khlaw, bad ïa kita ki syiem jong ka khyndew, bad ïa kita ki paidïapom jong ki, kiba la ïaseng lang ban ïaleh thma ïa uta uba shong halor kata ka kulai, bad ïa uta u paidïapom jong u.