JINGPYNPAW 12:4 - KA BAIBL

⁴ Bad ka tdong jong u ka ring ïa ka balai ka bynta na ki khlur ka bneng, bad ka la bred noh ïa ki sha ka khyndew: bad uta u ïakjakor u la ïeng ha khmat kata ka briew ka ban sa kha khun, khnang ba ynda ka la kha, un ïoh bam duh ïa ita i khunlung jong ka.

Khasi CL Bible (BSI)

⁴ Da u tdong jong u, u la patan na ka sahit bneng ïa shi bynta na ki lai bynta ki khlur bad u la bret arsut ïa ki sha ka khyndew. U la ïeng ha khmat jong kata ka briew, khnang ban bam ïa u khunlung jong ka tang mar ïa kha ïa u.

JINGPYNPAW 12:4 ပူးပေါင်းရင်းမြစ်များ

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

JINGPYNPAW 9:19

Naba kata ka bor jong kita ki kulai ka long ha ka shyntur jong ki, bad ha ki tdong jong ki; namar kita ki tdong jong ki, ki syriem kum ki bseiñ, bad ki don ki khlieh, bad da kita, ki pynsniew.

JINGPYNPAW 9:10

bad ki don ki tdong kiba syriem ïa ki 'ñianglartham, bad ki sni; bad ka bor jong ki ban pynsniew ïa ki briew san bnai ka la long ha ki tdong jong ki.

JINGPYNPAW 8:7

Te uta u banyngkong u la pynsawa; bad la jia long u phria bad ka ding ïa kiba la khleh da ka snam, bad la bred ïa ki shalor ka khyndew; te ïa ka balai ka bynta na ka jong ka khyndew bad ïa ka balai ka bynta na ka jong ki dieng la thang noh, bad ïa u phlang bajyrngam baroh la thang noh.

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

EKSODOS 1:16

bad u la ong, “Haba phi leh ïa ka kam bat khun ha ki kynthei Hebru, bad ba phi khmih ïa ki haba ki dang kha; lada i long shynrang, te phin pynïap noh ïa u; hynrei, lada i long kynthei, te kan ïoh im.”

JINGPYNPAW 17:18

Te kata ka briew ïa kaba me la ïohi, ka long kata ka nongbah kaba khraw kaba synshar halor kita ki syiem kata ka khyndew.”

ISAÏAH 27:1

Ha kata ka sngi, U Trai un pynshitom ïa u Lebiathan u 'seiñher wat ïa u Lebiathan u 'seiñ bakdor da la ka waitlam ba-eh bakhraw bad badonbor; un pynïap ruh ïa u ïakjakor uba ha ka duriaw.

JINGPYNPAW 8:8

Bad u angel u ba-ar u la pynsawa; te kum ïa u lum bakhraw ïa uba la thang da ka ding la bred sha ka duriaw; te ka balai ka bynta na ka jong kata ka duriaw ka la kylla snam,

JINGPYNPAW 8:9

bad la ïap noh ka balai ka bynta na ka jong kita ki jingthaw kiba ha kata ka duriaw, kiba don jingim, bad la pynjot noh ïa ka balai ka bynta na ka jong ki lieng.

JINGPYNPAW 8:10

Bad u angel u balai u la pynsawa; te la hap na bneng u khlur bakhraw bathang kum ka musa, bad u la hap halor ka balai ka bynta na ka jong ki wah bad halor ki pukri ki um;

JINGPYNPAW 8:11

bad ka kyrteng uta u khlur la khot “U Bakthang”; te ka balai ka bynta na ka jong kita ki um ka la kylla kthang; te shibun ki briew ki la ïap noh na kita ki um, naba la pynkthang ïa ki.

JINGPYNPAW 8:12

Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.

JINGPYNPAW 12:7

Bad ka thma ka la long ha bneng: u Mikhal bad ki angel jong u ki la ïaleh thma ïa uta u ïakjakor; te uta u ïakjakor ruh bad ki angel jong u ki la ïaleh thma;

JINGPYNPAW 13:2

Bad uta u mrad khlaw ïa uba nga la ïohi, u la syriem ïa u 'labasa, bad ki kjat jong u kum ki kjat dngiem, bad ka shyntur jong u kum ka shyntur sing: te uta u ïakjakor u la aiti ha u ïa ka bor jong u, bad ïa ka khet jong u, bad ïa ka bor synshar bakhraw.

JINGPYNPAW 13:4

Bad ki la ïamane dem ïa uta u ïakjakor naba u la aiti ïa ka bor synshar jong u ha uta u mrad khlaw; te ki la ïamane dem ïa uta u mrad khlaw, ki da ong, “Uei, uba long kum uta u mrad khlaw? uei uba lah ban ïaleh thma bad u?”

JINGPYNPAW 16:13

Bad nga la ïohi lai tylli ki mynsiem bymkhuid kum ki jakoid kiba mih na ka shyntur uta u ïakjakor, bad na ka shyntur uta u mrad khlaw, bad na ka shyntur uta u nongïathuhlypa balamler;

JINGPYNPAW 20:2

Bad u la kem ïa uta u ïakjakor, ïa uta u bseiñ batymmen, uba long u Ksuid bad u Soitan, bad u la khum ïa u, shi hajar snem;