JINGPYNPAW 12:3 - KA BAIBL

³ Bad la ïohi ïa kawei pat ka dak khyllah ha bneng; bad ha khmih, u ïakjakor basaw uba khraw, uba don hynñiew ki khlieh bad shiphew ki reng, bad halor kita ki khlieh jong u, hynñiew ki pansngiat.

Khasi CL Bible (BSI)

³ Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 12:3 ပူးပေါင်းရင်းမြစ်များ

ISAÏAH 27:1

Ha kata ka sngi, U Trai un pynshitom ïa u Lebiathan u 'seiñher wat ïa u Lebiathan u 'seiñ bakdor da la ka waitlam ba-eh bakhraw bad badonbor; un pynïap ruh ïa u ïakjakor uba ha ka duriaw.

ISAÏAH 51:9

To khie, to khie, to kup ïa ka bor, ko ksang'ti U Trai: to khie, kumba ha ki sngi mynhyndai, ha ki pateng bynriew mynbarim. Ym long ma pha ba la pom noh ïa u Rahab, bad ba la dung ngak ïa u ïakjakor?

ISAÏAH 9:15

U tymmen bad uba donburom u long u khlieh; bad u nongïathuhlypa uba hikai lamler, u long ka tdong.

DANIEL 2:41

Bad kumba me la ïohi ïa ki sla'jat bad ki shynriah'jat, shi bynta da ka 'dewbyrtha u nongthaw khiew bad shi bynta da ka nar, ka ruh kan long ka hima kaba la pait; hynrei, kan don ha ka, ka bor nar, kumba me la ïohi ïa kata ka nar ba la ïakhleh bad ka 'dewbyrtha baktieh.

DANIEL 2:42

Bad kumba ki shynriah'jat ki la long shi bynta da ka nar, bad shi bynta da ka 'dewbyrtha, kumta, ka hima kan long shi bynta kaba khlaiñ, bad shi bynta kaba shroiñ.

DANIEL 7:20

bad ïa kita ki shiphew tylli ki reng kiba la don halor ka khlieh jong u, bad kata kawei pat ka reng kaba la mih, kiba ha khmat jong ka, lai tylli ki la hap; kata ka reng hi keiñ kaba la don ki khmat, bad ka shyntur kaba la kren ïa kiei kiei kiba khraw, kaba kham i heh ban ïa ki lok jong ka.

DANIEL 7:24

Bad shaphang kita ki shiphew tylli ki reng, na kane ka hima, shiphew ngut ki syiem kin mih: bad uwei pat, un mih hadien jong ki; u ban long uba pher na kita kiba mynshuwa, bad un jop ïa lai ngut ki syiem.

JINGPYNPAW 12:1

Bad la ïohi ïa ka dak khyllah bakhraw ha bneng; ka briew kaba la kup da ka sngi, bad u bnai hapoh ki kjat jong ka, bad halor ka khlieh jong ka, ka pansngiat da ki khat-ar ki khlur;

JINGPYNPAW 12:13

Te mynba uta u ïakjakor u la ïohi ba la shop noh arsut ïa u sha ka khyndew, u la behbeiñ ïa kata ka briew kaba la kha khun shynrang.

JINGPYNPAW 12:17

Te uta u ïakjakor u la sngewbitar lep ïa kata ka briew, bad u la leit noh ban ïaleh thma bad kita kiba sah na u symbai jong ka, kita kiba sumar ïa ki hukum U Blei bad kiba bat ïa kata ka jingphla ïa U Jisu Khrist. Te u la ïeng halor u shyiap ka duriaw.

JINGPYNPAW 12:4

Bad ka tdong jong u ka ring ïa ka balai ka bynta na ki khlur ka bneng, bad ka la bred noh ïa ki sha ka khyndew: bad uta u ïakjakor u la ïeng ha khmat kata ka briew ka ban sa kha khun, khnang ba ynda ka la kha, un ïoh bam duh ïa ita i khunlung jong ka.

JINGPYNPAW 12:7

Bad ka thma ka la long ha bneng: u Mikhal bad ki angel jong u ki la ïaleh thma ïa uta u ïakjakor; te uta u ïakjakor ruh bad ki angel jong u ki la ïaleh thma;

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

JINGPYNPAW 13:1

Bad nga la ïohi ïa u mrad khlaw uba kiew noh na ka duriaw, uba don hynñiew ki khlieh bad shiphew ki reng, bad halor kita ki reng jong u, shiphew ki pansngiat, bad halor kita ki khlieh jong u ki kyrteng ka jingkrenbeiñ Blei.

JINGPYNPAW 13:2

Bad uta u mrad khlaw ïa uba nga la ïohi, u la syriem ïa u 'labasa, bad ki kjat jong u kum ki kjat dngiem, bad ka shyntur jong u kum ka shyntur sing: te uta u ïakjakor u la aiti ha u ïa ka bor jong u, bad ïa ka khet jong u, bad ïa ka bor synshar bakhraw.

JINGPYNPAW 13:4

Bad ki la ïamane dem ïa uta u ïakjakor naba u la aiti ïa ka bor synshar jong u ha uta u mrad khlaw; te ki la ïamane dem ïa uta u mrad khlaw, ki da ong, “Uei, uba long kum uta u mrad khlaw? uei uba lah ban ïaleh thma bad u?”

JINGPYNPAW 15:1

Bad nga la ïohi ïa kawei pat ka dak khyllah ha bneng, kaba khraw bad ba-iphylla, hynñiew angel kiba don hynñiew ki jingïapthem, kiba long ki bakhatduh; naba ha ki la pyndep noh ïa kata ka jingbitar U Blei.

JINGPYNPAW 16:13

Bad nga la ïohi lai tylli ki mynsiem bymkhuid kum ki jakoid kiba mih na ka shyntur uta u ïakjakor, bad na ka shyntur uta u mrad khlaw, bad na ka shyntur uta u nongïathuhlypa balamler;

JINGPYNPAW 17:12

Bad kita ki shiphew reng ïa kiba me la ïohi, ki long shiphew ki syiem ki bym pat shym la pdiang ïa ka hima; hynrei, ki ïa-pdiang ïa ka bor kum ki syiem, ïa tang shi por, lem bad uta u mrad khlaw.

JINGPYNPAW 17:16

Bad kita ki shiphew ki reng ïa kiba me la ïohi, bad uta u mrad khlaw, kine kin ïashun ïa kata ka nuti, bad kin ïa-pynlong kaba marwei bad ka balyngkhuit ïa ka, bad kin ïabam duh ïa ka doh jong ka, bad kin ïathang duh ïa ka da ka ding.

JINGPYNPAW 17:7

Te uta u angel u la ong ha nga, “Hato balei me la sngewphylla? ngan ïathuh ha me ïa kata ka jingmaïan jong kata ka briew, bad ka jong uta u mrad khlaw uba kit ïa ka, uba don kita ki hynñiew ki khlieh bad kita ki shiphew ki reng.

JINGPYNPAW 19:12

Te ki khmat jong u ki kum ka thylliej ka ding, bad halor ka khlieh jong u don ki pansngiat shibun: u don ruh ka kyrteng ba la thoh, ïa kaba uno uno ruh um ithuh, hynrei, tang ma u hi.

JINGPYNPAW 20:2

Bad u la kem ïa uta u ïakjakor, ïa uta u bseiñ batymmen, uba long u Ksuid bad u Soitan, bad u la khum ïa u, shi hajar snem;