JINGPYNPAW 12:9 - KA BAIBL

⁹ Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

Khasi CL Bible (BSI)

⁹ Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 12:9 ပူးပေါင်းရင်းမြစ်များ

JENESIS 3:1

Te uta u bseiñ u la long uba kham sian ïa ki mrad baroh ka ryngkew ïa kiba U Trai uba U Blei u la lah thaw. Bad u la ong ha kata ka briew, “Shisha ka long kumta, ba U Blei u la ong, ‘Phin ym ïoh bam na u dieng baroh ha ka kper?’ ”

JENESIS 3:13

Te U Trai uba U Blei u la ong ha kata ka briew, “Kaei kane ïa kaba pha la leh?” Te kata ka briew ka la ïathuh, “Uta u bseiñ u la shukor ïa nga; nga ruh nga la kum bam.”

1 KHRONIKL 21:1

Te u Soitan u la ïeng ïaleh ïa ki Israel, bad u la pynkhih ïa u Dabid ban kheiñ ïa ki Israel.

2 KHRONIKL 18:21

Bad u la ong, ‘Ngan leit mih, bad ngan long u mynsiem lamler ha ka shyntur ki nongïathuhlypa jong u baroh.’ Bad u la ong, ‘To men riam ma me ïa u, bad men lah ruh: khie leit, bad leh kumta.’

SALM 109:6

To buh ma me da u riewbymman halor jong u: bad ai un ïeng ha ka kti kamon jong u da u nongïaleh pyrshah.

ISAÏAH 14:12

“Kumno me la hap na bneng, ko 'lurshai, u khun jong ka step! Kumno la ot noh ïa me sha ka khyndew, uba la ju pyndem lin ïa ki jaid bynriew!

ISAÏAH 27:1

Ha kata ka sngi, U Trai un pynshitom ïa u Lebiathan u 'seiñher wat ïa u Lebiathan u 'seiñ bakdor da la ka waitlam ba-eh bakhraw bad badonbor; un pynïap ruh ïa u ïakjakor uba ha ka duriaw.

ISAÏAH 65:25

U suri bad u khun langbrot kin ïabam ryngkat, u sing ruh un bam phlang kum u masi dab: bad ka 'dewmet kan long ka jingbam u bseiñ. Kin ym ïa-pynsniew lymne ïa-pynduh ha u lum bakhuid jong nga baroh,” ong U Trai.

ESEKIEL 28:16

Da ka jingbun ka jingkhaïi jong me ki la pyndap ïa ka pdeng jong me da ka jinglehbor, bad me la leh pop: namar kata, nga la bred noh ïa me kum uba sang na u lum U Blei; bad nga la pynjot ïa me, ko Kherub uba kah, napdeng ki maw ba-meh ding.

MATHAÏOS 13:39

uta u nongshun uba la bet ruh ïa ki, u long u Soitan; kata ka aïom ot ruh, ka long kaba wai noh ka pyrthei; kita kiba ot ruh, ki long ki angel.

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

MATHAÏOS 25:41

Ynda kumta, un ong ha kita ruh sha kadiang, ‘To khie leit noh na nga, phi ïa kiba la tim, sha ka ding ka bymjukut, ïa kaba la buh lypa ïa u Soitan bad ïa ki angel jong u!

MATHAÏOS 4:1

Ynda kumta, la ïalam noh ïa U Jisu da U Mynsiem sha ka ri khlaw, ba yn pynshoi ïa u da u Soitan.

MATHAÏOS 4:10

Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

MATHAÏOS 4:5

Ynda kumta, u Soitan u la ïalam ïa U sha ka nongbah ka bakhuid; bad u la buh ïa U halor jrong ka dong ka templ,

MATHAÏOS 4:8

U Soitan u la ïalam pat ïa U sha u lum bajrong eh, bad u la pyni ha U ïa ki hima ka pyrthei baroh, bad ïa ka burom jong ki ruh;

LOUKAS 10:18

U te u la ong ha ki, “Nga la ïohi ïa u Soitan ba u hap kum ka leilieh na bneng.

LOUKAS 13:16

Ïa kane ka briew te, kaba long ka khun u Abraham, ïa kaba u Soitan u la khum, ha khmih, jin khatphra snem, kam dei ban pyllait ïa ka na kane ka jingkhum ha ka sngi Sabbaton?”

LOUKAS 22:3

Ynda kumta, u Soitan u la leit bsut hapoh u Judas ïa uba la sin “Iskariot”, uba long uwei na ki khat-ar ngut.

LOUKAS 22:31

U Trai u la ong ruh, “Ko Simon, Simon, ha khmih u Soitan u la pan ban ïoh ïa phi, ïa ka ban ïoh tai ïa phi kum ïa u Kew:

LOUKAS 8:12

Te kita kiba harud lynti, long kita kiba ïohsngew; hadien kata, u Soitan u wan bad u rong noh ïa kata ka ktien na ka dohnud jong ki, khnang ba kin ym ngeit bad ïohlait im.

ÏOANNIS 12:31

Mynta ka long ka jingrem jong kane ka pyrthei: mynta yn shop noh shabar ïa u syiem jong kane ka pyrthei.

ÏOANNIS 14:30

Ngan ym ïoh ïakren shibun shuh bad phi, namar u syiem jong kane ka pyrthei un wan. Hynrei, um don ei ei ruh em ha nga;

ÏOANNIS 16:11

shaphang ka jingbishar de, naba la pynrem ïa u syiem jong kane ka pyrthei.

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

KI KAM 26:18

ban pynpeit ïa ki khmat jong ki, ba kin ïoh phai na ka jingdum sha ka jingshai, bad na ka bor jong u Soitan sha U Blei, ba kin ïoh pdiang kaba map ki pop, bad ka bynta hapdeng kita ïa kiba la pynkhuid da ka jingngeit kaba ha nga.’ ”

KI KAM 5:3

Hynrei, u Petros u la ong, “Ko Ananias, hato balei ba u Soitan u la pyndap ïa ka dohnud jong me, ïa ka ban shukor ïa U Mynsiem Bakhuid, bad ban buhrieh noh shi bynta na ka dor kata ka bri?

Ka Shithi U Paul Sha Ki Nong Rom 16:18

Namar kiba kum kita, kim shakri ïa U Jisu Khrist uba U Trai jong ngi, hynrei, ïa la ka jong ka kpoh; bad da ka ktien jali ja-um bad ka ktien ïaroh arsap, ki ïashukor ïa ki dohnud jong kiba lui lui.

Ka Shithi U Paul Sha Ki Nong Rom 16:20

Te U Blei ka jingsuk un pynlwet jin shen shen keiñ ïa uta u Soitan hapoh ki kjat jong phi! ka jingaiei ka jong U Jisu Khrist uba U Trai jong ngi to kan long lem bad phi.

2 KORINTH 11:14

Ngin lyngngoh lei ïa kata? namar u Soitan hi u pynsyriem ïa lade ïa u angel ka jingshai.

2 KORINTH 11:3

Hynrei, nga sheptieng ïoh ba kumno kumno ruh kumba uta u bseiñ u la shukor ïa ka Im da ka buit sian bymman jong u, ba kumta, yn pynpyut plak ïa ki jingmut jong phi na kata kaba shi syrtap mynsiem bad kata ka jingsngur kaba ha U Khrist.

2 KORINTH 12:7

Hynrei, khnang ba ngan ym sngewkhraw palat eh namar ka jingkhraw kor tam eh kita ki jingpynpaw, la buh ha nga ïa u shiah ha ka doh, ka jingphah u Soitan ban ïoh pynshitom ïa nga, khnang ba ngan ym sngewkhraw palat eh keiñ.

2 KORINTH 2:11

ba yn ym leh phon ïa ngi da u Soitan, namar ngim long ki bymtip ïa ki buit jong u!

2 KORINTH 4:4

ha kiba u blei jong kane ka pyrthei u la pynmatlah noh ïa ki jingmut kita ki bymngeit, khnang ba ka jingshai ka gospel ka burom U Khrist, uba long ka dur U Blei, kan ym tyngshaiñ ha ki.

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

2 THESSALONI 2:3

Wat ai ba uno uno ruh un shukor ïa phi da kaba kumno kumno ruh: naba kata kan ym wan, lymda jia shuwa kata ka jingphaidien, bad ba yn ïoh pynpaw noh ïa uta u briew jong ka pop, u khun jong ka jingjot;

1 TIMOTHI 2:14

Bad ym shym la shukor ïa u Adam, hynrei, kata ka kynthei haba ka la shah shukor, ka la kyllon ha ka jingpalat.

2 TIMOTHI 3:13

Hynrei, ki briew basniew bad ki nongshukor kin nang sniew nang sniew, ki da shukor bad shah shukor.

HEBRU 2:14

Namar kata, haba kita ki khun ki long ki nongïoh bynta na ka doh bad ka snam, ma u hi ruh, da kajuh ka rukom u la shim bynta na kijuh; ba da ka jingïap un ïoh pynduh noh ïa uta uba don ka bor ka jingpynïap, uta u long u Soitan keiñ;

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

1 ÏOANNIS 5:19

Ngi tip ba ngi long na U Blei, bad ba ka pyrthei baroh kawei ka thiah khop hapoh uta u basniew.

JUDAH 1:9

Hynrei, u Mikhal u angel rangbah, mynba u dang ïa-pyneh bad u Soitan, ba u da ïasaid nia shaphang ka met u Moses, um nud ban bishar kat ban krenbeiñ ïa u, hynrei, u la ong, “To U Trai un da sneng ïa me!”

JINGPYNPAW 12:12

Naba kumta to ïakmen, ko ki bneng, bad phi kiba shong ha ki. Kordit ïa kata ka khyndew, bad ïa ka duriaw! naba uta u Ksuid u la leit hiar ha phi, uba don ka jingbitar bakhraw, naba u tip ba u don tang khyndiat por.”

JINGPYNPAW 12:3

Bad la ïohi ïa kawei pat ka dak khyllah ha bneng; bad ha khmih, u ïakjakor basaw uba khraw, uba don hynñiew ki khlieh bad shiphew ki reng, bad halor kita ki khlieh jong u, hynñiew ki pansngiat.

JINGPYNPAW 12:7

Bad ka thma ka la long ha bneng: u Mikhal bad ki angel jong u ki la ïaleh thma ïa uta u ïakjakor; te uta u ïakjakor ruh bad ki angel jong u ki la ïaleh thma;

JINGPYNPAW 12:8

hynrei, kim shym la jop, lymne ïa ka jaka jong ki ym shym la shem shuh ha bneng.

JINGPYNPAW 13:14

Te u shukor noh ïa kita kiba shong halor kata ka khyndew, da kita ki dak khyllah ïa kiba la ai bor ha u ban leh ha khmat uta u mrad khlaw; u da ong ha kita kiba shong halor kata ka khyndew ba kin thaw dur ïa uta u mrad khlaw, uba la ïoh ïa kata ka jingmong da ka waitlam, bad ba la ïoh im pynban.

JINGPYNPAW 16:14

namar ki long ki mynsiem ki ksuid kiba leh ïa ki dak khyllah; kiba leit mih noh sha kita ki syiem jong kata ka pyrthei baroh kawei, ban ïalum lang ïa ki sha kata ka thma jong kata ka sngi ka bakhraw U Blei U Badonbor Baroh.

JINGPYNPAW 18:2

Bad u la pyrta da ka ktien bajam, u da ong, “La kyllon, la kyllon ka Babilon kaba khraw, te ka la jia long ka jaka shong ki ksuid bad ka jaka ri ka mynsiem bymkhuid baroh, bad ka jaka ri ka sim bymkhuid bad ba-isaitmet baroh.

JINGPYNPAW 18:23

bad ïa ka jingshai ka sharak da lei lei yn ym pynshai shuh ha pha; bad ïa ka jingsawa u nongleit-kurim bad ka nongleit-kurim da lei lei yn ym ïohsngew shuh ha pha; naba kita ki nongkhaïi jong pha ki la ju ïalong ki bakhraw batri jong ka khyndew; naba da kata kaba ai ksuid jong pha la shukor noh ïa ki kynja bynriew baroh.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 2:24

Hynrei, ha phi nga ong, kata, ha kita kiwei keiñ kiba ha Thiateira, kat ki bymdon kane ka jinghikai, ki bymtip ïa kita ki jingjylliew jong u Soitan, kumba ki ong: “Ngam buh ha phi ïa kawei pat ka jingkit.”

JINGPYNPAW 2:9

“ ‘Nga ithuh ïa ka jingshahshitom jong pha, bad ïa ka jingduk jong pha (hynrei, pha long ka bariewspah), bad ïa ka jingkrenbeiñ jong kita kiba ong ba ki long ki Jiw, bad kim long, hynrei, ki long ka synagog jong u Soitan.

JINGPYNPAW 20:10

Te ïa uta u Soitan uba shukor ïa ki la bred keiñ sha kata ka pung ka ding bad u kyndok, ha kaba ki don ruh uta u mrad khlaw bad uta u nongïathuhlypa balamler; bad yn pynkordit ïa ki, mynsngi bad mynmiet, sha ki bymjukut ki bymjukut.

JINGPYNPAW 20:8

bad un leit mih noh ban shukor ïa kita ki kynja bynriew kiba ha kita ki sawdong ka pyrthei, ïa u Gog bad ïa u Magog, ban pynïaseng lang ïa ki sha kata ka thma; ka jingkheiñ jong kita ka long kum u shyiap ka duriaw.

JINGPYNPAW 3:9

Ha khmih, nga aiti noh ïa kiba na kata ka synagog u Soitan, kiba ong ba ki long ki Jiw, bad kim long, hynrei, ki lamler; ha khmih, ngan pynleh ïa kita ba kin wan bad ïamane ha khmat ki kjat jong pha, bad ba kin tip ba nga la ieit ma nga ïa pha.

JINGPYNPAW 9:1

Bad u angel u basan u la pynsawa; te nga la ïohi ïa u khlur ba la hap na bneng sha ka khyndew; bad la ai ha u ïa u shabi kata ka 'liewlong kaba khlem trai.

JINGPYNPAW 9:20

Te kita kiba sah na ki bynriew, ïa kiba ym shym la pynïap noh da kine ki jingïapthem, kim shym la kylla-ka-bamut na kita ki jingleh ki kti jong ki, ba kin ym mane ïa kita ki ksuid, bad ïa kita ki bleithaw kiba da ka ksiar, bad da ka rupa, bad da ka rnong, bad da u maw, bad da ka dieng, ki bym lah ban ïohi, lymne ïohsngew, lymne ïaid: